கண்ணை கவரும் காதல் நகரம் பாரீஸ்.!

1/19

பிரான்ஸ் நாட்டின் தலைநகரமும், மிகப்பெரிய நகரமாக இருக்கும் பாரீஸ் சுற்றுலா பிரியர்களின் கனவு தேசம். . கி.மு.52ல் பாரிசில் வாழ்ந்து வந்த இனக்குழுவினர் ரோமர் பாரிசீ என்ற பெயரால் அழைக்கப்பட்டனர். அதன் பிறகு இந்நகரம் லத்தீன் பகுதி என வழங்கப்படும் சீன் நதியின் இடது கரை விரிவடைந்தது. அதன்பின்னர் பாரிஸ் என்று பெயர் மாற்றம் செய்யப்பட்டது.

2/19

1852லிருந்து பழைய கட்டடங்கள் உடைக்கப்பட்டு புது நகரம் உருவாக்கப்பட்டது. சாலைகள் அகலமாக்கப்பட்டு தெரு விளக்குகள் நிறுவப்பட்டது. உலகிலேயே, தெரு விளக்குகளை முதல்முதலில் அறிமுகப்படுத்திய காரணத்தால் ’பாரிஸ் விளக்கு நகரம்’ என்றழைக்கப்பட்டு உலகளவில் புகழ்பெற்றது.

3/19

1889ம் ஆண்டு பாரிசில் நடந்த அகில உலகக் கண்காட்சியின் ஒரு பகுதியாக ஈஃபிள் கோபுரம் கட்டப்பட்டது. கண் டொவ் ஈபில் என்ற புகழ்மிக்கப் பொறியாளர், இரண்டு ஆண்டுகளாக உழைத்து, இதனைக் கட்டினார்.

4/19

ஈபிள் டவரைக் கட்டி முடிக்க பன்னிரண்டாயிரம் இரும்புத் துண்டுகளும் எழுபது இலட்சம் ஆணிகளும், தேவைப்பட்டிருக்கிறது. தற்காலிகமாகக் கட்டப்பட்ட இந்தக் கோபுரம் இன்று பாரிஸ் நகருக்கு மட்டுமல்லாது ஐரோப்பா கண்டத்துக்கே அடையாளமாக இருக்கிறது.

5/19

பாரிசில் சுற்றிப்பார்க்க வேண்டிய இடங்களில், லுவர் அருங்காட்சியகம் முதன்மையானது. பிரெஞ்சு, இத்தாலி பாணியில் கட்டப்பட்ட இந்த கட்டிடம் கட்டிடக்கலைக்கு ஓர் எடுத்துக்காட்டாக விளங்குகிறது.

6/19

மூன்று லட்சத்துக்கு மேற்பட்ட கலைப்பொருட்கள் உள்ள இந்த அருங்காட்சியகத்தில்தான், என்னும் லியார்னாடோ டாவின்சியின் உலகப் புகழ் பெற்ற மோனோலிசா ஓவியம் இருக்கிறது.

7/19

பாரிஸ் நகரத்தின் நடுவில் அமைந்துள்ள தீவு ஒன்றில் உலகப் புகழ்பெற்ற நாட்ரேடேம் தேவாலயம் அமைந்துள்ளது. சுமார் 200 ஆண்டுகள் உழைப்பில் இந்த தேவாலயம் கட்டப்பட்டிருக்கிறது.

8/19

130 அடி நீளமுள்ள நாட்ரேடேம் தேவாலயத்தில், 69 அடி உயரத்தில் இரண்டு கோபுரங்கள் கட்டப்பட்டுள்ளன. பிரமிக்க வைக்கும் ஆலயத்தின் கண்ணாடி ஜன்னல்கள் கொள்ளை அழகுடன் காட்சியளிக்கிறது.

