Bright Zoom Today News மே 26 மாலை நேரச் செய்திகள்

Bright Zoom Today News
மே 26 மாலை நேரச் செய்திகள்

ஜூன் 8ஆம் தேதி முதல்... முதலமைச்சர் உத்தரவு - முக்கியச் செய்திகள்..!!


உலகச் செய்திகள்
முகாமாக மாற்றம் :

அமெரிக்காவின் வாஷிங்டன் மாகாணத்தின் சியேட்டல் நகரில் உள்ள அமேசான் தலைமையக கட்டிடம் வீடற்றவர்களுக்கு முகாமாக மாற்றப்பட்டுள்ளது.
மாநிலச் செய்திகள்
பணியிட மாற்றம் :

தமிழக காவல்துறையின் சிபிசிஐடி டிஜிபியாக இருந்த ஜாபர் சேட் பணியிட மாற்றம் செய்யப்பட்டு, புதிய டிஜிபியாக பிரதீப் வி பிலிப் நியமிக்கப்பட்டுள்ளார்.

வேளாண்துறை சார்ந்த நிபுணர்கள் எச்சரிக்கை :

வட இந்தியாவில் படையெடுத்துள்ள வெட்டுக்கிளி கூட்டத்தை அழிக்காவிட்டால் கோடிக்கணக்கான ரூபாய் மதிப்புள்ள பயிர்கள் பாதிக்கப்படும் என வேளாண்துறை சார்ந்த நிபுணர்கள் எச்சரித்துள்ளனர்.

தமிழக அரசு உத்தரவு :

தமிழகத்தில் மீன்பிடி தடைக்காலத்தை 61 நாட்களிலிருந்து 47 நாட்களாக குறைத்து தமிழக அரசு உத்தரவிட்டுள்ளது.

பள்ளிக்கல்வி துறையினருடன் முதலமைச்சர் ஆலோசனை :

பத்தாம் வகுப்பு பொதுத்தேர்வுக்கான ஏற்பாடுகள் தொடர்பாக தலைமைச் செயலகத்தில் முதலமைச்சர் எடப்பாடி பழனிசாமி பள்ளிக்கல்வி துறையினருடன் ஆலோசனை நடத்தினார்.

வானிலை ஆய்வு மையம் தெரிவிப்பு :

மதுரை, திருச்சி உள்ளிட்ட 7 மாவட்டங்களில் 104 முதல் 107 டிகிரி ஃபாரன்ஹீட் வரை வெப்பநிலை பதிவாகும் என வானிலை ஆய்வு மையம் தெரிவித்துள்ளது.

4 லட்சம் பேருக்கு அரசு வேலை :

ஆந்திராவில் ஒரே ஆண்டில் 4 லட்சம் பேருக்கு அரசு வேலை வழங்கப்பட்டுள்ளதாக அம்மாநில முதலமைச்சர் ஜெகன் மோகன் ரெட்டி தெரிவித்துள்ளார்.

பெரும் அழிவு :

உத்தரப்பிரதேசம், மத்தியப்பிரதேசம், ராஜஸ்தான் ஆகிய 3 மாநிலங்களில் வெட்டுக்கிளிகளால் விவசாய நிலங்கள் பெரும் அழிவை சந்தித்து வருகின்றன.

42 லட்சம் புலம்பெயர் தொழிலாளர்கள்... :

மே 1ஆம் தேதி முதல் தற்போது வரை 3,276 ஷ்ராமிக் சிறப்பு ரயில்கள் மூலம் 42 லட்சம் புலம்பெயர் தொழிலாளர்கள் தங்கள் சொந்த ஊர்களுக்குத் திரும்பியுள்ளனர்.

பொதுத்தேர்வுகள் நடைபெற்றது :

இன்று கேரளத்தில் 10ஆம் வகுப்பு மற்றும் 12ஆம் வகுப்பு பொதுத்தேர்வுகள் நடைபெற்றது.
மாவட்டச் செய்திகள்
ஜூன் 8ஆம் தேதி முதல் :

கன்னியாகுமரி மாவட்டம், கோதையாறு பாசனத்திற்கு பேச்சிப்பாறை, பெருஞ்சாணி, சித்தாறு 1 மற்றும் 2 அணைகளிலிருந்து ஜூன் 8ஆம் தேதி முதல் பிப்ரவரி மாதம் வரை தண்ணீர் திறக்க முதலமைச்சர் எடப்பாடி பழனிசாமி உத்தரவிட்டுள்ளார்.

மீண்டும் உற்பத்தி தொடங்கியது :

நெல்லை மாவட்டம் கூடங்குளம் அணுமின் நிலைய 2வது உலையில் பழுது நீக்கப்பட்டதால் மீண்டும் உற்பத்தி தொடங்கியுள்ளது.

திமுகவினருக்கு மு.க.ஸ்டாலின் அழைப்பு :

கலைஞர் பிறந்த நாளான ஜூன் 3ஆம் தேதி மக்களுக்கு உதவி செய்யுமாறு திமுகவினருக்கு கட்சியின் தலைவர் மு.க.ஸ்டாலின் அழைப்பு விடுத்துள்ளார்.
விளையாட்டுச் செய்திகள்
விளையாட்டு வீரர்களுக்கு நிதியுதவி :

கேலோ இந்தியா திட்டத்தின் கீழ் தேர்வாகியுள்ள விளையாட்டு வீரர்கள் 2749 பேருக்கு மத்திய அரசு தலா ரூ.30,000 அவர்களது வங்கிக் கணக்கில் செலுத்தியுள்ளது.