Date announcement for GATE 2027 | GATE) 2027-க்கான தேதி அறிவிப்பு

Date announcement for GATE 2027 |GATE) 2027-க்கான தேதி அறிவிப்பு

ஐஐடி மெட்ராஸ், பொறியியல் பட்டதாரி தகுதித் தேர்வு (GATE) 2027-க்கான தேதிகள், பாடத்திட்ட திருத்தம் மற்றும் புதிய வினாத்தாள் அறிமுகம் ஆகியவற்றை அறிவித்துள்ளது.

ஐஐடி மெட்ராஸ், பொறியியல் பட்டதாரி தகுதித் தேர்வு (GATE) 2027-க்கான தேதிகள், பாடத்திட்ட திருத்தம் மற்றும் புதிய வினாத்தாள் அறிமுகம் ஆகியவற்றை அறிவித்துள்ளது.

இந்திய தொழில்நுட்ப நிறுவனம் மெட்ராஸ் (ஐஐடி மெட்ராஸ்), பொறியியல் பட்டதாரி தகுதித் தேர்வு (GATE) 2027-ஐ ஏற்பாடு செய்யும் நிறுவனமாகும் 

GATE என்பது பொறியியல்/ தொழில்நுட்பம்/ அறிவியல்/ கட்டிடக்கலை/ வணிகம்/ கலை/ மானுடவியல் போன்ற பல்வேறு இளங்கலைப் பாடங்களில் விண்ணப்பதாரர்களின் விரிவான புரிதலை மதிப்பிடும் ஒரு தேசிய அளவிலான தேர்வாகும். 1983-ல் தொடங்கப்பட்ட இத்தேர்வின் 45-வது ஆண்டு விழா இதுவாகும். GATE 2027 தேர்வானது

, இந்திய அரசின் கல்வி அமைச்சகத்தின் (MoE) கீழ் இயங்கும் தேசிய ஒருங்கிணைப்புக் குழுவான GATE-ன் சார்பாக, IISc மற்றும் IIT-களால் நடத்தப்படுகிறது.

பதிவு செய்வதற்கான விண்ணப்ப இணையதளம் ஆகஸ்ட் 2026-ன் நடு வாரத்தில் திறக்கப்படும் என எதிர்பார்க்கப்படுகிறது. தேர்வு நடைபெறும் தேதிகள் பிப்ரவரி 6, 7, 13, 14, 20 மற்றும் 21, 2027 ஆகும். இந்த நாட்களில் முற்பகல் மற்றும் பிற்பகல் ஆகிய இரு அமர்வுகளிலும் தேர்வு நடத்தப்படும்.

மேலும் விவரங்களுக்கு, GATE 2027-ன் அதிகாரப்பூர்வ இணையதளத்தைப் பார்க்கவும்.https://gate2027.iitm.ac.in/

கேட் (GATE) தேர்வில் தகுதி பெறும் விண்ணப்பதாரர்கள், கல்வி அமைச்சகம் (MoE) மற்றும் பிற அரசு நிறுவனங்களால் ஆதரிக்கப்படும் நிறுவனங்களில், பொறியியல்/ தொழில்நுட்பம்/ அறிவியல்/ கட்டிடக்கலை/ மானுடவியல் ஆகியவற்றின் தொடர்புடைய பிரிவுகளில் முதுகலை, நேரடி முனைவர் மற்றும் முனைவர் பட்டப் படிப்புகளில் நிதி உதவியுடன் சேர்க்கை பெறலாம். கல்வி அமைச்சகத்தின்

உதவித்தொகை இல்லாமல் முதுகலைப் படிப்புகளில் சேர்க்கை பெற சில கல்லூரிகள் மற்றும் நிறுவனங்கள் கேட் மதிப்பெண்ணையும் கருத்தில் கொள்கின்றன. பல பொதுத்துறை நிறுவனங்களும் (PSUs) ஆட்சேர்ப்புக்காக கேட் மதிப்பெண்ணைப் பயன்படுத்தி வருகின்றன. பல புகழ்பெற்ற நிறுவனங்களும் தங்கள் ஆட்சேர்ப்புச் செயல்பாட்டில் கேட் மதிப்பெண்ணைக் கருத்தில் கொள்ள வாய்ப்புள்ளது.

கேட் 2027 கணினி அடிப்படையிலான தேர்வாக (CBT) நடத்தப்படும், மேலும் இதில் மொத்தம் 30 தேர்வுத் தாள்கள் இருக்கும். அதிகரித்து வரும் தேவைகளுக்கு ஏற்ப, 5 ஆண்டுகளுக்குப் பிறகு இந்தத் தாள்களுக்கான பாடத்திட்டம் திருத்தப்பட்டுள்ளது.

கேட் 2027 முதல் ரோபாட்டிக்ஸ் மற்றும் ஆட்டோமேஷன் (RA) என்ற புதிய தாள் அறிமுகப்படுத்தப்படுகிறது. ஜவுளிப் பொறியியல் மற்றும் இழை அறிவியல் (TF) தாள், பொறியியல் அறிவியலில் (XE) ஒரு பகுதித் தாளாக மாற்றப்பட்டுள்ளது. தேர்வுத் தாள்கள் ஆங்கிலத்தில் மட்டுமே இருக்கும்.

அனுமதிக்கப்பட்ட இரண்டு தாள் சேர்க்கைகளிலிருந்து, தேர்வர்கள் ஒன்று அல்லது இரண்டு தேர்வுத் தாள்களை எழுதலாம். தேர்வர்கள் பெறும் கேட் (GATE) மதிப்பெண், தேர்வு முடிவுகள் அறிவிக்கப்பட்ட நாளிலிருந்து மூன்று ஆண்டுகளுக்குச் செல்லுபடியாகும்.

நியாயமான மற்றும் பாதுகாப்பான தேர்வை நடத்துவதற்காக, முகப் பதிவுடன் டிஜிலாக்கர் (DigiLocker) மூலமாகவும் இணையவழிப் பதிவு செய்யப்படும். எனவே, தேர்வு அறைகளுக்குள் சுமுகமாக நுழைவதற்கு, தேர்வர்கள் மேம்படுத்தப்பட்ட பதிவு வசதிகளைப் பயன்படுத்துமாறு ஊக்குவிக்கப்படுகிறார்கள்.