Bright Zoom Today News அக்டோபர் 15 காலை நேரச் செய்திகள்

Bright Zoom Today News
அக்டோபர் 15
காலை நேரச் செய்திகள்

நாளை முதல் வேலை நிறுத்தம் - முக்கியச் செய்திகள் !


உலகச் செய்திகள்
ஐ.பி.எம் விருது :

வெள்ளத்தடுப்புக்கான புதிய தொழில்நுட்பத்தை உருவாக்கியதற்காக இந்திய மென்பொருள் நிபுணர்கள் குழுவுக்கு ஐ.பி.எம் விருது கிடைத்துள்ளது.

மாநிலச் செய்திகள்
ரயில் சேவை :

தமிழகத்தில் 3 பேசஞ்சர்  ரயில் சேவை இன்று தொடங்கப்படுகிறது. சேலம் - கரூர், பழனி - கோயம்புத்தூர், பொள்ளாச்சி - கோயம்புத்தூர் இடையே ரயில் சேவை இன்று தொடங்கப்பட உள்ளது.

மத்திய அரசு உத்தரவு :

தரமற்ற குடிநீரை அருந்துவதால் ஏற்படும் நோய்களைத் தடுக்கும் முயற்சியாக, வீடுகளுக்கு விநியோகிக்கப்படும் நீரின் தரத்தை அறிய மத்திய அரசு உத்தரவிட்டுள்ளது.

வருவாய் அதிகரிக்கும் :

இந்தியாவில் அடுத்த 5 ஆண்டுகளில் சுங்கச் சாவடி கட்டணம் மூலம் கிடைக்கும் வருவாய் ஆண்டுக்கு ஒரு லட்சம் கோடி ரூபாய் அளவிற்கு அதிகரிக்கும் என மத்திய அமைச்சர் நிதின் கட்கரி தெரிவித்துள்ளார்.

2 நாள் தகவல் தொழில்நுட்ப பயிற்சி :

தமிழ்நாட்டில், 602 ஆரம்ப சுகாதார நிலையங்களில், ஆய்வக தகவல் மேலாண்மை அமைப்பு திட்டத்தின் கீழ் பணியாற்றும் தகவல் பதிவு மேலாளர்களுக்கு, 2 நாள் தகவல் தொழில்நுட்ப பயிற்சி அளிக்கப்படுகிறது.

நாளை முதல் வேலை நிறுத்தம் :

தமிழகம் முழுவதும் வாடகையை உயர்த்தி வழங்கக்கோரி ஆவின் பால் டேங்கர் லாரி உரிமையாளர்கள், நாளை முதல் வேலை நிறுத்தத்தில் ஈடுபட உள்ளனர்.

மாவட்டச் செய்திகள்
தீபாவளி பண்டிகை-பயணிகள் முன்பதிவு :

தீபாவளி பண்டிகையை முன்னிட்டு அரசு பேருந்துகளில் பயணிக்க தற்போது வரை 51,208 பயணிகள் முன்பதிவு செய்துள்ளதாக போக்குவரத்துத்துறை முதன்மைச் செயலர் சந்தரமோகன் தெரிவித்துள்ளார்.

அருவியில் குளிக்க தடை :

நெல்லை மாவட்டம் குற்றாலம் மெயின் அருவியில் தொடர்ந்து பெய்து வரும் கனமழை காரணமாக அருவியில் வெள்ளப்பெருக்கு ஏற்பட்டுள்ளது. இதனையடுத்து குளிக்க தடைவிதிக்கப்பட்டுள்ளது.

வேலைவாய்ப்பு முகாம் :

தனியார் துறை வேலைவாய்ப்பு முகாம் சென்னையில் வருகிற 18ம் தேதி நடக்கிறது என்று வேலைவாய்ப்பு, பயிற்சித்துறை இயக்குநர் விஷ்ணு தெரிவித்துள்ளார்.

விடுமுறை :

தூத்துக்குடியில் பெய்து வரும் கனமழை காரணமாக பள்ளிகளுக்கு மட்டும் இன்று விடுமுறை அளித்து மாவட்ட ஆட்சியர் சந்தீப் நந்தூரி உத்தரவிட்டுள்ளார்.
விளையாட்டுச் செய்திகள்
டெஸ்ட் கிரிக்கெட் தரவரிசை :

ஐ.சி.சி. டெஸ்ட் கிரிக்கெட் தரவரிசையில் இந்திய வீரர்கள் ரஹானே, அஸ்வின் முன்னேற்றம் கண்டுள்ளனர். கேப்டன் விராட்கோலி முதலிடத்தை நெருங்கினார்.

கால்பந்து தகுதி சுற்று :

உலக கோப்பை கால்பந்து தகுதி சுற்றில் இந்தியா-வங்காளதேசம் அணிகள் கொல்கத்தாவில் இன்று இரவு 7.30 மணிக்கு மோதுகின்றன.

புரோ கபடி :

புரோ கபடி போட்டியில் நேற்று நடைபெற்ற இரண்டு எலிமினேட்டர் சுற்றில் பெங்கள ரு மற்றும் மும்பை ஆகிய இரு அணிகள் வெற்றி பெற்று அரையிறுதிக்கு தகுதி பெற்றுள்ளனர்.