Bright Zoom Today News ஜுலை 09 காலை நேரச் செய்திகள்

Bright Zoom Today News
ஜுலை 09 காலை நேரச் செய்திகள்

தமிழகத்தில் ஆன்லைன் மூலம் வகுப்புகள் நடத்தப்படாது.. பள்ளிக்கல்வித்துறை அமைச்சர் - செய்திகள்..!!

உலகச் செய்திகள்
அதிபர் டிரம்ப் எச்சரிக்கை:

அமெரிக்காவில் பள்ளிகளை திறக்காவிடில், மாகாணங்களுக்கான நிதி துண்டிக்கப்படும் என அதிபர் டிரம்ப் எச்சரித்துள்ளார்.

மாநிலச் செய்திகள்
அக்டோபர் 20ஆம் தேதி வரை:

பொறியியல் தொழில்நுட்பக் கல்வி படிப்புக்கு மாணவர் சேர்க்கைக்கான கலந்தாய்வை, செப்டம்பர் 15ஆம் தேதிக்குள் முடிக்க வேண்டும் என்று AICTE உத்தரவிட்டிருந்த நிலையில், அக்டோபர் 20ஆம் தேதி வரை கால அவகாசத்தை நீட்டித்து AICTE
 உத்தரவிட்டுள்ளது.

வருகின்ற ஜூலை 13ஆம் தேதி:

அரசு பள்ளி மாணவர்களுக்கு வருகின்ற ஜூலை 13ஆம் தேதி பாடப்புத்தகங்கள் வழங்கப்படும் என்று தமிழக பள்ளிக்கல்வித்துறை அமைச்சர் செங்கோட்டையன் தெரிவித்துள்ளார்.

பிற்பகல் 1.30 மணிக்கு உரை:

மூன்று நாள் இந்திய குளோபல் வாரத்தை தொடங்கி வைத்து பிரதமர் மோடி இன்று (வியாழக்கிழமை) பிற்பகல் 1.30 மணிக்கு உரை நிகழ்த்துகிறார்.

டி.வி. மூலமாகத்தான் பாடத்திட்டம் கற்பிக்கப்படும்:

தமிழகத்தில் ஆன்லைன் மூலம் வகுப்புகள் நடத்தப்படாது, டி.வி. மூலமாகத்தான் பாடத்திட்டம் கற்பிக்கப்படும் என்று தமிழக பள்ளிக்கல்வித்துறை அமைச்சர் செங்கோட்டையன் கூறியுள்ளார்.

89 மொபைல் செயலிகளை பயன்படுத்த ராணுவத்தினருக்கு தடை:

ராணுவ வீரர்கள் மற்றும் அதிகாரிகள் பேஸ்புக், இன்ஸ்டாகிரம் உள்ளிட்ட 89 மொபைல் செயலிகளை பயன்படுத்த வேண்டாம் என இந்திய ராணுவம் வலியுறுத்தி உள்ளது.

இன்ஸ்டாகிராம் செயலியில் புதிய வசதி:

டிக்டாக் போன்று வீடியோக்களை பதிவேற்றம் செய்யக்கூடிய புதிய வசதி, சோதனை முறையில் இன்ஸ்டாகிராம் செயலியில் இந்தியாவில் அறிமுகப்படுத்தப்பட்டுள்ளது.

வழிகாட்டு நெறிமுறைகள் வெளியீடு:

பல்கலைக்கழகத்தேர்வு, NEET, JEE தேர்வுகளை நடத்துவதற்கான வழிகாட்டு நெறிமுறைகளை மத்திய அரசின் மனிதவள மேம்பாட்டு அமைச்சகம் வெளியிட்டுள்ளது.

பிரதமர் மோடிக்கு தமிழக முதல்வர் கடிதம்:

அரசு பணிகளில் 27மூ ஓபிசி பிரிவினருக்கு இடஒதுக்கீடு குறித்து பிரதமர் மோடிக்கு தமிழக முதல்வர் பழனிசாமி கடிதம் எழுதியுள்ளார்.

மாவட்டச் செய்திகள்
வாகனங்கள் செல்ல தடை:

மதுரை மாவட்டம் திருப்பரங்குன்றம் நகருக்குள் வாகனங்கள் செல்ல தடை விதிக்கப்பட்டுள்ளது.

தானியங்கி உடல் வெப்ப பரிசோதனை கருவி:

கடலூர் மாவட்ட போலீஸ் சூப்பிரண்டு அலுவலகத்தில் உடல் வெப்பநிலையை பரிசோதனை செய்ய அமைக்கப்பட்ட தானியங்கி கருவியை போலீஸ் சூப்பிரண்டு ஸ்ரீஅபிநவ் தொடங்கி வைத்தார்.

விளையாட்டுச் செய்திகள்
இந்திய கிரிக்கெட் வாரிய தலைவர் கங்குலி தெரிவிப்பு:

ஐ.பி.எல். கிரிக்கெட் போட்டி இல்லாமல் இந்த ஆண்டை நிறைவு செய்ய விரும்பவில்லை என்று இந்திய கிரிக்கெட் வாரிய தலைவர் கங்குலி தெரிவித்துள்ளார்.