Bright Zoom Today News மே 16 மாலை நேரச் செய்திகள்

Bright Zoom Today News
மே 16 மாலை நேரச் செய்திகள்

முன்னெச்சரிக்கை நடவடிக்கை.. மாவட்ட ஆட்சியர்களுக்கு.. தமிழக அரசு உத்தரவு - செய்திகள் !


உலகச் செய்திகள்
பயங்கர தீ விபத்து :

இங்கிலாந்து தலைநகர் லண்டனின் கிழக்குப் பகுதியில் உள்ள தொழில்துறை எஸ்டேட்டில் பயங்கர தீ விபத்து ஏற்பட்டது.

அதிபர் டிரம்ப் அறிவிப்புக்கு நன்றி :

இந்தியாவிற்கு வென்டிலேட்டர்கள் நன்கொடையாக அளிக்கப்படும் என்ற அமெரிக்க அதிபர் டிரம்ப் அறிவிப்புக்கு நன்றி தெரிவித்துள்ள பிரதமர் மோடி, இந்த நடவடிக்கை இரு நாட்டு உறவுக்கு மேலும் வலு சேர்க்கும் என குறிப்பிட்டுள்ளார்.

மாநிலச் செய்திகள்
பள்ளிக்கல்வித்துறை சுற்றறிக்கை :

ஆசிரியர்கள் எங்கிருந்தாலும் பணிபுரியும் பள்ளி சார்ந்த மாவட்டத்திற்கு வரும் 21ஆம் தேதிக்குள் வர வேண்டும் என பள்ளிக்கல்வித்துறை சுற்றறிக்கை அனுப்பியுள்ளது.

மாவட்ட ஆட்சியர்களுக்கு உத்தரவு :

தமிழகத்தில் தென்மேற்கு பருவமழை முன்னெச்சரிக்கை நடவடிக்கை மேற்கொள்ள மாவட்ட ஆட்சியர்களுக்கு தமிழக அரசு உத்தரவிட்டுள்ளது.

முதலமைச்சர் வேண்டுகோள் :

பயணச் செலவுகளை தமிழக அரசே ஏற்றுக்கொண்டு, வெளிமாநிலத் தொழிலாளர்களை அவரவர் மாநிலங்களுக்கு அனுப்பி வைக்கும் என்பதால், தன்னிச்சையாக நடைபயணமாகவோ, பிறவாகனங்களின் மூலமாகவோ, செல்ல வேண்டாம் என முதலமைச்சர் கேட்டுக் கொண்டுள்ளார்.

தமிழக அரசு ரூ.2000 நிதி உதவி :

முடித்திருத்துவோர் நல வாரியங்களில் உறுப்பினர்களாக அல்லாதவர்களுக்கு நிவாரண நிதியாக ரூ.2000 வழங்கப்படும் என முதலமைச்சர் எடப்பாடி பழனிசாமி அறிவித்துள்ளார்.

தமிழகம் அழைத்து வர ஏற்பாடு :

பொதுத்தேர்வு எழுத, சிறப்பு பாஸ் வழங்கி வெளிமாநிலங்களில் சிக்கியுள்ள பத்தாம் வகுப்பு மாணவர்களை தமிழகம் அழைத்து வர ஏற்பாடு செய்யப்பட்டுள்ளது. முதலமைச்சர் உத்தரவின் அடிப்படையில் மாவட்ட ஆட்சியர்கள் இதற்கான பணியில் ஈடுபட உள்ளனர்.

முக்கிய அறிவிப்புகளை வெளியிட்டார் :

ரூ.20 லட்சம் கோடி மதிப்பிலான சிறப்பு பொருளாதார திட்டங்களில் இன்று நான்காவது நாளாக முக்கிய அறிவிப்புகளை வெளியிட்டார் மத்திய நிதியமைச்சர் நிர்மலா சீதாராமன்.

வானிலை ஆய்வு மையம் தெரிவிப்பு :

வட தமிழகத்தில் இன்று முதல் அதிகபட்ச வெப்பநிலை 2 முதல் 3 டிகிரி செல்சியஸ் வரை உயரக்கூடும் என சென்னை வானிலை ஆய்வு மையம் தெரிவித்துள்ளது.

மாவட்டச் செய்திகள்
தனி ரயில் மூலம் பயணம் :

தூத்துக்குடி மாவட்டத்திலிருந்து தனி ரயில் மூலம் தூத்துக்குடி, நெல்லை, தென்காசி உள்ளிட்ட மாவட்டங்களைச் சேர்ந்த 1,400 பேர் பீகார் மாநிலத்திற்குப் பயணம் மேற்கொண்டனர்.

உச்சத்தில் தங்கம் விலை :

சென்னையில் ஆபரணத் தங்கத்தின் விலை இன்று சவரனுக்கு 360 ரூபாய் உயர்ந்து ரூ.36,368க்கு விற்பனையாகிறது.

விளையாட்டுச் செய்திகள்
பெடரரை மிஞ்சுவேன் - ஜோகோவிச் நம்பிக்கை :

ஓய்வு பெறுவதற்குள் பெடரர், நடாலின் சாதனையை முறியடித்து அதிக கிராண்ட்ஸ்லாம் வென்றவர் என்ற சிறப்பை எட்ட முடியும் என்ற நம்பிக்கை இருப்பதாக ஜோகாவிச் நம்பிக்கை தெரிவித்துள்ளார்.

இலங்கை கோரிக்கை :

3 ஒருநாள் மற்றும் மூன்று 20 ஓவர் போட்டி தொடரை ரத்து செய்ய வேண்டாம் என இந்திய கிரிக்கெட் வாரியத்திற்கு இலங்கை கோரிக்கை விடுத்துள்ளது.