Bright Zoom Today News மே 06 மாலை நேரச் செய்திகள்

Bright Zoom Today News
மே 06 மாலை நேரச் செய்திகள்

விலையில்லாமல் பெற்று கொள்ளலாம்... தமிழக அரசு அறிவிப்பு - செய்திகள் !

உலகச் செய்திகள்
கடைசி சூப்பர் மூன் :

இந்தாண்டின் நான்காவது மற்றும் கடைசி சூப்பர் மூன் நிகழ்வு வானில் நாளை (7ஆம் தேதி) தெரிய உள்ளது.

தீ விபத்து :

யுஏஇ எனப்படும் ஐக்கிய அரசு அமீரகத்தின் 3வது பெரிய நகரமான ஷார்ஜாவில் உள்ள 49 மாடி கட்டிடத்தில் பயங்கர தீ விபத்து ஏற்பட்டதையடுத்து அதில் குடியிருந்த 300 குடும்பங்கள் பாதுகாப்பாக வெளியேற்றப்பட்டன.
மாநிலச் செய்திகள்
தமிழக அரசு அறிவிப்பு :

நீர் நிலைகளில் உள்ள களிமண், வண்டல் மண், சவுடு மண், சரளை மண் ஆகியவற்றை விலையில்லாமல் பெற்று கொள்ளலாம் என தமிழக அரசு அறிவித்துள்ளது.

தமிழக அரசு அரசாணை வெளியீடு :

வெளிமாநிலத்தவர்களை சொந்த மாநிலத்திற்கு அனுப்புவதற்கான வழிகாட்டு முறைகளை அரசாணையாக வெளியிட்டுள்ள தமிழக அரசு, போக்குவரத்திற்கான செலவை அந்தந்த மாநில அரசுகளே ஏற்க வேண்டும் என தெரிவித்துள்ளது.

வாட்ஸ்அப், இமெயிலில்... :

மருந்து, மாத்திரைகளை எளிதில் பெற வாட்ஸ்அப் மற்றும் இமெயில் மூலமாகவும் மக்கள் ஆர்டர் கொடுக்கலாம் என மத்திய அரசு தெரிவித்துள்ளது.

ஆலோசனைக் கூட்டத்தில் முடிவு :

கேரளாவில் மே 17ஆம் தேதி வரை மதுக்கடைகள் திறக்கப்படாது என முதல்வர் தலைமையில் நடந்த ஆலோசனைக் கூட்டத்தில் முடிவு செய்யப்பட்டுள்ளது.

சிறப்பு ரயில்கள் ரத்து :

கர்நாடக முதலமைச்சர் எடியூரப்பாவை கட்டுமானத்தொழில் அதிபர்கள் சந்தித்து பேசியதை அடுத்து வெளிமாநிலத் தொழிலாளர்கள் சொந்த ஊருக்கு செல்வதற்கான சிறப்பு ரயில்கள் ரத்து செய்யப்பட்டுள்ளன.

தண்டனைக்குரிய குற்றமாக அறிவிப்பு :

உத்தரப் பிரதேசம் மாநிலம் கவுதம் புத்த நகர் மாவட்டத்தில் செல்பேசியில் ஆரோக்கிய சேது செயலி இல்லாமல் இருப்பது தண்டனைக்குரிய குற்றமாக அறிவிக்கப்பட்டுள்ளது.

வானிலை ஆய்வு மையம் தெரிவிப்பு :

தமிழகத்தில் வெப்பச்சலனம் மற்றும் வளிமண்டல மேலடுக்கு சுழற்சியால் அடுத்த 24 மணி நேரத்தில் 9 மாவட்டங்களில் லேசானது முதல் மிதமான மழைக்கு வாய்ப்பு உள்ளது என சென்னை வானிலை ஆய்வு மையம் தெரிவித்துள்ளது.

காய்கறி விலை உயரும் அபாயம் :

சென்னையில் பெரிய மார்க்கெட்டான கோயம்பேடு மார்க்கெட் மூடப்பட்டுள்ளதால் புதுவையில் காய்கறி விலை உயரும் அபாயம் ஏற்பட்டுள்ளது.

நாடு முழுவதும்... :

மே 5ஆம் தேதி நிலவரப்படி நாடு முழுவதும் ஏறத்தாழ 39 கோடி பேர் மத்திய அரசிடம் இருந்து 34,800 கோடி ரூபாயை நிவாரணமாக பெற்றுள்ளனர்.
மாவட்டச் செய்திகள்
குடிநீர் வழங்க ஏற்பாடு :

சென்னையில் இனி லாரிகளுக்கு பதில், குழாயில் குடிநீர் வழங்க ஏற்பாடு செய்யப்பட்டுள்ளதாக அமைச்சர் வேலுமணி அறிவித்துள்ளார். 1,000 தெருக்களில் மொத்தம் 700ஆடுனு குடிநீர் வழங்க நடவடிக்கை எடுக்கப்பட்டுள்ளதாக தெரிவித்துள்ளார்.
விளையாட்டுச் செய்திகள்
நூறு பந்து தொடர் :

கொல்கத்தா நைட் ரைடர்ஸ் அணி உரிமையாளர்கள் இங்கிலாந்தில் நடைபெற இருக்கும் நூறு பந்து தொடரில் முதலீடு செய்ய ஆர்வம் காட்டி வருகின்றனர்.