Bright Zoom Today News மே 28 காலை நேரச் செய்திகள்

Bright Zoom Today News
மே 28 காலை நேரச் செய்திகள்

நாடு முழுவதும் கொண்டாட முடிவு - முக்கியச் செய்திகள் !


உலகச் செய்திகள்
அண்டை நாடுகளுக்கு அச்சுறுத்தல்... பாகிஸ்தான் பிரதமர் :

இந்தியாவின் விரிவாக்க கொள்கைகள், அண்டை நாடுகளுக்கு அச்சுறுத்தல் அளிப்பவையாக உள்ளன என பாகிஸ்தான் பிரதமர் இம்ரான் கான் கூறியுள்ளார்.

வீரர்களை விண்ணுக்கு அனுப்புவது ஒத்திவைப்பு :

மோசமான வானிலை காரணமாக சர்வதேச விண்வெளி ஆராய்ச்சி மையத்திற்கு நாசா வீரர்களை அனுப்புவது ஒத்திவைக்கப்பட்டு உள்ளது.

இந்தியா கடும் கண்டனம் :

புதிய வரைபடத்தில் இந்தியாவின் சில பகுதிகளை உள்ளடக்கிய நேபாளத்திற்கு இந்தியா கடும் கண்டனத்தை தெரிவித்ததையடுத்து அந்த வரைபடத்தை வெளியிடும் திட்டத்தை அந்நாட்டு அரசு ஒத்திவைத்துள்ளது.
மாநிலச் செய்திகள்
வானிலை ஆய்வு மையம் தெரிவிப்பு :

கேரள கடலோரப் பகுதியில் நாளை (வெள்ளிக்கிழமை) புதிய காற்றழுத்த தாழ்வு பகுதி உருவாக வாய்ப்புள்ளது. இது காற்றழுத்த தாழ்வு மண்டலமாக வலுப்பெறவும், அதன் மூலம் தமிழகத்திற்கு மழை பெய்யவும் வாய்ப்புள்ளதாக வானிலை ஆய்வு மையம் தெரிவித்துள்ளது.

நாடு முழுவதும் கொண்டாட முடிவு :

இரண்டாவது முறை பிரதமராக மோடி பதவியேற்று, வரும் 30ஆம் தேதியுடன் ஓராண்டு நிறைவடைகிறது. இதனை முன்னிட்டு நாடு முழுவதும் கொண்டாட முடிவு செய்யப்பட்டுள்ளது.

இன்றுடன் விடைபெறுகிறது :

தமிழ்நாட்டில் கடந்த ஒருமாதமாக மக்களை வாட்டி வதைத்த கத்திரிவெயில் இன்றுடன் விடைபெறுகிறது. எனவே, அடுத்தடுத்த நாட்களில் வெயில் மற்றும் அனல் காற்றின் தாக்கம் படிப்படியாக குறையும் என எதிர்பார்க்கப்படுகிறது.

ரயில்வே துறை தெரிவிப்பு :

நாடு முழுவதும் கடந்த 26 நாட்களில் 3,543 ரயில்கள் மூலம் சுமார் 48 லட்சம் புலம்பெயர் தொழிலாளர்கள் தங்களின் சொந்த ஊர்களுக்குச் சென்றுள்ளதாக ரயில்வே துறை தெரிவித்துள்ளது.

ஜூன் 15ஆம் தேதி :

தமிழகத்தை பின்பற்றி புதுவையிலும் வரும் ஜூன் 15ஆம் தேதி எஸ்.எஸ்.எல்.சி. தேர்வுகள் தொடங்கவுள்ளன.

ரூ.500 அபராதம் :

ஹரியானாவில் முகக்கவசம் அணியாவிட்டால் ரூ.500 அபராதம் விதிக்கப்படும் என்று அம்மாநில அரசு அறிவித்துள்ளது.

ட்ரோன் உதவியுடன்... பூச்சிக்கொல்லி மருந்து :

ராஜஸ்தானில் வெட்டுக்கிளிகளை அழிக்க ட்ரோன் உதவியுடன் பூச்சிக்கொல்லி மருந்து தெளிக்கப்பட்டு வருகிறது.
மாவட்டச் செய்திகள்
மீண்டும் தொடங்கியது :

சிவகங்கை மாவட்டம் கொந்தகை அகழாய்வு தளத்தில் அகழாய்வு பணிகள் மீண்டும் தொடங்கப்பட்டுள்ளன.
விளையாட்டுச் செய்திகள்
அர்ஜூனா விருது வழங்க பரிந்துரை :

இந்திய பளுதூக்குதல் வீராங்கனையும், முன்னாள் உலக சாம்பியனுமான மீராபாய் சானுக்கு அர்ஜூனா விருது வழங்க பரிந்துரை செய்யப்பட்டுள்ளது.

பயிற்சியை தொடங்கினர் :

இந்திய விளையாட்டு ஆணைய (சாய்) பயிற்சி மையத்தில் இந்திய வீரர், வீராங்கனைகள் நேற்று தங்களது பயிற்சியை தொடங்கினர்.

மேரிகோம் தெரிவிப்பு :

வயது கூடுவதை பற்றி கவலைப்படவில்லை எனவும், அடுத்த ஒலிம்பிக் போட்டியில் தங்கம் வெல்வதே உறுதி எனவும் குத்துச்சண்டை வீராங்கனை மேரிகோம் தெரிவித்துள்ளார்.