Bright Zoom Today News மே 19 காலை நேரச் செய்திகள்

Bright Zoom Today News
மே 19 காலை நேரச் செய்திகள்

ஆம்னி பேருந்துகளுக்கான முன்பதிவு தொடங்கியது - முக்கியச் செய்திகள் !

உலகச் செய்திகள்
சக்தி வாய்ந்த நிலநடுக்கம் :

ஜப்பானில் மியாகி பிராந்தியத்தில் நேற்று சக்தி வாய்ந்த நிலநடுக்கம் ஏற்பட்டது. இது ரிக்டர் அளவுகோலில் 5.2 புள்ளிகளாக பதிவானது.
மாநிலச் செய்திகள்
முன்பதிவு தொடங்கியது :

தமிழகத்தில் இணையம் வழியாக ஆம்னி பேருந்துகளுக்கான முன்பதிவு தொடங்கியது. ஜூன் 7ஆம் தேதி முதல் தமிழகத்தின் பல்வேறு நகரங்களுக்கு செல்வதற்கான முன்பதிவு தொடங்கியுள்ளது.

அண்ணா பல்கலைக்கழகம் உத்தரவு :

பருவத்தேர்வுக்காக மாணவர்களின் விவரங்களை மே 22ஆம் தேதிக்குள் சமர்ப்பிக்க வேண்டும் என்று கல்லூரிகளுக்கு அண்ணா பல்கலைக்கழகம் உத்தரவிட்டுள்ளது.

இன்று முதல் திறக்க உத்தரவு :

தமிழ்நாட்டில் மாநகராட்சிகள், நகராட்சிகள் மற்றும் பேரூராட்சிகள் தவிர ஏனைய கிராமப் பகுதிகளில் சலூன் கடைகளை இன்று முதல் திறக்க முதலமைச்சர் எடப்பாடி பழனிசாமி உத்தரவிட்டுள்ளார்.

டெல்லி அரசு அனுமதி :

தனியார் நிறுவனங்கள் முழுமையான ஊழியர்களுடன் இயங்க டெல்லி அரசு அனுமதி அளித்துள்ளது.

மத்திய அரசு உத்தரவு :

மருந்து தயாரிப்பு நிறுவனங்களின் திட்ட பணிகளுக்கு விரைந்து சுற்றுச்சூழல் அனுமதி வழங்க மத்திய அரசு உத்தரவிட்டுள்ளது.

நாளை திறக்க நடவடிக்கை :

புதுச்சேரியில் இன்று திறப்பதாக இருந்த மதுபான கடைகள் துணைநிலை ஆளுநர் ஒப்புதல் பெற்ற பின்பு நாளை திறக்க நடவடிக்கை எடுக்கப்படும் என முதலமைச்சர் நாராயணசாமி தெரிவித்துள்ளார்.

காணொலிக் காட்சி மூலம்... :

காணொலிக் காட்சி மூலம் ஒரு நீதிபதி அமர்வு தினமும் 40 வழக்குகளை விசாரிக்க அனுமதிக்கலாம் என உச்ச நீதிமன்றம் தெரிவித்துள்ளது.

நாளை கரையைக் கடக்கிறது :

சூப்பர் புயலாக உருவெடுத்துள்ள ஆம்பன் புயல் மேற்கு வங்கத்தின் அருகே நாளை கரையைக் கடக்கவுள்ளது. புயலின் தாக்கம் கடுமையாக இருக்கலாம் என்பதால் பலத்த முன்னேற்பாடுகள் செய்யப்பட்டு வருகின்றன.

விடுப்பு எடுக்க அனுமதி இல்லை :

தேர்வு பணிகாலம் என்பதால் ஆசிரியர்கள் விடுப்பு எடுக்க அனுமதி இல்லை என்று கல்வித்துறை அறிவித்துள்ளது.

கர்நாடகத்திற்குள் நுழைய தடை :

தமிழகம், கேரளாவை சேர்ந்தவர்கள் கர்நாடகத்திற்குள் நுழைய தடை விதிக்கப்படுவதாக, கர்நாடக முதல்-மந்திரி எடியூரப்பா அறிவித்துள்ளார்.
மாவட்டச் செய்திகள்
மீண்டும் கட்டணம் :

சென்னையில் உள்ள 407 அம்மா உணவகங்களிலும் நேற்று (திங்கட்கிழமை) முதல் மீண்டும் கட்டணம் வசூலிக்கப்படுவதாக பொதுமக்கள் தெரிவித்துள்ளனர்.

இ-பாஸ் பெற வேண்டும் :

நீலகிரி மாவட்ட நிர்வாகத்திடம் இ-பாஸ் பெற்று தான், வெளி மாவட்டத்தினர் வர முடியும் என அறிவிக்கப்பட்டுள்ளது.
விளையாட்டுச் செய்திகள்
உலகின் சிறந்த பேட்ஸ்மேன்... :

உலகின் சிறந்த பேட்ஸ்மேன் விராட்கோலிதான் என்று ஆஸ்திரேலிய முன்னாள் கேப்டன் இயான் சேப்பல் புகழாரம் சூட்டியுள்ளார்.