Bright Zoom Today News நவம்பர் 12 மாலை நேரச் செய்திகள்

Bright Zoom Today News
நவம்பர் 12
மாலை நேரச் செய்திகள்

தமிழக அரசு அதிரடி... இனி இவர்களும் போட்டியிடலாம் - செய்திகள் !


உலகச் செய்திகள்
இரண்டு ரயில்கள் நேருக்கு நேர்
மோதல் :

வங்காளதேசத்தில் பிரமன்பாரியா பகுதியில் இன்று அதிகாலை 3 மணிக்கு தலைநகர் டாக்கா நோக்கி சென்று கொண்டிருந்த பயணிகள் ரயில், எதிர் திசையில் சிட்டகாங் சென்று கொண்டிருந்த பயணிகள் ரயிலுடன் நேருக்கு நேராக மோதி விபத்துக்குள்ளானது.

மாநிலச் செய்திகள்
குடியரசுத் தலைவர் ஆட்சி :

மராட்டியத்தில் ஆட்சி அமைக்கத் தேவையான பலம் எந்தக் கட்சிக்கும் இல்லாததால் குடியரசுத் தலைவர் ஆட்சியை அமல்படுத்த ஆளுநர் பகத்சிங் கோஷ்யாரி பரிந்துரை செய்துள்ளார்.

பாடத்திட்டம் மற்றும் தேர்வு முறையிலும் மாற்றம் :

எம்.பி.பி.எஸ். மருத்துவ படிப்புக்கான காலத்தை 54 மாதங்களில் இருந்து 50 மாதங்களாக குறைத்துள்ள இந்திய மருத்துவ கவுன்சில், பாடத்திட்டம் மற்றும் தேர்வு முறையிலும் மாற்றம் செய்துள்ளது. இது தொடர்பான புதிய அறிக்கையை அனைத்து மருத்துவக் கல்லூரிகளுக்கும் அனுப்பி வைக்கப்பட்டுள்ளது.

மழை தொடரும் :

வளிமண்டல சுழற்சி காரணமாக தமிழகம் மற்றும் புதுச்சேரியில் அடுத்த 24 மணி நேரத்திற்கு மழை தொடரும் என சென்னை வானிலை ஆய்வு மையம் தெரிவித்துள்ளது.

அரசாணை வெளியீடு :

உள்ளாட்சி தேர்தலில் வாய் பேச முடியாதோர், காது கேளாதோர், தொழு நோயாளிகளும் போட்டியிடலாம் என்று சட்ட திருத்தம் செய்து தமிழக அரசு, அரசாணை வெளியிட்டுள்ளது.

உடற்தகுதி தேர்வு :

தமிழகம் முழுவதும் இரண்டாம் நிலை காவலர் உடற்தகுதி தேர்வு வரும் 18ஆம் தேதிமுதல் மீண்டும் தொடங்கப்படும் என தமிழ்நாடு சீருடை பணியாளர் தேர்வு குழுமம் தெரிவித்துள்ளது.
மாவட்டச் செய்திகள்
புதிய ஏசி பேருந்து :

திருவள்ள ரிலிருந்து திருப்பதி மற்றும் நெல்லூருக்கு 11 புதிய ஏசி பேருந்துகள் இயக்கத்தை அமைச்சர்கள் பாண்டியராஜன் மற்றும் பென்ஜமின் ஆகியோர் தொடங்கி வைத்தனர்.

துணை முதல்வர் ஓ.பன்னீர்செல்வத்திற்கு விருது வழங்கப்பட்டது :

அமெரிக்கா நெபர்வல்லியில் 'மகாத்மா காந்தி மெடலியன் ஆஃப் எக்ஸெலன்ஸ்" பதக்கம் துணை முதல்வர் ஓ.பன்னீர்செல்வத்திற்கு வழங்கப்பட்டது.
விளையாட்டுச் செய்திகள்
சங்க தலைவர்-ஷேன் வாட்சன் :

ஆஸ்திரேலிய கிரிக்கெட் வீரர்களுக்கான சங்கத்தின் தலைவராக முன்னாள் ஆல்-ரவுண்டர் ஷேன் வாட்சன் நியமிக்கப்பட்டுள்ளார்.

3-வது 20 ஓவர் கிரிக்கெட் போட்டி :

வெஸ்ட்இண்டீஸ்-இந்திய பெண்கள் அணிகள் இடையிலான 3-வது 20 ஓவர் கிரிக்கெட் போட்டி கயானாவில் நாளை மறுநாள் நடக்கிறது.