Bright Zoom Today News மே 07 மாலை நேரச் செய்திகள்

Bright Zoom Today News
மே 07 மாலை நேரச் செய்திகள்

தலா ரூ.1 கோடி நிவாரணம்.....
அடுத்த 48 மணி நேரத்தில்... இடியுடன் கூடிய மழை - முக்கியச் செய்திகள் !


உலகச் செய்திகள்
இந்தியாவில் தொழில் தொடங்க முயற்சி :

சீனாவில் இருந்து வெளியேறும் ஆயிரத்துக்கு மேற்பட்ட அமெரிக்க நிறுவனங்களை இந்தியாவில் தொழில் தொடங்கச் செய்வதற்கு முயற்சி நடைபெற்று வருகிறது.
மாநிலச் செய்திகள்
தமிழக அரசு உத்தரவு :

தமிழக அரசு ஊழியர்கள் ஓய்வு பெறும் வயது 58-ல் இருந்து 59ஆக உயர்த்தி தமிழக அரசு உத்தரவு பிறப்பித்துள்ளது.

சென்னை வானிலை மையம் தெரிவிப்பு :

தமிழகத்தில் வெப்பச்சலனம் மற்றும் வளிமண்டல மேலடுக்கு சுழற்சியால் அடுத்த 48 மணி நேரத்தில் ஓரிரு இடங்களில் இடியுடன் மழை பெய்ய வாய்ப்புள்ளதாக சென்னை வானிலை மையம் தெரிவித்துள்ளது.

அமைச்சரவையில் முடிவெடுக்கப்படும் :

புதுச்சேரியில் மதுக்கடைகளை திறப்பது குறித்து அமைச்சரவையில் முடிவெடுக்கப்படும் என முதல்வர் நாராயணசாமி பேட்டியளித்துள்ளார்.

தலா ரூ.1 கோடி நிவாரணம் :

ஆந்திராவில் விஷவாயுக் கசிவால் இறந்தவர்கள் குடும்பங்களுக்கு தலா ரூ.1 கோடி நிவாரணம் வழங்கப்படும் என முதல்வர் ஜெகன்மோகன் ரெட்டி அறிவித்துள்ளார்.

முதல்வர் பழனிசாமி இரங்கல் :

ஆந்திர மாநிலம் விசாகப்பட்டினம் ரசாயன ஆலையில் விஷவாயு கசிவால் உயிரிழந்தவர்களின் குடும்பத்திற்கு முதல்வர் எடப்பாடி பழனிசாமி இரங்கல் தெரிவித்துள்ளார்.

ஜோமோட்டோ திட்டம் :

இந்தியாவில் ஹோட்டல் உணவை வாடிக்கையாளர்களிடம் நேரடியாக டெலிவரி செய்யும் தொழிலில் முன்னணியிலுள்ள ஜோமோட்டோ (ணழஅயவழ) நிறுவனம், மதுவகைகளை நேரடியாக டெலிவரி செய்யும் தொழிலில் ஈடுபட திட்டமிட்டுள்ளது.

இணையதளம் முடங்கியது :

வெளிநாடுகளில் சிக்கி உள்ள இந்தியர்கள், நாடு திரும்புவதற்கான முன்பதிவை போட்டி போட்டுக் கொண்டு மேற்கொண்டதை தொடர்ந்து வெளியுறவு அமைச்சகத்தின் இணையதளம் முடங்கியது.

நாளை முதல்... சர்வதேச விமான சேவை தொடக்கம் :

நாளை முதல் இந்தியாவில் இருந்து லண்டன், சிங்கப்பூர் மற்றும் அமெரிக்காவுக்கு செல்பவர்கள் தற்போது முன்பதிவு செய்யலாம் என்று ஏர் இண்டியா தெரிவித்துள்ளது.
மாவட்டச் செய்திகள்
5 பேருக்கு மேல் கூடக்கூடாது :

ஈரோட்டில் மதுபானங்கள் வாங்க குடையுடன் வர வேண்டும் என மாவட்ட ஆட்சியர் உத்தரவிட்டுள்ளார். மேலும், மதுக்கடையில் ஒரே நேரத்தில் 5 பேருக்கு மேல் கூடக்கூடாது எனவும் மாவட்ட ஆட்சியர் தெரிவித்துள்ளார்.
விளையாட்டுச் செய்திகள்
ராபின் சிங், பிராத்வைட்... விடுவித்தது :

கரீபியன் பிரிமீயர் லீக் அணியான செயின்ட் கிட்ஸ் அண்டு நேவிஸ் பேட்ரியாட்ஸ் அணி ராபின் சிங், பிராத்வைட் ஆகியோரை விடுவித்துள்ளது.