Bright Zoom Today News ஏப்ரல் 24 காலை நேரச் செய்திகள்

Bright Zoom Today News
ஏப்ரல் 24 காலை நேரச் செய்திகள்

ரேஷன் கார்டு இல்லாவிட்டாலும் மளிகைப் பொருட்கள்.. தமிழக அரசு - செய்திகள்..!!


உலகச் செய்திகள்
இங்கிலாந்தில் புதிய முயற்சி :

மோப்ப நாய்களுக்கு பயிற்சி அளிப்பதன் மூலம் கொரோனா நோயாளிகளை எளிதில் கண்டுபிடிக்க முடியும் என்று இங்கிலாந்து தொண்டு நிறுவனம் தெரிவித்துள்ளது.

மாநிலச் செய்திகள்
தமிழக அரசு அறிவிப்பு :

ரேஷன் பொருட்கள் வாங்க இன்று டோக்கன் விநியோகம் வழங்கப்படாது என்றும், மே மாதம் 2, 3ஆம் தேதிகளில் டோக்கன் விநியோகம் செய்யப்படும் என்றும் தமிழக அரசு அறிவித்துள்ளது.

ரேஷன் கார்டு இல்லாவிட்டாலும் மளிகைப் பொருட்கள் :

ரேஷன் கார்டு இல்லையென்றாலும் 500 ரூபாய் மளிகைப் பொருட்கள் அனைத்து தரப்பினருக்கும் வழங்கப்படும் என சென்னை உயர்நீதிமன்றத்தில் தமிழக அரசு தெரிவித்துள்ளது.

சம்பளம் உயர்த்தப்படும் :

கொரோனா தடுப்பு பணியில் ஈடுபட்டுள்ள அரசு ஒப்பந்த டாக்டர்களின் சம்பளம் உயர்த்தப்படும் என்று கர்நாடக முதல்-மந்திரி எடியூரப்பா அறிவித்துள்ளார்.

தலைமை செயலாளர் உத்தரவு :

கர்நாடகத்தில் ஊரடங்கு மேலும் தளர்த்தப்பட்டுள்ளது. அதன்படி கட்டுமான பணிகள், செல்போன் ரீசார்ஜ் கடைகளுக்கு விலக்கு அளித்து அரசின் தலைமை செயலாளர் உத்தரவிட்டுள்ளார்.

அனைத்து நீதிபதிகள் கூட்டம் :

மே மாதம் முதல் நீதிமன்ற பணிகளை எப்படி நடத்துவது? என்பது குறித்து முடிவெடுக்க, சென்னை உயர்நீதிமன்ற தலைமை நீதிபதி தலைமையில், வரும் 29ஆம் தேதி காணொலிக் காட்சியின் மூலம் அனைத்து நீதிபதிகள் கூட்டம் நடைபெற உள்ளது.

இன்று முதல் 27ஆம் தேதி வரை :

தமிழகத்தில் இன்று முதல் 27ஆம் தேதி வரை சில இடங்களில் ஆலங்கட்டி மழை பெய்ய வாய்ப்புள்ளதாக சென்னை வானிலை ஆய்வு மையம் அறிவித்துள்ளது.

மத்திய அரசு அறிவிப்பு :

வங்கிச் சேவைகளை 6 மாதங்களுக்கு பொது பயன்பாட்டு சேவைகளாக மத்திய அரசு அறிவித்துள்ளது. தொழிலக சட்டத்தின் கீழ் இந்த அறிவிப்பு மேற்கொள்ளப்பட்டுள்ளது.

ஆன்லைனில் தங்கம் விற்க கடைகள் தீவிரம் :

ஊரடங்கு உத்தரவு காரணமாக நகைக்கடைகள் மூடப்பட்டுள்ள நிலையில் வரும் அட்சய திருதியை தினத்தையொட்டி தமிழகம் முழுவதும் 20 ஆயிரத்திற்கும் மேற்பட்ட நகைக்கடை உரிமையாளர்கள் ஆன்லைனில் தங்கத்தை விற்பனை செய்யவுள்ளனர்.

காவல்துறை அதிகாரிகள் நியமனம் :

தமிழகத்தில் மேற்கு மண்டலத்திற்கு உட்பட்ட மாவட்டங்களில் விவசாயிகள், வணிகர்கள் ஆகியோர் அத்தியாவசியப் பொருட்களை தடையின்றி கொண்டு செல்வதை கண்காணிக்க, காவல்துறை அதிகாரிகள் பிரத்யேகமாக நியமிக்கப்பட்டுள்ளனர்.
மாவட்டச் செய்திகள்
இலவச சாப்பாடு :

சென்னையில் உள்ள அம்மா உணவகங்கள் அனைத்திலும் இலவச சாப்பாடு வழங்கப்படும் என்று மாநகராட்சி அறிவித்துள்ளது.

பேக்கரி கடைகள் திறக்க அனுமதி :

நெல்லை மாவட்டத்தில் பேக்கரி கடைகளை திறக்க அனுமதி அளிக்கப்பட்டுள்ளது என்று கலெக்டர் ஷில்பா தெரிவித்துள்ளார்.

விளையாட்டுச் செய்திகள்
சிபிஎல் டி20 போட்டி :

சிபிஎல் டி20 போட்டியில் ஜமைக்கா அணியிலிருந்து செயிண்ட் லுசியா அணிக்கு கிறிஸ் கெயில் மாறியுள்ளார்.