Bright Zoom Today News ஜுன் 27 காலை நேரச் செய்திகள்

Bright Zoom Today News
ஜுன் 27 காலை நேரச் செய்திகள்

மதுரையில் இன்று முதல் தொடங்குகிறது... நிவாரணம் வழங்கும் பணி - முக்கியச் செய்திகள் !

உலகச் செய்திகள்
இந்தியாவை சுற்றி வளைக்க திட்டம்:

லடாக்கை தொடர்ந்து ராஜஸ்தானை ஒட்டிய பாகிஸ்தான் எல்லையை சீனா குறிவைத்துள்ளது. இதன்மூலம் சீனா, இந்தியாவை சுற்றி வளைக்க திட்டமிட்டுள்ளது.

அமெரிக்கா வருவதற்கு விசா வழங்கப்படாது:

ஹாங்காங்கிற்கு எதிராக தேசிய பாதுகாப்பு சட்டத்தை இயற்றிய சீனாவின் ஆளும்கட்சியான கம்யூனிஸ்ட் கட்சியினர் அமெரிக்கா வருவதற்கு விசா வழங்கப்படாது என்று அந்நாட்டு வெளியுறவு அமைச்சர் மைக் பாம்பியோ அறிவித்துள்ளார்.

மாநிலச் செய்திகள்
குடியரசு தலைவர் ராம்நாத் கோவிந்த் ஒப்புதல்:

மக்களின் பணம் சுருட்டப்படுவதை தடுக்க, கூட்டுறவு வங்கிகளையும் ரிசர்வ் வங்கியின் கண்காணிப்பின் கீழ் கொண்டு வருவதற்கு குடியரசு தலைவர் ராம்நாத் கோவிந்த் ஒப்புதல் அளித்துள்ளார்.

ஜூலை 31ஆம் தேதி வரை நீட்டிப்பு:

ஜார்க்கண்ட் மாநிலத்தில் பொதுமுடக்கம் ஜூலை 31ஆம் தேதி வரை நீட்டிக்கப்படுவதாக அம்மாநில அரசு அறிவித்துள்ளது.

வயது வரம்பை தேர்தல் ஆணையம் குறைத்தது:

மக்களவை, சட்டப்பேரவை தேர்தலில் தபால் ஓட்டு போடுபவர்களுக்கான வயது வரம்பு 80ல் இருந்து 65 ஆக தேர்தல் ஆணையம் குறைத்துள்ளது.

தென்மேற்குப் பருவமழை தீவிரம்:

அசாமில் தென்மேற்குப் பருவமழை தீவிரமடைந்து வருவதால், பிரம்மபுத்திராவிலும் அதன் துணை ஆறுகளிலும் வெள்ளம் கரைபுரண்டு பாய்ந்து வருகிறது. இதனால் 16 மாவட்டங்களில் இரண்டரை லட்சத்திற்கும் மேற்பட்டோர் பாதிக்கப்பட்டுள்ளனர்.

4 மாவட்டங்களில் கனமழைக்கு வாய்ப்பு:

தென்மேற்கு பருவக்காற்று, வளிமண்டல மேலடுக்கு சுழற்சியால் 4 மாவட்டங்களில் கனமழைக்கு வாய்ப்பு உள்ளது என சென்னை வானிலை ஆய்வு மையம் தெரிவித்துள்ளது.

மாவட்டச் செய்திகள்
இன்று முதல் தொடங்குகிறது:

மதுரை மாவட்டத்தில் ரூ.1,000 நிவாரணம் வழங்கும் பணி இன்று முதல் தொடங்குகிறது. மதுரையில் 100 மாநகராட்சி பகுதிகள், மதுரை கிழக்கு, மேற்கு மற்றும் திருப்பரங்குன்றம், பரவை பேரூராட்சியில் நிவாரணம் வழங்கப்படுகிறது.

ரூ.25 லட்சம் நிதியுதவி:

சாத்தான்குளத்தில் உயிரிழந்த தந்தை, மகன் குடும்பத்திற்கு திமுக சார்பில் ரூ.25 லட்சம் நிதியுதவி வழங்கப்படும் என்று மு.க.ஸ்டாலின் அறிவித்துள்ளார்.

ஜூலை 15ஆம் தேதி வரை அவகாசம் நீட்டிப்பு:

மதுரை, தேனியில் ஜூலை 15ஆம் தேதி வரை மின்கட்டணம் செலுத்த அவகாசம் நீட்டிக்கப்பட்டுள்ளது.

விளையாட்டுச் செய்திகள்
அடுத்த மாதம் 1ஆம் தேதி:

இந்திய பேட்மிண்டன் பயிற்சி முகாமை ஐதராபாத்தில் அடுத்த மாதம் (ஜூலை) 1ஆம் தேதி தொடங்கலாம் என்று முடிவு செய்யப்பட்டுள்ளது.

சூப்பர் ஓவர் முறை தேவையில்லை :

சர்வதேச ஒரு நாள் கிரிக்கெட்டில் சூப்பர் ஓவர் முறை தேவையில்லை என்று நியூசிலாந்து முன்னாள் கேப்டன் ராஸ் டெய்லர் கூறியுள்ளார்.