Bright Zoom Today News ஜுன் 18 மாலை நேரச் செய்திகள்

Bright Zoom Today News
ஜுன் 18 மாலை நேரச் செய்திகள்

மீண்டும் விலையில்லா உணவு வழங்க.. தமிழக முதல்வர் உத்தரவு - முக்கியச் செய்திகள் !

உலகச் செய்திகள்
சீனா உரிமை கோருவதை ஏற்க முடியாது... இந்தியா:

லடாக் எல்லையில் உள்ள கால்வன் பள்ளத்தாக்கிற்கு, சீனா உரிமை கோருவதை ஏற்க முடியாது என இந்தியா கூறியுள்ளது. கடந்த 6ஆம் தேதி பேச்சுவார்த்தையில் எட்டப்பட்ட உடன்பாட்டிற்கு எதிராக சீனா நடந்து கொள்வதாகவும் இந்தியா குற்றம் சாட்டியுள்ளது.

வேலைவாய்ப்புத்துறைக்கு ஏற்பட்ட பெரிய அடி:

ஆஸ்திரேலியாவில் பொதுமுடக்கம் காரணமாக வேலைவாய்ப்புத்துறைக்கு ஏற்பட்ட பெரிய அடி பேரழிவுக்கு வழிவகுப்பதாக பிரதமர் ஸ்காட் மோரிசன் தெரிவித்துள்ளார்.

மசோதா நிறைவேறியது:

நேபாளத்தின் மேல் சபையில் இந்திய பகுதிகளை உள்ளடக்கிய வரைபடத்தை புதுப்பிப்பதற்கான மசோதா நிறைவேறியது.

மாநிலச் செய்திகள்
சென்னை வானிலை ஆய்வு மையம் தெரிவிப்பு:

தமிழகத்தில் அடுத்த 48 மணி நேரத்திற்கு 10 மாவட்டங்களில் மழைக்கு வாய்ப்பிருப்பதாக சென்னை வானிலை ஆய்வு மையம் தெரிவித்துள்ளது.

உச்சநீதிமன்றம் தடை:

ஒடிசா மாநிலத்தின், கடற்கரை நகரான பூரியில் 12ஆம் நூற்றாண்டில் கட்டப்பட்ட பூரி ஜெகந்நாதர் கோவில் ஆலய ரத யாத்திரைக்கு உச்சநீதிமன்றம் தடை விதித்துள்ளது.

புலம்பெயர் தொழிலாளர்களுக்கு வேலைவாய்ப்பு:

புலம்பெயர் தொழிலாளர்களுக்கு வேலைவாய்ப்பு வழங்க ரூ.50,000 கோடியில் தொழிலாளர்களின் நலன், ஊரக பகுதிகளில் வேலை வாய்ப்பை பெருக்க புதிய திட்டங்களை தொடங்க உள்ளதாக மத்திய நிதியமைச்சர் நிர்மலா சீதாராமன் தெரிவித்துள்ளார்.

சுகாதாரத்துறை அமைச்சகம் உத்தரவு:

மருத்துவர்கள் மற்றும் மருத்துவ பணியாளர்களுக்கு உரிய நேரத்தில் ஊதியம் தர வேண்டுமென அனைத்து மாநிலங்கள், யூனியன் பிரதேச தலைமைச் செயலாளர்களுக்கு சுகாதாரத்துறை அமைச்சகம் உத்தரவிட்டுள்ளது.

பாதுகாப்பிற்கு அச்சுறுத்தல் கொண்ட செயலிகள்:

தேசிய பாதுகாப்பிற்கு அச்சுறுத்தல் ஏற்படுத்தக்கூடிய சுமார் 52 செயலிகளை தேசிய பாதுகாப்பு அமைப்பு அடையாளம் கண்டு தெரிவித்து இருக்கிறது.

மாவட்டச் செய்திகள்
மீண்டும் விலையில்லா உணவு வழங்க உத்தரவு:

பொதுமுடக்கம் அமல்படுத்தப்படும் சென்னை உள்ளிட்ட பகுதியிலுள்ள அம்மா உணவகங்களில் மீண்டும் விலையில்லா உணவு வழங்க முதலமைச்சர் எடப்பாடி பழனிசாமி உத்தரவிட்டுள்ளார்.

நாளை முதல்...:

நாளை முதல் சென்னையில் மீண்டும் பொதுமுடக்கம் அமல்படுத்தப்படவிருக்கும் நிலையில், மாவட்டத்தில் இருந்து ஏராளமான மக்கள் வெளியேறி வருகிறார்கள்.

விளையாட்டுச் செய்திகள்
கேரள மாநில கிரிக்கெட் சங்கம் முடிவு:

பிசிசிஐ-யின் ஏழு ஆண்டு கால தடைக்காலம் முடிவடைய இருப்பதால், வேகப்பந்து வீச்சாளர் ஸ்ரீசந்த்-ஐ ரஞ்சி அணியில் சேர்க்க கேரள மாநில கிரிக்கெட் சங்கம் முடிவு செய்துள்ளது.

சாம்பியன் பட்டம்:

ஜெர்மனியின் முன்னணி கால்பந்து லீக்கான பன்டேஸ்லிகாவின் சாம்பியன் பட்டத்தை 8-வது முறையாக பேயர்ன் முனிச் அணி உறுதி செய்துள்ளது.