இரயில்வே தேர்வு - 2018 : பொது அறிவு உயிரியல் - பற்களின் வகைகள்:

இரயில்வே தேர்வு - 2018 : பொது அறிவு உயிரியல் - பற்களின் வகைகள்:

➤ நம் வாழ்நாளில் நமக்கு இரண்டு வகையான பற்கள் தோன்றுகின்றன. 

➤ ஒரு வயது குழந்தையாக இருக்கும்போது தோன்றும் பற்கள் முதல்வகை. 

➤ இதற்குப் பால்பற்கள் என்று பெயர். இவற்றின் எண்ணிக்கை 20 ஆக இருக்கும். 

➤ இப்பால்பற்கள் குழந்தையின் ஏழு அல்லது எட்டு வயது வரை மட்டுமே இருக்கும். 

➤ பால்பற்கள் விழுந்தவுடன், புதிய வகைப் பற்கள் வளர்கின்றன. இப்பற்களுக்கு நிலைத்த பற்கள் என்று பெயர். 

➤ இவற்றின் எண்ணிக்கை 32ஆக இருக்கும். 

➤ இப்பற்களில் 16 மேற்புறத்தாடையிலும், 16 கீழ்ப்புறத்தாடையிலும் உள்ளன. 

➤ அனைத்துப்பற்களும் ஒரே மாதிரியாக இருப்பதில்லை. 

➤ இவை நான்கு வகைப்படும். முறையே வெட்டுப்பற்கள், கோரைப்பற்கள், முன், பின் கடைவாய்ப் பற்கள் ஆகும். 

வெட்டுப்பற்கள் :

➤ வாயின் முன்பகுதியில் உளிபோன்று காணப்படும் பற்கள் வெட்டுப் பற்களாகும்

➤ .ஒவ்வொரு தாடையிலும் நான்கு பற்கள் வீதமாக மொத்தம் எட்டுப் பற்கள் உள்ளன. இவை உணவைக் கடிப்பதற்கு உதவுகின்றன. 

கோரைப் பற்கள் :

➤ இவை கூரிய முனையுள்ள பற்கள். ஒவ்வொரு தாடையிலும் இரண்டு பற்கள் வீதம் மொத்தம் நான்கு பற்கள் உள்ளன. இவை உணவை வெட்டவும் கிழிக்கவும் உதவுகின்றன.


முன்கடைவாய்ப் பற்கள்:

➤ ஒவ்வொரு தாடையிலும் கோரைப் பற்களுக்குப் பின் காணப்படும் பெரிய பற்களே முன் கடைவாய்ப் பற்கள். 

➤ இவை அகன்ற பரப்பு உடையவை. ஒவ்வொரு தாடையிலும் நான்கு பற்கள் வீதம் மொத்தம் எட்டுப் பற்கள் உள்ளன.

➤  இவை உணவை மெல்லவும், அரைக்கவும் பயன்படுகின்றன. 

பின்கடைவாய்ப் பற்கள் :

➤ முன்கடைவாய்ப் பற்களுக்குப் பின் காணப்படும் பெரிய பற்களே பின் கடைவாய்ப் பற்கள் ஆகும். 

➤ முன்கடைவாய்ப் பற்களைவிட அகன்ற பரப்புடையவை. 

➤ இவை முன்கடைவாய்ப் பற்கள் போன்றே உணவை மெல்லுவதற்கும் அரைக்கவும் பயன்படுகின்றன. 

➤ ஒவ்வொரு தாடையிலும் ஆறு பற்கள் வீதம் மொத்தம் பன்னிரண்டு பின் கடைவாய்ப்பற்கள் உள்ளன. 

பல் பராமரிப்பு :

➤ நிலைத்த பற்கள் வாழ்நாள் முழுவதும் பயன்படுகின்றன. இவை விழுந்தால் மீண்டும் முளைப்பதில்லை. 

➤ எனவே, அதிக அக்கறையுடன் பற்களைச் சுத்தமாக வைத்துக்கொள்ள வேண்டும். 

➤ பற்களில் உள்ள பற்பூச்சு (எனாமல்) பெரியவர்களைவிடச் சிறுவர்களுக்கு மெல்லியதாகக் காணப்படும். 

➤ எனவே, பெரியவர்களைவிடச் சிறியவர்களுக்கு பற்கள் எளிதில் சிதையக்கூடியதாகக் காணப்படும். 

➤ சிறுவர்கள் அதிக குளிரான அல்லது வெப்பமான உணவைத் தவிர்த்தல் வேண்டும்.

➤  ஒரு நாளில் பற்களை இருமுறை துலக்குதல் வேண்டும். 

➤ செங்கல்தூள் போன்ற கடினமான பொருள்களைக் கொண்டு பற்களைத் தேய்த்தல் கூடாது. 

➤ மற்ற விலங்குகளில் உள்ள பற்களைப் பற்றிய சுவாரஸ்யமான தகவல்களைக் காணலாம்.

➤ பறவைகளுக்குப் பற்கள் கிடையாது. 


➤ எலிகளுக்குப் பற்கள் தொடர்ச்சியாக வளர்ந்து கொண்டேயிருக்கும். 

➤ சில மனிதர்களுக்கு மட்டுமே 32 பற்கள் இருக்கும்.

Bright Zoom