Bright Zoom Today News. ஜுன் 11 மாலை நேரச் செய்திகள்

Bright Zoom Today News.
ஜுன் 11 மாலை நேரச் செய்திகள்

நாளை மாலைக்குள்...  பள்ளி கல்வி இயக்குநர் உத்தரவு - முக்கியச் செய்திகள் !

உலகச் செய்திகள்
இஸ்ரோ தலைவர் சிவன் தெரிவிப்பு:

விண்ணுக்கு மனிதர்களை அனுப்பும் ககன்யான் திட்டத்தின் முன்னோட்டமாக ஆளில்லா விண்கலத்தை விண்ணுக்கு அனுப்பும் திட்டம் ஒத்திவைக்கப்பட்டுள்ளது என இஸ்ரோ தலைவர் சிவன் தெரிவித்துள்ளார்.

மாநிலச் செய்திகள்
பள்ளி கல்வி இயக்குநர் உத்தரவு:

10ஆம் வகுப்பு பொதுத்தேர்வு எழுதவிருந்த அரசு மற்றும் அரசு உதவிபெறும் பள்ளி, தனியார் பள்ளி மாணவர்களின் வருகை பதிவேட்டை நாளை மாலைக்குள் மாவட்ட கல்வி அலுவலர்களிடம் ஒப்படைக்க பள்ளி கல்வி இயக்குநர் உத்தரவிட்டுள்ளார்.

தேர்வுத்துறை உத்தரவு:

10ஆம் வகுப்பு மாணவர்களுக்கு மதிப்பெண் வழங்க காலாண்டு, அரையாண்டு மதிப்பெண்கள், வருகைப் பதிவேடு உள்ளிட்ட விவரங்களை அனைத்து பள்ளிகளும் தயார் நிலையில் வைத்திருக்க தேர்வுத்துறை உத்தரவிட்டுள்ளது.

முதல்வர் ஜெகன்மோகன் ரெட்டி அறிவிப்பு:

ஆந்திராவில் சலவைத் தொழிலாளிகள், சலூன் கடைக்காரர்கள் மற்றும் தையற்காரர்களுக்கு தலா ரூ.10,000 வழங்க முதல்வர் ஜெகன்மோகன் ரெட்டி உத்தரவிட்டுள்ளார்.

இலவச வகுப்புகள்:

நவம்பர் மாதம் நடக்க உள்ள சிஏ பவுண்டேஷன் தேர்வுக்கான இலவச வகுப்புகளை தமிழக பள்ளிக்கல்வித்துறை தொடங்கியுள்ளது.

அரசு அனுமதிக்க வேண்டும்:

காய்கறி மார்க்கெட், வணிக வளாகம், திருமண மண்டபங்களை திறக்க அரசு அனுமதிக்க வேண்டும் என்று வணிகர் சங்க பேரமைப்பு தலைவர் விக்கிரமராஜா கூறியுள்ளார்.

மத்திய அரசு முடிவு:

ஹைட்ராக்ஸிகுளோரோகுயின் மாத்திரைகள் ஏற்றுமதி மீதான தடையை நீக்க மத்திய அரசு முடிவு செய்துள்ளது.

பக்தர்களுக்கு அனுமதியில்லை:

மாதாந்திர பூஜைக்காக வரும் 14ஆம் தேதி சபரிமலை திறக்கப்படும் போது பக்தர்களுக்கு அனுமதியில்லை என்று அமைச்சர் கடகம்பள்ளி சுரேந்திரன் அறிவித்துள்ளார்.

விரைவில் அறிவிப்பு வெளியிடப்படும்:

ஊர் பெயர் மாற்றம் செய்யப்பட்டதில் உள்ள குழப்பம் சரிசெய்யப்பட்டு விரைவில் அறிவிப்பு வெளியிடப்படும் என அமைச்சர் மாஃபா பாண்டியராஜன் தெரிவித்துள்ளார்.

மாவட்டச் செய்திகள்
ஈரடுக்கு மேம்பாலம் திறப்பு:

சேலத்தில் ரூ.441 கோடி செலவில் கட்டுப்பட்டுள்ள ஈரடுக்கு மேம்பாலத்தை இன்று முதல்வர் எடப்பாடி பழனிசாமி திறந்து வைத்தார்.
விளையாட்டுச் செய்திகள்
ஜேம்ஸ் ஆண்டர்சன் வெளிப்புற மைதானத்தில் பயிற்சி:

முதன்முறையாக இங்கிலாந்து அணியின் வேகப்பந்து வீச்சாளர் ஜேம்ஸ் ஆண்டர்சன் வெளிப்புற மைதானத்தில் பயிற்சியை மேற்கொண்டுள்ளார்.

சச்சின் ஆலோசனை:

டெஸ்ட் கிரிக்கெட் போட்டியில் பந்தை பளபளப்பாக்க எச்சில் பயன்படுத்த தடை விதிக்கப்பட்டுள்ளதால் சச்சின், ஒவ்வொரு 45 முதல் 50 ஓவர்கள் முடிந்ததும் பந்தை மாற்ற வேண்டும் என்று புதிய ஆலோசனையை வழங்கியுளனர்.