Bright Zoom Today News ஜுலை 08 காலை நேரச் செய்திகள்

Bright Zoom Today News
ஜுலை 08 காலை நேரச் செய்திகள்

இன்று முதல் 10 நாட்களுக்கு...
மாவட்ட ஆட்சியர் உத்தரவு
 - முக்கியச் செய்திகள் !

உலகச் செய்திகள்
ஒரு கோடி பேர் முன்பதிவு:

செவ்வாய் கிரகத்திற்கு, நாசா அனுப்பும் விண்கலத்தில் தங்கள் பெயர்களை பொறிக்க, ஒரு கோடி பேர் முன்பதிவு செய்துள்ளனர்.

விசா வழங்க கடும் கட்டுப்பாடுகள் விதிப்பு:

சீனாவின் அரசு அதிகாரிகள் மற்றும் ஆளும் கட்சியினருக்கு அமெரிக்காவில் விசா வழங்க கடும் கட்டுப்பாடுகள் விதிக்கப்பட்டுள்ளதாக அமெரிக்காவின் வெளியுறவு அமைச்சர் மைக் பாம்பியோ அறிவித்துள்ளார்.

அமெரிக்கா உறுதி:

விசா கட்டுப்பாடுகளில் இந்திய மாணவர்களின் நலன்கள் கவனத்தில் கொள்ளப்படும் என்று இந்தியாவிற்கு அமெரிக்கா உறுதியளித்துள்ளது.

மாநிலச் செய்திகள்
8 சதவீதம் அதிகம் மழை பெய்துள்ளது:

தமிழகத்தில் நிகழாண்டில் தென்மேற்கு பருவமழை வழக்கத்தை விட இதுவரை 8 சதவீதம் அதிகம் பெய்துள்ளதாக சென்னை வானிலை ஆய்வு மையம் தெரிவித்துள்ளது.

நாளை முதல்...:

மராட்டியத்தில் நாளை (ஜுலை 09) முதல் கடைகள் காலை 9 மணி முதல் இரவு 7 மணி வரை திறந்து இருக்கலாம் என மாநில அரசு அறிவித்துள்ளது.

கடன் வழங்க ஒப்புதல்:

கங்கை நதியை தூய்மைப்படுத்தும் திட்டத்தை மேம்படுத்த, உலக வங்கி சுமார் ரூ.3,000 கோடி கடன் வழங்க ஒப்புதல் அளித்துள்ளது.

தேசிய நல்லாசிரியர் விருது:

தமிழகத்தில் இருந்து தேசிய நல்லாசிரியர் விருதிற்கு இதுவரை 115 ஆசிரியர்கள் விண்ணப்பித்துள்ளனர்.

தமிழக தேர்தல் ஆணையத்திற்கு உச்சநீதிமன்றம் உத்தரவு:

தமிழகத்தில் நகர்ப்புற உள்ளாட்சி தேர்தலை நடத்தக்கோரி தாக்கல் செய்யப்பட்ட மனுவிற்கு பதில் அளிக்கும்படி தமிழக தேர்தல் ஆணையத்திற்கு உச்சநீதிமன்றம் உத்தரவிட்டுள்ளது.

மாவட்டச் செய்திகள்
மாவட்ட ஆட்சியர் உத்தரவு:

தேனி மாவட்டம் ஆண்டிபட்டியில் இன்று முதல் 10 நாட்களுக்கு முழு பொதுமுடக்கம் அமலுக்கு வந்தது. மருந்து கடைகளை தவிர்த்து மற்ற அனைத்து கடைகளையும் அடைக்க மாவட்ட ஆட்சியர் உத்தரவிட்டுள்ளார்.

இணையவழி கருத்தரங்கம்:

கூகுள் மீட் செயலி வழியாக சென்னை பல்கலைக்கழகம், காஞ்சி கிருஷ்ணா கலை அறிவியல் கல்லூரி மற்றும் தமிழ்நிலம் அறக்கட்டளை இணைந்து நடத்திய இணையவழி கருத்தரங்கம் நேற்று நடைபெற்றது.

விளையாட்டுச் செய்திகள்
கரிபீயன் பிரிமியர் லீக்:

இந்த ஆண்டிற்கான கரிபீயன் பிரிமியர் லீக் (சி.பி.எல்.) கிரிக்கெட் போட்டி ஆகஸ்ட் 18ஆம் தேதி முதல் செப்டம்பர் 10ஆம் தேதி வரை வெஸ்ட் இண்டீஸில் நடக்கவுள்ளது.

இந்திய கால்பந்து கூட்டமைப்பு முடிவு:

இந்தியாவில் நடைபெறும் ஐஎஸ்எல், ஐ-லீக் உள்ளிட்ட முக்கியத் தொடர்களில் விளையாடும் வெளிநாட்டு வீரர்களின் எண்ணிக்கையை 4 ஆக குறைக்க வேண்டும் என்று இந்திய கால்பந்து கூட்டமைப்பு (ஏஐஎப்எப்) முடிவு எடுத்துள்ளது.

இன்று தொடக்கம்:

இங்கிலாந்து-வெஸ்ட் இண்டீஸ் அணிகள் மோதும் முதல் டெஸ்ட் போட்டி, சவுத்தாம்ப்டன் ரோஸ் பவுல் மைதானத்தில் இந்திய நேரப்படி இன்று பிற்பகல் 3.30 மணிக்கு தொடங்கவுள்ளது.