Bright Zoom Today News ஜுலை 24 காலை நேரச் செய்திகள்

Bright Zoom Today News
ஜுலை 24 காலை நேரச் செய்திகள்

மறுகூட்டலுக்கு மாணவர்கள்... இன்று முதல் விண்ணப்பிக்கலாம் - செய்திகள் !!


உலகச் செய்திகள்
டிசம்பர் 31ஆம் தேதி வரை தடை:

பாதுகாப்புத் துறைகளில் சீனாவின் வர்த்தகத்திற்கு இந்தியா டிசம்பர் 31ஆம் தேதி வரை தடை விதித்துள்ளது.

ஐ.நா. வரலாற்றில் முதல் முறையாக...:

ஐ.நா. வரலாற்றில் முதல் முறையாக உலக தலைவர்களின் நேரடி பங்கேற்பு இல்லாமல் பொதுச்சபை கூட்டம் செப்டம்பர் மாதம் நடக்கவுள்ளது.
மாநிலச் செய்திகள்

2 புதிய விழிப்புணர்வு படங்கள் வெளியீடு:

பீடி, சிகரெட் போன்ற புகையிலை பொருட்களின் மேல் பயன்படுத்தப்படும் 2 புதிய விழிப்புணர்வு படங்களை மத்திய சுகாதாரத்துறை அமைச்சகம் வெளியிட்டுள்ளது.

முதுநிலை பல் மருத்துவத் தேர்வுகள் ஒத்திவைப்பு:

தமிழகத்தில் வரும் ஆகஸ்ட் மாதம் நடைபெறவிருந்த முதுநிலை பல் மருத்துவப் படிப்புகளுக்கான தேர்வுகள் ஒத்திவைக்கப்பட்டுள்ளன.

தனி இணையதளம் உருவாக்கப்பட்டுள்ளது:

தமிழகத்தில் முதலீடுகளை செய்ய விரும்பும் முதலீட்டாளர்களின் எதிர்பார்ப்பை பூர்த்தி செய்யும் வகையில் தனி இணையதளம் உருவாக்கப்பட்டுள்ளது.

மராட்டிய மாநில அரசு உத்தரவு:

மராட்டியத்தில் மழலையர் வகுப்புகள் முதல் 12ஆம் வகுப்பு வரை ஆன்லைனில் பாடம் நடத்த அம்மாநில அரசு உத்தரவிட்டுள்ளது.

இன்று முதல் விண்ணப்பிக்கலாம்:

பிளஸ்-2 தேர்வு எழுதிய மாணவர்கள் மறுகூட்டலுக்கு இன்று முதல் விண்ணப்பிக்கலாம் என்று தேர்வுத்துறை அறிவித்துள்ளது.

தேசிய பண பரிவர்த்தனை கழகம் அறிமுகம்:

மாதாந்திர மொபைல் பில், இஎம்ஐ உட்பட குறிப்பிட்ட கால இடைவெளியில் மேற்கொள்ளப்படும் பரிவர்த்தனைகளை தானியங்கி முறையில் யுபிஐ பரிவர்த்தனையில் மேற்கொள்ளும் வசதியை, தேசிய பண பரிவர்த்தனை கழகம் அறிமுகம் செய்துள்ளது.

10 சதவீத இடஒதுக்கீடு:

பொருளாதார ரீதியில் பின்தங்கிய உயர் வகுப்பினருக்கு, கல்வி மற்றும் வேலைவாய்ப்பில் 10 சதவீத இடஒதுக்கீடு வழங்கி மத்திய அரசு சட்டம் இயற்றியது. இந்த சட்டத்தில், ஆண்டிற்கு 8 லட்சம் ரூபாய்க்கு குறைவாக வருமானம் உள்ளவர்கள் இந்த சலுகையைப் பெற தகுதியுடையவர்கள் என தெரிவிக்கப்பட்டுள்ளது.

மரக்கன்றுகள் நடும் திட்டம்:

மத்திய நிலக்கரி அமைச்சகம் ஏற்பாடு செய்துள்ள மரக்கன்றுகள் நடும் திட்டத்தை மத்திய உள்துறை அமைச்சர் அமித் ஷா நேற்று தொடங்கி வைத்தார்.
மாவட்டச் செய்திகள்
துணை ஆட்சியர்களுக்குப் பணி நியமன உத்தரவு:

அரசுப் பணியாளர் தேர்வாணையம் மூலமாக தேர்வு செய்யப்பட்ட துணை ஆட்சியர்களுக்குப் பணி நியமன உத்தரவுகளை தமிழக முதல்வர் பழனிசாமி நேற்று தலைமைச் செயலகத்தில் வழங்கினார்.

பக்தர்கள் இன்றி தங்கத்தேர் இழுக்க அனுமதி:

விருதுநகர் ஸ்ரீவில்லிபுத்தூர் ஆண்டாள் கோவில் வளாகத்தில் இன்று, பக்தர்கள் இன்றி தங்கத்தேர் இழுக்க இந்து சமய அறநிலையத்துறை ஆணையர் பணீந்திர ரெட்டி அனுமதியளித்துள்ளார்.
விளையாட்டுச் செய்திகள்
365 நாள் கவுண்டவுன்:

டோக்கியோ ஒலிம்பிக் போட்டிக்கான 365 நாள் கவுண்டவுன் நேற்று தொடங்கி உள்ளது.

கடைசி டெஸ்ட் போட்டி:

இங்கிலாந்து-வெஸ்ட் இண்டீஸ் அணிகள் இடையிலான கடைசி டெஸ்ட் போட்டி மான்செஸ்டரில் இன்று தொடங்குகிறது.