Bright Zoom Today News மே 08 காலை நேரச் செய்திகள்

Bright  Zoom Today News
மே 08 காலை நேரச் செய்திகள்

இன்ஜினியரிங் கல்லூரிகளுக்கு உத்தரவு - காலைச் செய்திகள் !


உலகச் செய்திகள்
முதல் முறையாக... :

உலகின் தூங்காநகரம் என்றழைக்கப்படும் நியூயார்க் நகரில் கடந்த 115 ஆண்டுகளாக 24 மணிநேரமும் செயல்பட்டு வரும் சுரங்கப்பாதை ரயில்கள் முதல் முறையாக தங்கள் பின்னிரவு சேவைகளை நிறுத்தியுள்ளன.

மசூதிகள் திறப்பு :

வங்கதேசத்தில் ஒன்றரை மாதமாக மூடப்பட்டு கிடந்த மசூதிகள் மீண்டும் தொழுகைக்காக திறக்கப்பட்டுள்ளன.
மாநிலச் செய்திகள்
ஒருநாள் விட்டு ஒருநாள் வகுப்புகள் :

பள்ளிகள் திறக்கப்படும் போது 50 சதவீத மாணவர்களே வகுப்புகளில் இருக்கும் வகையில் ஒருநாள் விட்டு ஒருநாள் வகுப்புகள் நடத்த திட்டமிடப்பட்டுள்ளது.

ஸ்பீடு போஸ்ட் சேவை :

15 நாடுகளுக்கு ஸ்பீடு போஸ்ட் சேவையை மீண்டும் துவக்கி உள்ளதாக அஞ்சல் துறை அறிவித்துள்ளது.

இன்ஜினியரிங் கல்லூரிகளுக்கு உத்தரவு :

செமஸ்டர் தேர்வு ஜூலைக்கு தள்ளி வைக்கப்பட்டுள்ளதால், அனைத்து பாடங்களையும் 'ஆன்லைனில்" நடத்தி முடிக்க, இன்ஜினியரிங் கல்லூரிகளுக்கு உத்தரவிடப்பட்டுள்ளது.

உணவுத் துறை அறிவிப்பு :

மாதத்தின் இரண்டாவது வெள்ளிக்கிழமை விடுமுறையாக இருந்தாலும், இன்று ரேஷன் கடைகள் வழக்கம் போல செயல்படும் என தமிழக உணவுத் துறை அறிவித்துள்ளது.

இ-டோக்கன் முறை :

டெல்லியில் மதுபான விற்பனைக்காக இ-டோக்கன் முறை அறிமுகப்படுத்தப்பட்டுள்ளது. சமூக விலகலை கடைபிடிக்கும் வகையிலும், மதுபானக் கடைகளில் கூட்டம் வருவதைக் கருத்தில் கொண்டும் இந்த முடிவு எடுக்கப்பட்டுள்ளதாக கூறப்பட்டுள்ளது.

சிறப்பு ரயில்கள் ஏற்பாடு :

தமிழகத்தில் தவிக்கும் வெளிமாநில தொழிலாளர்களை ஏற்றிச் செல்ல 7 சிறப்பு ரயில்கள் ஏற்பாடு செய்யப்பட்டுள்ளன. சென்னை, கோவை, வேலூரில் இருந்து வடமாநிலங்களுக்கு சிறப்பு ரயில்கள் இயக்கப்படும் என தெரிவிக்கப்பட்டுள்ளது.

மாசுக்கட்டுப்பாட்டு வாரியம் அறிவுறுத்தல் :

ஆலைகளைத் திறக்கும்போது தொட்டிகளை சுத்தம் செய்ய மனிதர்களை பயன்படுத்தக்கூடாது என மாசுக்கட்டுப்பாட்டு வாரியம் அறிவுறுத்தியுள்ளது.

வலைதளத்தில் வெளியிட திட்டம் :

பிரதமர் நரேந்திர மோடி தலைமையிலான அரசு இரண்டாவது முறையாக பதவியேற்று ஒரு ஆண்டு நிறைவடைய உள்ள நிலையில், இந்த ஒரு ஆண்டில் செய்த சாதனைகளை சமூக வலைதளத்தில் வெளியிட திட்டமிடப்பட்டுள்ளது.

13 சிறப்பு ரயில்கள் :

கர்நாடகத்தில் சிக்கியுள்ள தொழிலாளர்கள் சொந்த ஊருக்குச் செல்ல 13 சிறப்பு ரயில்களை இயக்கும்படி ரயில்வே துறையை மாநில அரசு கேட்டுக்கொண்டுள்ளது.

மாவட்டச் செய்திகள்
ஆற்றில் இறங்கும் வைபவம் ரத்து :

மதுரையில் புகழ்பெற்ற அழகர் ஆற்றில் இறங்கும் வைபவம் ரத்து செய்யப்பட்டுள்ள நிலையில் மற்ற நிகழ்வுகள் ஆகம விதிப்படி நடைபெறும் என கோவில் நிர்வாகத்தின் சார்பில் அறிவிக்கப்பட்டுள்ளது.
விளையாட்டுச் செய்திகள்
டென்னிஸ் போட்டி ரத்தாக வாய்ப்பு :

அடுத்த ஆண்டிற்கான ஆஸ்திரேலிய ஓபன் டென்னிஸ் போட்டி ரத்தாக வாய்ப்புள்ளதாக தெரிவிக்கப்பட்டுள்ளது.