Bright Zoom Today News ஜுலை 23 காலை நேரச் செய்திகள்

Bright Zoom Today News
ஜுலை 23 காலை நேரச் செய்திகள்

கல்லூரி பருவத் தேர்வுகள் ரத்து... தமிழக முதல்வர் அதிரடி உத்தரவு - செய்திகள் !

உலகச் செய்திகள்
அமெரிக்க அரசு உத்தரவு:

ஹூஸ்டனில் உள்ள சீன தூதரகம் உளவு வேலையில் ஈடுபட்டதால் 72 மணி நேரத்தில் மூட உத்தரவிட்டுள்ளோம் என அமெரிக்கா தெரிவித்துள்ளது.

ஓராண்டை நிறைவு செய்த சந்திரயான்-2:

நிலவை ஆராய இந்தியா அனுப்பிய சந்திரயான்-2 விண்கலம் விண்ணில் ஏவப்பட்டு ஓராண்டை நிறைவு செய்துள்ளது.

மாநிலச் செய்திகள்
பருவத் தேர்வுகள் ரத்து:

இறுதியாண்டு பருவத் தேர்வுகள் தவிர அனைத்து கல்லூரி மாணவர்களுக்கும் இந்த பருவத்திற்கான தேர்வில் இருந்து விலக்கு அளிக்கப்பட்டது என்று தமிழக முதல்வர் எடப்பாடி பழனிசாமி அறிவித்துள்ளார்.

இன்று மதியம் 2 மணி முதல்:

மணிப்பூர் மாநிலம் முழுவதும் இன்று முதல் அடுத்த 14 நாட்களுக்கு முழு பொதுமுடக்கம் அமல்படுத்தப்படுகிறது. இன்று மதியம் 2 மணி முதல் முழு பொதுமுடக்கம் அமலுக்கு வருகிறது.

மதிப்பெண் பட்டியல் விநியோகம்:

தமிழகத்தில் பிளஸ்-2 பொதுத்தேர்வு எழுதிய மாணவ, மாணவிகளுக்கு நாளை முதல் ஜூலை 30ஆம் தேதி வரை மதிப்பெண் பட்டியல் விநியோகிக்கப்படும் என அறிவிக்கப்பட்டுள்ளது.

தேர்வுகள் இயக்ககம் தெரிவிப்பு:

தழிமகத்தில் 12ஆம் வகுப்பு சான்றிதழை ஜூலை 30ஆம் தேதிக்குள் பெற்றுக்கொள்ள வேண்டும் என்பது கட்டாயம் இல்லை என்று தேர்வுகள் இயக்ககம் தெரிவித்துள்ளது. சூழல் சரியானவுடன், பள்ளிகளுக்கு சென்று சான்றிதழ்களை பெற்றுக்கொள்ளலாம் என்று தேர்வுகள் இயக்ககம் கூறியுள்ளது.

பிளஸ்-1 பொதுத்தேர்வு முடிவுகள்:

பிளஸ்-1 பொதுத்தேர்வு முடிவுகள் இந்த மாத இறுதிக்குள் வெளியிடப்படும் என தமிழக பள்ளிக்கல்வித்துறை அமைச்சர் கே.ஏ.செங்கோட்டையன் தெரிவித்துள்ளார்.

தமிழக அரசு தெரிவிப்பு:

தமிழகத்தில் 70 சதவீத மானியத்துடன், சூரிய சக்தி பம்புசெட்கள் திட்டத்தில் ஆதிதிராவிட விவசாயிகளுக்கு முன்னுரிமை அளிக்கப்படுவதாக தமிழக அரசு தெரிவித்துள்ளது.

ஏர் இந்தியா ஒப்புதல்:

ஊழியர்களை 6 மாதம் முதல் 2 ஆண்டுகளுக்கு ஊதியமின்றி கட்டாய விடுப்பில் அனுப்பும் திட்டத்திற்கு ஏர் இந்தியா ஒப்புதல் அளித்துள்ளது.

மாவட்டச் செய்திகள்
வீராணம் ஏரி முழு கொள்ளளவை எட்டியது:

சென்னைக்கு குடிநீர் வழங்கும் வீராணம் ஏரி முழு கொள்ளளவான 47.50 கன அடியை எட்டியது.

தமிழறிஞர்களுக்கு உதவித்தொகை வழங்கும் திட்டம்:

ஈரோடு மாவட்டத்தில் தமிழ் வளர்ச்சித்துறை சார்பில் முதிர்ந்த தமிழறிஞர்களுக்கு உதவித்தொகை வழங்கும் திட்டம் செயல்படுத்தப்படுகிறது.

விளையாட்டுச் செய்திகள்
உலக ஊக்க மருந்து தடுப்பு அமைப்பு உத்தரவு:

சர்வதேச தரத்தில் இயங்காததால் தேசிய ஊக்க மருந்து தடுப்பு அமைப்புக்கு மேலும் 6 மாத கால தடையை நீட்டித்து உலக ஊக்க மருந்து தடுப்பு அமைப்பு உத்தரவிட்டுள்ளது.

ஒலிம்பிக் போட்டி தள்ளிவைப்பு:

ஒலிம்பிக் போட்டி ஒரு ஆண்டு தள்ளிவைக்கப்பட்டு அடுத்த ஆண்டு (2021) ஜூலை 23ஆம் தேதி முதல் ஆகஸ்ட் 8ஆம் தேதி வரை நடைபெறும் என்று அறிவிக்கப்பட்டுள்ளது.