Bright Zoom Today News ஜுன் 08 காலை நேரச் செய்திகள்.

Bright Zoom Today News
ஜுன் 08 காலை நேரச் செய்திகள்.

தமிழகம் முழுவதும்... இன்று முதல் - முக்கியச் செய்திகள் !

உலகச் செய்திகள்
உலகளாவிய போராட்டம் :

அமெரிக்காவில் தொடங்கிய இனவெறிக்கு எதிரான போராட்டம் ஐரோப்பிய நாடுகளைத் தாண்டி பிரேசில், ஆஸ்திரேலியா, தென்கொரியா, ஜப்பான் உள்ளிட்ட நாடுகளுக்கும் பரவியுள்ளது.
மாநிலச் செய்திகள்
தமிழகம் முழுவதும்... இன்று முதல் :

தமிழகம் முழுவதும் 75 நாட்களுக்கு பிறகு, இன்று முதல் ஹோட்டல்களில் அமர்ந்து உணவு உண்ண அனுமதி வழங்கப்பட்டுள்ளது.

இரு மாநில அரசுகளும் தெரிவிப்பு :

ஆந்திர-தெலுங்கானா எல்லைகள் இன்று முதல் திறக்கப்பட உள்ளதாக இரு மாநில அரசுகளும் தெரிவித்துள்ளன.

ஆகஸ்ட் 15ஆம் தேதிக்கு பிறகு :

உள்துறை அமைச்சகம் அனுமதித்தால் ஆகஸ்ட் 15ஆம் தேதிக்கு பின்னர் பள்ளிகள் திறக்கப்படும் என்று மனித வள மேம்பாட்டு அமைச்சர் ரமேஷ் பொக்ரியால் அறிவித்துள்ளார்.

பிறநாடுகள் அனுமதி அளித்த பிறகே சர்வதேச விமான சேவை :

வெளிநாட்டு விமானங்கள் நுழைவதற்கு பிறநாடுகள் அனுமதி அளித்த பிறகே சர்வதேச விமான சேவை குறித்து முடிவெடுக்கப்படும் என விமான போக்குவரத்து துறை அமைச்சர் ஹர்தீப் சிங் தெரிவித்துள்ளார்.

கட்டணமின்றி மாணவர் சேர்க்கை :

அசாம் மாநிலத்தில் உள்ள அனைத்து கல்வி நிலையங்களிலும் நடப்பு கல்வியாண்டில் எந்தவித கட்டணமின்றி மாணவர் சேர்க்கை நடைபெறும் என அறிவிக்கப்பட்டுள்ளது.

70 நாட்களுக்கு பிறகு :

புதுச்சேரி மாநிலத்தில் 70 நாட்களுக்கு பிறகு வழிபாட்டு தலங்கள் திறக்கப்பட்டுள்ளது.

திருப்பதியில் இன்றும், நாளையும்... :

திருப்பதி ஏழுமலையான் கோவில் பல்வேறு கட்டுப்பாடுகளுடன் தரிசனத்திற்காக திறக்கப்பட்டுள்ளது. திருப்பதி கோவிலில் இன்றும், நாளையும் ஊழியர்கள் தரிசனத்திற்கு அனுமதிக்கப்படுவார்கள். மேலும் வருகின்ற ஜூன் 10ஆம் தேதி உள்;ர் பக்தர்களும், ஜூலை 11ஆம் தேதி வெளியூர் பக்தர்களும் அனுமதிக்கப்படுவார்கள் என தெரிவிக்கப்பட்டுள்ளது.

இன்று முதல் திறப்பு :

கர்நாடகத்தில் 75 நாட்களுக்கு பிறகு இன்று முதல் கோவில்கள், ஹோட்டல்கள், மால்கள், விடுதிகள் திறக்கப்பட்டன.
மாவட்டச் செய்திகள்
சிறப்பு பேருந்துகள் ஏற்பாடு :

காஞ்சிபுரம் மாவட்டத்தில் நடைபெறவுள்ள பத்தாம் வகுப்பு-மேல்நிலை முதலாமாண்டு-இரண்டாமாண்டு பொதுத்தேர்விற்கான சிறப்பு பேருந்துகள் ஏற்பாடு செய்யப்பட்டுள்ளது என மாவட்ட கலெக்டர் பொன்னையா தெரிவித்துள்ளார்.

48 விமானங்கள் இயக்கம் :

சென்னை விமான நிலையத்திலிருந்து நேற்று வருகை, புறப்பாடு என 48 உள்நாட்டு விமானங்கள் இயக்கப்பட்டன.
விளையாட்டுச் செய்திகள்
பிரிமியர் லீக் கால்பந்து :

லண்டனில் நடந்த பிரிமியர் லீக் கால்பந்து தொடருக்கான நட்பு ரீதியிலான போட்டியில் ஆர்செனல் அணி 6-0 என்ற கோல் கணக்கில் சார்ல்டன் அத்லெடிக் அணியை எளிதாக வீழ்த்தியது.

ஐக்கிய அரபு அமீரகம் அறிவிப்பு :

ஐ.பி.எல். கிரிக்கெட் போட்டியை நடத்த தயாராக உள்ளதாக, ஐக்கிய அரபு அமீரகம் அறிவித்துள்ளது.