Bright Zoom Today News மே 18 காலை நேரச் செய்திகள்

Bright Zoom Today News
மே 18 காலை நேரச் செய்திகள்

அம்பன் புயல்... புதன்கிழமை மாலை கரையை கடக்கும்.. - முக்கியச் செய்திகள்..!!

உலகச் செய்திகள்
முகக்கவசம் அணிய தேவையில்லை :

சீன நாட்டின் தலைநகரான பீஜிங்கில் இனி பொதுவெளியில் முகக்கவசம் அணிய தேவையில்லை என்று அதிகாரப்பூர்வமாக அறிவிக்கப்பட்டுள்ளது.
மாநிலச் செய்திகள்
இன்று முதல் :

தமிழகத்தில் அரசு அலுவலகங்கள் இன்று (மே 18) முதல் வாரத்தின் ஆறு நாட்களும் செயல்பட உள்ளன. 50 சதவீத அரசு ஊழியர்கள் சுழற்சி முறையில் பணியாற்ற உள்ளனர்.

தயார் நிலையில் 17 என்டிஆர்எப் குழுக்கள் :

வங்கக் கடலில் அம்பன் புயல் உருவானதையொட்டி மேற்கு வங்கம், ஒடிசாவில் 17 தேசிய பேரிடர் மீட்புக் குழுக்கள் (என்டிஆர்எப்) தயார் நிலையில் நிறுத்தப்பட்டுள்ளன.

இன்று காலை மீண்டும் திறப்பு :

டெல்லியில் பழம் மற்றும் காய்கறிகள் விற்கும் மிகப்பெரிய காசிபுர் சந்தை இரண்டு நாட்களாக மூடப்பட்டிருந்த நிலையில் இன்று காலை மீண்டும் திறக்கப்பட்டது.

வானிலை ஆய்வு மையம் தெரிவிப்பு :

வங்கக் கடலில் உருவாகி அதி தீவிரப் புயலாக அறிவிக்கப்பட்டுள்ள அம்பன் புயல் புதன்கிழமை மாலை கரையைக் கடக்கும் என்று இந்திய வானிலை ஆராய்ச்சி மையம் தெரிவித்துள்ளது.

இன்று சிறப்பு ரயில் :

தமிழக தொழிலாளர்களுக்காக புனே-நெல்லை இடையே இன்று சிறப்பு ரயில் இயக்கப்படுகிறது.

இன்று ஆலோசனை :

மேட்டூர் அணை திறப்பு தொடர்பாக, முதலமைச்சர் எடப்பாடி பழனிசாமி இன்று ஆலோசனை நடத்த உள்ளார்.

மே 31ஆம் தேதி வரை :

அனைத்து விதமான பயணிகள் விமான சேவையும் மே 31ஆம் தேதி நள்ளிரவு வரை ரத்து செய்யப்படுவதாக விமானப் போக்குவரத்து தலைமை இயக்குநர் அறிவிப்பு வெளியிட்டுள்ளார்.

அமைச்சரவைக் கூட்டம் :

புதுச்சேரியில் அமைச்சரவைக் கூட்டம் இன்று நடைபெற உள்ளது.

தேசிய நெடுஞ்சாலை ஆணையம் உத்தரவு :

சுங்கச் சாவடிகளை கடக்க பாஸ்டேக் இல்லாமல் அதற்காக ஒதுக்கப்பட்ட வழிகளில் பயணிக்கும் வாகனங்களிடம் இரண்டு மடங்கு கட்டணம் வசூலிக்க தேசிய நெடுஞ்சாலை ஆணையம் உத்தரவிட்டுள்ளது.
மாவட்டச் செய்திகள்
சிறப்பு பேருந்துகள் :

வேலூர் மாவட்டத்தில் இருந்து திருப்பத்தூருக்கு அரசு ஊழியர்களுக்காக சிறப்பு பேருந்துகள் இயக்கப்பட்டன.

இலவச உணவு :

சேலம், புதுக்கோட்டை, திருவாரூர் மாவட்டங்களில் அம்மா உணவகங்களில் மே 31ஆம் தேதி வரை இலவச உணவு வழங்கப்படும் என தெரிவிக்கப்பட்டுள்ளது.
விளையாட்டுச் செய்திகள்
ஜூலை 31ஆம் தேதி வரை ரத்து :

சர்வதேச டென்னிஸ் போட்டிகள் அனைத்தும் ஜூலை 31ஆம் தேதி வரை ரத்து செய்யப்பட்டுள்ளன.

பாகிஸ்தான் சம்மதம் :

இங்கிலாந்திற்கு சென்று டெஸ்ட் கிரிக்கெட் தொடரில் விளையாட பாகிஸ்தான் சம்மதம் தெரிவித்துள்ளது.

இந்திய டென்னிஸ் சங்கம் முடிவு :

இந்திய டென்னிஸ் வீராங்கனை அங்கிதா ரெய்னா, வீரர் திவிஜ் சரண் ஆகியோரின் பெயரை அர்ஜூனா விருதுக்கு பரிந்துரைக்க இந்திய டென்னிஸ் சங்கம் முடிவு செய்துள்ளது.