இயற்கை எழில் கொஞ்சும் மேகமலை !!

இயற்கை எழில் கொஞ்சும்
மேகமலை !!

🌄 பசுமைப் போர்த்திய மலைகளும், வெண் பஞ்சு மேகங்களும் போட்டிப் போட்டுக்கொண்டு ஒன்றையொன்று தழுவிக் கொள்கிற அட்டகாசமான இடம் மேகமலை.

🌄 இது தேனி மாவட்டம் சின்னமனசின்னமனூர் நகரில் அமைந்துள்ளது. கடல் மட்டத்திலிருந்து சுமார் 1,500 மீட்டர் உயரத்தில் உள்ளது. வேகமான காற்று வீசும் மலைகள் என்றும் அழைக்கப்படுகிறது.

மேகமலையின் சிறப்புகள் :

🌄 மேகமலை நான்கைந்து மலைச்சிகரங்களால் சு+ழப்பட்ட நடுவே உள்ள பள்ளத்தாக்கு ஆகும். தமிழகத்தில் உள்ள மலைவாச தலங்களில் சிறந்த நில அமைப்பு கொண்டதாக இருக்கிறது.

🌄 மலை முழுவதும் மேகங்களால் சு+ழப்பட்டு ஆட்சி செய்வதால் மேகமலை என்று பெயர். மேற்குத்தொடர்ச்சி மலையை ஒட்டி பச்சைப் பசேல் என திரும்பிய பக்கமெல்லாம் பசுமை போர்வை உடுத்தியது போல் பரந்து விரிந்து கிடக்கும் மேகங்களின் தாய்வீடு தான் இந்த மேகமலை.

🌄 பசுமையான நிலப்பரப்புடன் பெரிய பெரிய மரங்களுடன் மிக அடர்த்தியாக காணப்படுகிறது.

🌄 மிக அழகான சாய்ந்த நிலப்பரப்பில் உள்ள பார்வையைப் பறித்துப் போகிற பச்சைத் தேயிலை மற்றும் ஏலக்காய் தோட்டங்கள்.

🌄 உயர்ந்த மலைகளின் அழகு, மிக ஆழமான பள்ளம், அழகிய ஏரி என பல இயற்கை வளம் கொட்டிக் கிடக்கின்றன. இவை அனைத்தும் மனிதனின் காலடிப் பட்டு சிதைந்து போகாத பசுமை மாறாக் காடுகளாகவே உள்ளன.

எப்படி செல்ல வேண்டும்?

🚖 சின்னமனூரிலிருந்து மலைப்பாதை வழியாகத்தான் செல்ல முடியும். மலைப்பாதையின் முதல் 30 கி.மீ. வனப்பகுதி. அடுத்த 20 கி.மீ. அடர்ந்த தேயிலை தோட்டங்கள் நிறைந்த பகுதியாகும். சொந்த வாகனத்தில் சென்றால் சிறந்த அனுபவங்கள் செல்லும் வழியில் கிடைக்கும்.

🌄 செயற்கைத் தனங்கள் நுழையாத இயற்கையை விரும்புகின்ற ஒவ்வொருவரும் கட்டாயம் சென்று ரசிக்கக்கூடிய மிக அற்புதமான பொக்கிஷம் மேகமலை. இதை ஓர் ஆரோக்கிய பயணம் என்று கூட சொல்லலாம்.