9/19

கண்ணாடியாலும் உலோகங்களாலும் கட்டப்பட்ட உலகப்புகழ் பெற்ற கட்டடம் ’பாம்பிடு மையம்’. இந்த கட்டடம், இக்காலக் கலைப்பொருட்களின் தனி அருங்காட்சியகமாக உள்ளது

10/19

பிரெஞ்சு அதிபர் ஜார்ஜ் பாம்பிடு இதனைக் கட்டியதால் அவர் பெயரால் இந்த கட்டிடம் அழைக்கப்படுகிறது. இங்கு பிக்காசோ முதலிய புகழ்பெற்ற பல கலைஞர்களின் நாற்பத்தையாயிரத்துக்கும் மேற்பட்ட கலைப்படைப்புகள் கண்காட்சிக்கு வைக்கப்பட்டுள்ளன.

11/19

உலகின் மிக அழகான சாலை எனப் பெயர் பெற்ற இந்த சாலையில் தான், பிரெஞ்சு நாட்டின் தலைவரின் பெடிட் அரண்மனை உள்ளது. 17ஆம் நூற்றாண்டில் அமைக்கப்பட்ட இந்தச் சாலைதான், புத்தாண்டு மற்றும் விளையாட்டுக் கொண்டாட்டங்கள் நடைபெறும். இரண்டாம் உலகப் பெரும்போர் வெற்றிக் கொண்டாட்டத்தைக் கண்ட சாலையும் இது

12/19

ஃபிரான்ஸ் என்றவுடன் நம் நினைவுக்கு வருவது மாவீரன் நெப்போலியன் தான். 1806ஆம் ஆண்டில் தான் பெற்று வந்த வெற்றிகளின் நினைவாக அவன் கட்டிய வளைவுதான் வெற்றி வளைவு. ஆனால் இதனைக் கட்டி முடிக்கையில் நெப்போலியன் உயிருடன் இல்லை.

13/19

இந்த வெற்றி வளைவில் நெப்போலியன் மேற்கொண்ட போர்கள், அடைந்த வெற்றிகள், அதற்கு உறுதுணையாக விளங்கிய தளபதிகளின் பெயர்கள் ஆகியன இடம் பெற்றுள்ளன.

14/19

பாரிஸ் ஒரு பூங்கா நகரமும் ஆகும். இங்குள்ள பூங்காக்களில் மிகப்பெரியது லக்சம்பார்க் பூங்கா. 1612ல் அமைக்கப்பட்ட இந்த 2,24,500 சதுர மீட்டர் பரப்பளவு உடையது.

15/19

பூங்காவின் மத்தியில் பெரிய குளம், குளத்தைச் சுற்றிப் புல்வெளிகள், அழகிய சிலைகள், இரண்டு அழகிய நீர்த்தாரைகள் என்று கண்ணிற்கு குளிர்ச்சியளிக்கின்றன.

16/19

வரலாறு படைத்த நகரம் பாரிஸ் ஆதலால் புகழ்பெற்ற மானிடர் பலரின் கல்லறைகள் உள்ளன. சுற்றுலாப் பயணிகள் கல்லறையைச் சுற்றிப் பார்க்கச் செல்லும் அதிசயம் இங்கேதான் தொடங்குகிறது.

17/19

லக்சைஸ் என்னும் கல்லறை 109 ஏக்கர் பரப்பளவு கொண்டது. புகழ்பெற்ற கலைஞர்கள், அறிஞர்கள் சமாதிகள் அமைக்கப்பட்ட இந்த இடத்தின் அழகிய கற்சிலைகள் கண்களுக்கு விருந்தளிக்கின்றன

18/19

பாரிசில் புறநகர்ப் பகுதியில் அமைந்துள்ள உலகப்புகழ் பெற்ற டிஸ்னிலாண்ட் அமைந்துள்ளது.

19/19

பாரிசின் வடகிழக்கிலுள்ள வெர்சாய் நகரில் அமைந்துள்ள பதினான்கு, பதினைந்து, பதினாராம் லூயி முதலான அரசர்களின் அரச மாளிகைகள் சுற்றிப்பார்க்க வேண்டிய இடங்களில் ஒன்று.

Bright Zoom.