Bright Zoom Today News மாலை நேரச் செய்திகள் நவம்பர் 04

Bright Zoom Today News
மாலை நேரச் செய்திகள்
நவம்பர் 04

சுகாதார சான்று கட்டாயம்... உணவு பாதுகாப்பு துறை உத்தரவு - செய்திகள் !


உலகச் செய்திகள்
கிழக்காசிய உச்சி மாநாடு :

தாய்லாந்து சென்றுள்ள பிரதமர் மோடி இந்தியா, சீனா உள்ளிட்ட 16 நாடுகளுக்கு இடையே தடையற்ற வர்த்தக ஒப்பந்தம் ஏற்படுத்துவது தொடர்பான உச்சி மாநாட்டிலும், கிழக்காசிய உச்சி மாநாட்டிலும் இன்று பங்கேற்கிறார்.

விமானங்களின் சேவை தொடங்கியது :

சீனாவில் உள்ள டக்ஸிங் விமான நிலையத்தில் நேற்றுமுதல் சர்வதேச விமானங்களின் சேவை தொடங்கியது.
மாநிலச் செய்திகள்
மழைக்கு வாய்ப்பு :

வெப்பச்சலனம் காரணமாக தென் மாவட்டங்களில் மழைக்கு வாய்ப்பு உள்ளதாக வானிலை ஆய்வு மையம் தெரிவித்துள்ளது.

தேசிய பாதுகாப்புச் சட்டம் அமல்படுத்தப்படும் :

அயோத்தி வழக்கில் தீர்ப்பு வெளியாகவுள்ள நிலையில், தேவைப்பட்டால் தேசிய பாதுகாப்புச் சட்டம் அமல்படுத்தப்படும் என உத்தரப்பிரதேச மாநில காவல்துறை டிஜிபி ஓ.பி.சிங் தெரிவித்துள்ளார்.

69 சதவிகித இட ஒதுக்கீடு :

அண்ணா பல்கலைக்கழகத்திற்கு சிறப்பு அந்தஸ்து வழங்கப்பட்டாலும், 69 சதவிகித இட ஒதுக்கீடு தொடரும் என மத்திய அரசு தெரிவித்துள்ளது.

புதிய காற்றழுத்த தாழ்வுப்பகுதி :

அந்தமான் அருகே புதிய காற்றழுத்த தாழ்வுப்பகுதி உருவாகியுள்ளதாக சென்னை வானிலை ஆய்வு மையம் தெரிவித்துள்ளது.

சுகாதார சான்று கட்டாயம் :

தமிழகத்தில் விரைவில் கோவிலில் வழங்கப்படும் பிரசாதத்திற்கு சுகாதார சான்று கட்டாயம் என்று உணவு பாதுகாப்பு துறை உத்தரவிட்டுள்ளது.

மாவட்டச் செய்திகள்
தண்ணீர் திறப்பு :

சென்னையின் குடிநீர் தேவைக்காக திருவள்ள ர் மாவட்டம், பொன்னேரி வட்டத்தில் அமைந்துள்ள சோழவரம் ஏரியிலிருந்து 100 கனஅடி தண்ணீர் திறக்கப்பட்டுள்ளது.

பாசனத்தேவைக்காக கோவை மாவட்டம் பொள்ளாச்சி அருகே உள்ள ஆழியார் அணையில் இருந்து இன்று தண்ணீர் திறக்கப்பட்டுள்ளது.

நவீன கால்நடைப் பூங்கா :

சேலம் தலைவாசலில் அமையவுள்ள நவீன கால்நடைப் பூங்காவிற்கு ரூ.396 கோடி ரூபாய் ஒதுக்கீடு செய்யப்பட்டுள்ளது.
விளையாட்டுச் செய்திகள்
பாரீஸ் மாஸ்டர்ஸ் டென்னிஸ் போட்டி :

பிரான்சில் நேற்று நடைபெற்ற பாரீஸ் மாஸ்டர்ஸ் டென்னிஸ் போட்டியின் இறுதி ஆட்டத்தில் நோவக் ஜோகோவிச், டெனிஸ் ஷபோவலோவை வென்று 5-வது முறையாக சாம்பியன் பட்டத்தை கைப்பற்றினார்.

ஒலிம்பிக் போட்டிகளுக்கான தகுதி சுற்று :

ஒலிம்பிக் போட்டிகளுக்கான தகுதி சுற்று ஹாக்கி போட்டியில் இந்தியாவின் பெண்கள் அணி மற்றும் ஆண்கள் அணி இரண்டுமே அபார வெற்றி பெற்றது.

இறுதி அட்டவணை :

ஆஸ்திரேலியாவில் அடுத்த ஆண்டில் நடக்கும் 16 அணிகளுக்கு இடையிலான 20 ஓவர் உலகக்கோப்பை கிரிக்கெட் போட்டிக்கான இறுதி அட்டவணையை ஐ.சி.சி. வெளியிட்டது.