Bright Zoom Today News ஜுன் 22 காலை நேரச் செய்திகள்

Bright Zoom Today News
ஜுன் 22 காலை நேரச் செய்திகள்

4 மாவட்டங்களில்... ரூ.1,000 நிவாரண உதவி... இன்று முதல் விநியோகம் - முக்கியச் செய்திகள் !

உலகச் செய்திகள்
600 கிலோ மீட்டர் வேகத்தில் ஓடும் மின்காந்த ரயில்:

சீனாவில் ஷாங்காய் நகரில் 600 கிலோ மீட்டர் வேகத்தில் ஓடும் மின்காந்த ரயில் வெற்றிகரமாக சோதித்து பார்க்கப்பட்டது.

மாநிலச் செய்திகள்
ரூ.500 கோடி வரை சிறப்பு நிதி:

சீனாவுடனான எல்லை பதற்றத்தின் காரணமாக ஆயுதங்கள் வாங்குவதற்கு அதிகாரம் அளிக்கும் கொள்முதல் திட்டத்திற்கு ரூ.500 கோடி வரை சிறப்பு நிதி அதிகாரங்களை மத்திய அரசு வழங்கியுள்ளது.

வானிலை ஆய்வு மையம் தெரிவிப்பு:

தென்மேற்கு பருவமழை மற்றும் வெப்பச்சலனம் காரணமாக, தமிழகத்தில் பெரும்பாலான மாவட்டங்களில் சில இடங்களில் இன்று மிதமான மழை பெய்யக்கூடும் என்று வானிலை ஆய்வு மையம் தெரிவித்துள்ளது.

தமிழகம் முழுவதும்...:

தமிழகம் முழுவதும் 3,000 டாஸ்மாக் மதுக்கடைகளில் கண்காணிப்பு கேமராக்கள் பொருத்தப்பட உள்ளது. இதற்காக கடைகளை தேர்வு செய்யும் பணி தீவிரமாக நடந்து வருகிறது.

நாளை முதல் பகல் 2.00 மணி வரை:

புதுச்சேரியில் வர்த்தக நிறுவனங்கள், மதுபான கடைகள் மற்றும் பெட்ரோல் பங்குகள் (ஜூன் 23) நாளை முதல் பகல் 2.00 மணி வரை மட்டுமே திறந்திருக்கும் என முதல்வர் நாராயணசாமி அறிவித்துள்ளார்.

ரூ.8.52 லட்சம் நிதி:

தமிழக அரசை ஊக்கப்படுத்தும் விதமாக, அகில இந்திய ரயில் ஓட்டுநர் சங்கம் சார்பில், முதல்வர் நிவாரண நிதிக்கு ரூ.8.52 லட்சம் வழங்கப்பட்டது.

வானில் தோன்றியது வளைய சூரிய கிரகணம்:

வானில் தோன்றும் அரிய நிகழ்வுகளின் ஒன்றான வளைவு சூரிய கிரகணம் நேற்று (ஞாயிற்றுக்கிழமை) காணப்பட்டது.

தமிழக அரசு உத்தரவு:

தனிமைப்படுத்தும் முகாம்களில் தங்குபவர்களின் வசதிக்காக சென்னை, செங்கல்பட்டு உட்பட 5 மாவட்டங்களுக்கு ரூ.16.66 கோடி ஒதுக்கீடு செய்து, தமிழக அரசு உத்தரவிட்டுள்ளது.

மாவட்டச் செய்திகள்
இன்று முதல்:

சென்னை உட்பட 4 மாவட்டங்களில் குடும்ப அட்டைதாரர்களுக்கு, ரூ.1,000 நிவாரண உதவி இன்று (திங்கட்கிழமை) முதல் அவர்களின் இருப்பிடங்களுக்கே சென்று விநியோகம் செய்யப்படவுள்ளது.

விவசாயிகள் மகிழ்ச்சி:

குறுவை சாகுபடிக்காக மேட்டூரிலிருந்து திறக்கப்பட்ட காவிரி நீர், நேற்று காலை காவிரி கடைமடை பகுதியான நாகை மாவட்டத்தை வந்தடைந்ததால், விவசாயிகள் மகிழ்ச்சியடைந்துள்ளனர்.

விளையாட்டுச் செய்திகள்
முன்னாள் நடுவர் பக்னர் ஒப்புதல்:

இந்திய கிரிக்கெட் ஜாம்பவான் சச்சின் டெண்டுல்கருக்கு இரண்டு முறை தவறான தீர்ப்புகளை வழங்கியதாக முன்னாள் நடுவர் ஸ்டீவ் பக்னர் தெரிவித்துள்ளார்.

அர்ஜூனா விருதிற்கு பரிந்துரை:

ஒழுங்கீன நடவடிக்கை காரணமாக அர்ஜூனா விருதிற்கு பிரனாய் பெயரை இந்திய பேட்மிண்டன் சம்மேளனம் புறக்கணித்த நிலையில், பயிற்சியாளர் கோபிசந்த் அவரது பெயரை விருதிற்கு பரிந்துரை செய்திருக்கிறார்.