Bright Zoom Today News அக்டோபர் 17 காலை நேரச் செய்திகள்

Bright Zoom Today News
அக்டோபர் 17
காலை நேரச் செய்திகள்

இலவச பொது தொலைபேசி மையங்கள்... அரசு அறிவிப்பு - செய்திகள் !

உலகச் செய்திகள்
வரும் 20ம் தேதி தொடங்குகிறது :

பாகிஸ்தானில் உள்ள சீக்கியர் புனிதத் தலமான கர்த்தார்புருக்கு செல்வதற்கான முன்பதிவு வரும் 20ம் தேதி தொடங்குகிறது.

நிதி ஒதுக்கீடு :

ஜப்பான் நாட்டு பிரதமர் ஷின்சோ அபே, புயல் பாதிக்கப்பட்ட பகுதிகளை சீரமைக்க முதல் கட்டமாக 6.5 டாலர்களை நிதியாக ஒதுக்கி உத்தரவிட்டுள்ளார்.

மாநிலச் செய்திகள்
அபராதம் விதிக்கப்படும் - சுகாதாரத்துறை :

டெங்கு ஒழிப்பு குறித்து வாரந்தோறும் வெள்ளிக்கிழமை ஆய்வு மேற்கொள்ளும்போது, கொசுப்புழுக்கள் உருவாவதற்கான காரணிகள் தென்பட்டால் அபராதம் விதிக்கப்படும் என்று சுகாதாரத்துறை இயக்குநரகம் எச்சரிக்கை விடுத்துள்ளது.

இலவச பொது தொலைப்பேசி மையங்கள் :

பொதுமக்களின் வசதிக்காக காஷ்மீர் முழுவதும் இலவச பொது தொலைப்பேசி மையங்கள் (எஸ்.டி.டி. பூத்) திறக்கப்படும் என மாநில அரசு நேற்று அறிவித்தது.

கனமழை நீடிக்கும் :

தமிழகத்தில் அடுத்த 5 நாட்களுக்கு கனமழை நீடிக்கும் என இந்திய வானிலை ஆய்வு மையம் தெரிவித்துள்ளது.

பாடத்திட்டத்தை மாற்ற திட்டம் :

புதிய தேசிய கல்விக் கொள்கையின் அடிப்படையில், என்சிஇஆர்டி பாடத்திட்டத்தை மாற்ற திட்டம் வகுக்கப்பட்டுள்ளது.

இன்று முதல் விமான சேவை :

தமிழகத்தில் இருந்து யாழ்ப்பாணத்திற்கு 36 ஆண்டுகளுக்கு பிறகு இன்று முதல் விமான சேவை தொடங்கியது.

மாவட்டச் செய்திகள்
ஆட்சியர் அறிவிப்பு :

மழையால் சாலைகளில் தண்ணீர் தேங்கியுள்ளதால், வாகன ஓட்டிகள் சிரமத்திற்குள்ளாகியுள்ளனர். தாழ்வான பகுதிகளிலும் தண்ணீர் தேங்கியுள்ளது. இந்த நிலையில், சென்னையில் இன்று வழக்கம் போல் பள்ளிகள் இயங்கும் என்று மாவட்ட ஆட்சியர் சீதாலட்சுமி அறிவித்துள்ளார்.

சதய விழா :

தஞ்சாவூர் பெரியகோவிலில் நவம்பர் 5, 6ஆம் தேதிகளில் மாமன்னன் ராஜராஜ சோழனின் பிறந்த நாளாகிய 1034-வது சதய விழா நடைபெறவுள்ளது.
விளையாட்டுச் செய்திகள்
புரோ கபடி :

புரோ கபடியில் நேற்று நடந்த அரையிறுதி ஆட்டங்களில் தபாங் டெல்லி, பெங்கால் வாரியர்ஸ் அணிகள் வெற்றி பெற்று இறுதிப்போட்டிக்குள் நுழைந்தன.

ஜூனியர் ஹாக்கி போட்டி :

மலேசியாவில் நடந்து வரும் ஜோஹர் கோப்பைக்கான ஜூனியர் ஹாக்கி போட்டியில் ஆஸ்திரேலியாவை வீழ்த்தி இந்திய அணி வெற்றி பெற்றது.

விஜய் ஹசாரே டிராபி :

விஜய் ஹசாரே டிராபியில் நேற்று நடைபெற்ற போட்டியில் குஜராத்தை 78 ரன்கள் வித்தியாசத்தில் வீழ்த்தி தமிழ்நாடு அணி வெற்றி பெற்றது.