அடுத்தது என்ன படிக்கலாம்...? (பகுதி 1)

அடுத்தது என்ன படிக்கலாம்...?
(பகுதி 1)

💠 பத்தாம் வகுப்பு அல்லது பனிரெண்டாம் வகுப்பு தேர்வு எழுதிவிட்டு அதன் முடிவுகளை எதிர்பார்த்து காத்திருப்பவரா நீங்கள்?

💠 அப்படியெனில், அடுத்து என்ன படிக்கலாம்? என்ற குழப்பமும் உங்கள் மனதில் குடிக்கொண்டிருக்கும்.

💠 மாணவர்களைவிட, அவர்களின் பெற்றோர்களுக்கே, தங்களின் பிள்ளைகளை எந்த துறையில் படிக்க வைக்கலாம் என்ற கவலையும், குழப்பமும் இருக்கும்.

💠 குழப்பங்கள் இருப்பினும், மாணவர்கள் தங்களின் வாழ்க்கையின் அடுத்தக் கட்டத்தை தீர்மானிப்பதற்கு சரியான நேரம் இதுதான்..

💠 பல்வேறு துறைகளும் அவற்றைச் சார்ந்த பல்வேறு படிப்புகளும் மாணவர்களை குழப்பமடையச் செய்கின்றன. எனினும், மாணவர்கள், தங்களின் குழப்பங்களை தீர்த்துக் கொண்டால் மட்டுமே அவர்கள் வாழ்க்கையின் அடுத்தக் கட்டத்தை சிறப்பாக அமைத்துக் கொள்ள முடியும்.

💠 அதற்கு மாணவர்கள் செய்ய வேண்டியது ஒன்றுதான். அவர்களைப் பற்றி அவர்களே நன்கு சிந்திப்பதுதான். அதாவது, அவர்கள் அதிக ஆர்வம் கொண்ட விஷயங்கள், அவர்களின் பொழுதுபோக்கு, விருப்பமான பாடம், ஆற்றல் ஆகியவற்றை பற்றி நன்றாக சிந்திக்க வேண்டும்.

💠 அதன் பின்னர், அவர்களுக்கு விருப்பமான பாடத்தை மாணவர்கள் தேர்ந்தெடுக்க வேண்டும். அவ்வாறு, தேர்ந்தெடுக்கும் பாடம் மாணவர்களது ஆர்வத்தையும், பொழுதுபோக்கையும் சார்ந்திருக்குமானால் அது அவர்களுக்கு வெற்றியையும், மனநிறைவையும் பெற்றுத்தரும்.

💠 ஒருவேளை அவர்கள் தேர்ந்தெடுக்கும் படிப்பு மாணவர்களின் பெற்றோர் அல்லது நண்பர்களின் தேர்வாக இருப்பின் அது அவர்களுக்கு சுமையாகவே மாறிவிடும்.

💠 ஆகவே, அவரவர் ஆற்றலையும், ஆர்வத்தையும் பொறுத்தே மாணவர்கள் தங்களின் படிப்பை தேர்ந்தெடுக்க வேண்டும்.

ஒரு படிப்பை தேர்ந்தெடுக்கும் முன்பு மாணவர்கள் நினைவில் கொள்ள வேண்டியவை :

👉 விருப்பமான துறை

👉 ஆளுமைத்திறன் மற்றும் திறனாய்வுத் திறன்

👉 பலம் மற்றும் பலவீனம்

👉 செயல் வல்லமை (ஊயியடிடைவைல)

👉 தேர்ந்தெடுக்கும் படிப்பை படிப்பதற்கான சாத்தியக்கூறுகள்

👉 தேர்ந்தெடுக்கும் துறையில் உள்ள வேலைவாய்ப்புகள்

👉 படிப்பிற்கான நிதி உதவி மற்றும் உதவித்தொகை

💠 இவற்றைக் கொண்டு மாணவர்கள் தங்களது படிப்பை தேர்ந்தெடுத்தால், அவர்களது துறையில் சாதனையாளராக தடம் பதிக்கலாம்.

💠 மாணவர்களின் நிலையைக் கருத்தில் கொண்டு, அவர்களிடத்தில் ஒரு விழிப்புணர்வையும் தெளிவையும் ஏற்படுத்த 'அடுத்து என்ன படிக்கலாம்" என்ற தொடரின் மூலம் தினம் ஒரு படிப்பையும் அந்த துறையில் உள்ள வேலைவாய்ப்புகள் பற்றியும் அறிந்து கொள்வோம்.