Bright Zoom Today News அக்டோபர் 09 காலை நேரச் செய்திகள்

Bright Zoom Today News
அக்டோபர் 09
காலை நேரச் செய்திகள்

4 நாட்களாக போராட்டம்... 48,000 பேர் டிஸ்மிஸ்... முதல்வர் அதிரடி - செய்திகள் !


உலகச் செய்திகள்
கச்சா எண்ணெய் விலை :

சர்வதேச அளவில் கச்சா எண்ணெய் விலை அதிகரித்துள்ளது. பேரல் விலை 58 புள்ளி 73 டாலராக உயர்ந்துள்ளது.

அமெரிக்க அதிபர் டொனால்டு டிரம்ப் திட்டவட்டம் :

மத்தியக்கிழக்கு நாடான சிரியாவில் இருந்து அமெரிக்கப் படைகளை விலக்கி கொள்ளும் முடிவில் உறுதியாக இருப்பதாக, அமெரிக்க அதிபர் டொனால்டு டிரம்ப் திட்டவட்டமாக அறிவித்துள்ளார்.

மாநிலச் செய்திகள்
மத்திய அரசு திட்டம் :

இந்தியாவை சுற்றுச்சூழல் மாசு மற்றும் தார் பாலைவன மணல் சூறைக்காற்றில் இருந்து பாதுகாக்க 1400 கிலோ மீட்டர் தூரத்திற்கு பசுமை அரண் அமைக்க மத்திய அரசு திட்டமிட்டுள்ளது.

பிரம்மோற்சவம் :

திருப்பதி ஏழுமலையான் கோவிலில் நடைபெற்ற வருடாந்திர பிரம்மோற்சவத்தின் கடைசி நாளான நேற்று ஏழுமலையான் கோவில் தெப்பக்குளத்தில் நடைபெற்ற சக்கரத்தாழ்வார் தீர்த்தவாரியில் பல்லாயிரக்கணக்கான பக்தர்கள் பங்கேற்று புனித நீராடினர்.

கனமழை பெய்ய வாய்ப்பு :

தமிழகத்தில் அடுத்த இரு நாட்களுக்கு நீலகிரி, ஈரோடு, சேலம், தருமபுரி, கிருஷ்ணகிரி ஆகிய 5 மாவட்டங்களில் கனமழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

ரஃபேல் போர் விமானம் :

பிரான்ஸ் அரசு முதல் ரஃபேல் போர் விமானத்தை முறைப்படி இந்தியாவிடம் நேற்று ஒப்படைத்தது.

அதிரடி நடவடிக்கை :

தெலுங்கானாவில் 4 நாட்களாக போராட்டம் நடத்திய போக்குவரத்துக்கழக ஊழியர் 48 ஆயிரம் பேரை டிஸ்மிஸ் செய்து முதல்வர் சந்திரசேகர ராவ் அதிரடி நடவடிக்கை எடுத்துள்ளார்.

மாவட்டச் செய்திகள்
பேருந்துகள் வர தடை :

பிரதமர் மோடி, சீன அதிபர் வருகையையொட்டி மாமல்லபுரம் பேருந்து நிலையத்திற்குள் அரசு பேருந்துகள் வர தடை செய்யப்பட்டுள்ளது. கல்பாக்கம் நோக்கிச் செல்லும் ஈசிஆர் சாலையில் பூஞ்சேரி என்ற இடத்தில் பேருந்துகளை நிறுத்த ஏற்பாடு செய்யப்பட்டுள்ளது.

வெள்ளப்பெருக்கு :

கிருஷ்ணகிரி மாவட்டம் கே.ஆர்.பி அணையிலிருந்து திறக்கப்பட்டுள்ள தண்ணீரால் தென் பெண்ணையாற்றில் வெள்ளப்பெருக்கு ஏற்பட்டுள்ளது.

சூரசம்ஹாரம் கோலாகலமாக நடந்தது :

தூத்துக்குடி மாவட்டம் குலசேகரன்பட்டினம் முத்தாரம்மன் கோவில் தசரா திருவிழாவில் சிகர நிகழ்ச்சியான சூரசம்ஹாரம் கோலாகலமாக நடந்தது. லட்சக்கணக்கான பக்தர்கள் சாமி தரிசனம் செய்தனர்.
விளையாட்டுச் செய்திகள்
மகளிர் குத்துச்சண்டை சாம்பியன்ஷிப் போட்டி :

ரஷ்யாவில் நடக்கும் 11-வது பெண்கள் உலக குத்துச்சண்டை சாம்பியன்ஷிப் போட்டியில் நேற்று நடந்த 2-வது சுற்றில் இந்தியாவின் மேரி கோம் 5-0 என்ற கணக்கில் தாய்லாந்து வீராங்கனையை வீழ்த்தி காலிறுதிக்கு முன்னேறினார்.

தென்னாப்பிரிக்க ஒரு நாள் தொடர் :

இந்தியாவுக்கு வந்துள்ள தென்னாப்பிரிக்க பெண்கள் கிரிக்கெட் அணி 20 ஓவர் தொடரை 1-3 என்ற கணக்கில் இழந்தது. அடுத்து 3 போட்டிகள் கொண்ட ஒரு நாள் தொடரில் பங்கேற்கிறது. இந்தியா-தென்னாப்பிரிக்கா பெண்கள் அணிகள் மோதும் முதலாவது ஒரு நாள் போட்டி குஜராத் மாநிலம் வதோதராவில் இன்று நடைபெற்று வருகிறது.