Bright Zoom Today News ஜுன் 08 மாலை நேரச் செய்திகள்

Bright Zoom Today News
ஜுன் 08 மாலை நேரச் செய்திகள்

தமிழகத்தில் அடுத்த 48 மணி நேரத்தில் - முக்கியச் செய்திகள் !

உலகச் செய்திகள்
இந்திய தூதராக மோனிகா கபில் நியமனம் :

சுவிட்சர்லாந்து நாட்டுக்கான இந்திய தூதராக மோனிகா கபில் மோஹ்தா நியமனம் செய்யப்பட்டு உள்ளார்.

உலக வானிலை ஆய்வு மையம் பாராட்டு :

ஆம்பன் புயல் ஏற்பட்ட நேரத்தில் துல்லியமான தகவலை கணித்து வழங்கிய இந்திய வானிலை ஆய்வு மையத்திற்கு உலக வானிலை ஆய்வு மையம் பாராட்டு தெரிவித்துள்ளது.
மாநிலச் செய்திகள்
அடுத்த 48 மணி நேரத்தில்... :

தென்மேற்கு பருவக்காற்று மற்றும் வெப்பச்சலனம் காரணமாக, தமிழகத்தில் அடுத்த 48 மணி நேரத்தில் மழைக்கு வாய்ப்பிருப்பதாக சென்னை வானிலை ஆய்வு மையம் தெரிவித்துள்ளது.

யானை இறப்பு தற்செயலான ஒன்று-மத்திய வனம் மற்றும் சுற்றுச்சூழல் அமைச்சகம் :

கேரளாவில், வெடிமருந்து வைக்கப்பட்ட அன்னாசிப்பழத்தை விழுங்கி யானை உயிரிழந்த சம்பவம், தற்செயலான ஒன்று என மத்திய வனம் மற்றும் சுற்றுச்சூழல் அமைச்சகம் தெரிவித்துள்ளது.

போக்குவரத்து நெரிசல் :

மும்பையில் தனியார் நிறுவனங்கள் செயல்படத் தொடங்கியதை அடுத்து சாலைகளில் போக்குவரத்து நெரிசல் அதிகரித்துள்ளது.

தமிழக அரசு அனுமதி :

பத்திரப்பதிவுக்காக வழங்கப்படும் டோக்கனை, மாவட்டம் விட்டு மாவட்டம் செல்வதற்கான இ-பாஸ் ஆக பயன்படுத்திக் கொள்ள தமிழக அரசு அனுமதி அளித்துள்ளது.

அரசாணையை வெளியிட்டது தமிழக அரசு :

தமிழகத்தில் அரசு ஊழியர்கள், ஆசிரியர்களின் ஓய்வுபெறும் வயதை 59-ஆக உயர்த்தியதற்கான அரசாணையை தமிழக அரசு வெளியிட்டுள்ளது.

வழிமுறைகளை வெளியிட்டது தமிழக அரசு :

தமிழகத்தில் வணிக நிறுவனங்கள், கடைகள் பின்பற்ற வேண்டிய வழிகாட்டி நெறிமுறைகளை தமிழக அரசின் தலைமை செயலாளர் சண்முகம் வெளியிட்டுள்ளார்.

அமைச்சர் ராஜ்நாத் சிங் ஆலோசனை :

டெல்லியில் முப்படை தலைமை தளபதி பிபின் ராவத் மற்றும் முப்படை தளபதிகளுடன் பாதுகாப்புத்துறை அமைச்சர் ராஜ்நாத் சிங் ஆலோசனை நடத்தினார்.
மாவட்டச் செய்திகள்
தங்கத்தின் விலை சவரனுக்கு ரூ.96 உயர்வு :

சென்னையில் ஆபரணத் தங்கத்தின் விலை சவரனுக்கு ரூ.96 உயர்ந்துள்ளது. ஆபரணத் தங்கம் ஒரு கிராம் ரூ.4,447க்கும், சவரன் ரூ.35,576க்கும் விற்பனையாகி வருகிறது.
விளையாட்டுச் செய்திகள்
முன்னாள் வீரர் பிரெஸ்னன் தெரிவிப்பு :

இந்திய கிரிக்கெட் ஜாம்பவான் சச்சின் டெண்டுல்கரை ஓவல் மைதானத்தில் அவுட்டாக்கும்போது, தனக்கு கொலை மிரட்டல் வந்ததாக முன்னாள் வீரர் பிரெஸ்னன் தெரிவித்துள்ளார்.