மே 02 காலை நேரச் செய்திகள் முகக்கவசம் அணியாதவர்களுக்கு ரேஷன் பொருட்கள் இல்லை

Bright Zoom Today
மே 02 காலை நேரச் செய்திகள்
முகக்கவசம் அணியாதவர்களுக்கு ரேஷன் பொருட்கள் இல்லை - முக்கியச் செய்திகள் !

உலகச் செய்திகள்
புகைப்படத்தை வெளியிட்டது வடகொரியா அரசு :

வடகொரிய அதிபர் கிம் ஜாங் உன் பொது நிகழ்ச்சியில் கலந்து கொண்டதாக புகைப்படத்தை வடகொரியா அரசு வெளியிட்டுள்ளது.
மாநிலச் செய்திகள்
டோக்கன்கள் வழங்கப்படுகிறது :

தமிழகத்தில் மே மாதத்திற்கான ரேஷன் பொருட்களைப் பெறுவதற்கான டோக்கன்கள் இன்றும், நாளையும் வழங்கப்படுகிறது.

இன்று காலை 11 மணிக்கு... :

தமிழக முதல்வர் எடப்பாடி பழனிசாமி தலைமையில் இன்று காலை 11 மணிக்கு சென்னை தலைமை செயலகத்தில் தமிழக அமைச்சரவை கூட்டம் நடக்கவுள்ளது.

கோவா அரசு அறிவிப்பு :

முகக்கவசம் அணியாதவர்களுக்கு பெட்ரோல், ரேஷன் பொருட்கள் இல்லை என கோவா அரசு அறிவித்துள்ளது.

பிரதமர் கல்வித்துறையினருடன் ஆலோசனை :

தேசிய கல்விக்கொள்கை மற்றும் கல்வித்துறையில் மேற்கொள்ள வேண்டிய சீர்திருத்தங்கள் குறித்து பிரதமர் மோடி கல்வித்துறையினருடன் ஆலோசனை நடத்தினார்.

மத்திய அரசு உத்தரவு :

மத்திய அரசு ஊழியர்கள் மற்றும் தனியார் துறை ஊழியர்கள் அனைவரும் தங்களின் மொபைல் போனில் 'ஆரோக்கிய சேது" செயலியை வைத்திருப்பது கட்டாயம் என்று மத்திய அரசு உத்தரவிட்டுள்ளது.

பிரதமர் மோடி உத்தரவு :

வீட்டுக்குள் முடங்கிக் கிடக்கும் மக்களுக்குத் தடையற்ற மின்விநியோகம் செய்யுமாறு மின்துறையினருக்கு பிரதமர் மோடி உத்தரவிட்டுள்ளார்.

தூய்மை தொழிலாளர்கள் பணிநீக்கம் :

திருப்பதி கோவிலில் பக்தர்கள் அனுமதி முற்றிலும் நிறுத்தப்பட்டதால் தேவஸ்தானத்தில் பணியாற்றிய 1,400 ஒப்பந்த தூய்மை தொழிலாளர்கள் அதிரடியாக பணிநீக்கம் செய்யப்பட்டனர்.

துப்பாக்கி சண்டை :

ஜம்மு மற்றும் காஷ்மீரில் பாதுகாப்பு படை மற்றும் பயங்கரவாதிகள் இடையே கடும் துப்பாக்கி சண்டை நடந்தது.

6 சிறப்பு ரயில்கள் :

வெளிமாநிலங்களில் சிக்கி தவிக்கும் தொழிலாளர்கள் சொந்த ஊருக்கு செல்ல வசதியாக ரயில்வே நேற்று (வெள்ளிக்கிழமை) 6 சிறப்பு ரயில்களை இயக்கியது.

இன்று ஆலோசனை :

வங்கிகளின் தலைமை நிர்வாக அதிகாரிகளுடன் இந்திய ரிசர்வ் வங்கி ஆளுநர் சக்திகாந்த தாஸ் இன்று ஆலோசனை நடத்தவுள்ளார்.
மாவட்டச் செய்திகள்
சிறப்பு மருத்துவக்குழு வாகனங்கள் :

மதுரை மாவட்டம் திருமங்கலத்தில், கர்ப்பிணிப் பெண்கள், இதய நோயாளிகள் உள்ளிட்டோருக்கு வீடு தேடிச் சென்று மருத்துவ உதவிகள் வழங்கும் சிறப்பு மருத்துவக்குழு வாகனங்களை அமைச்சர் ஆர்.பி உதயகுமார் தொடங்கி வைத்தார்.
விளையாட்டுச் செய்திகள்
கூட்டமைப்பு முடிவு :

தேசிய சைக்கிள் பயிற்சி முகாமை டெல்லியில் இருந்து இம்பாலுக்கு மாற்ற இந்திய சைக்கிள் பந்தய கூட்டமைப்பு முடிவு செய்துள்ளது.