Bright Zoom Today News ஜுன் 12 மாலை நேரச் செய்திகள்

Bright Zoom Today News
ஜுன் 12 மாலை நேரச் செய்திகள்

கட்டணம் செலுத்த பெற்றோரை நிர்பந்திக்கக்கூடாது.. மீறினால் அதிரடி உத்தரவு - செய்திகள் !

உலகச் செய்திகள்
பதற்றத்தை தணிக்க இருநாடுகளும் நடவடிக்கை:

லடாக் எல்லையில் பதற்றத்தை தணிக்கும் நடவடிக்கைகளை சீனாவும், இந்தியாவும் எடுத்து வருவதாக சீன வெளியுறவு அமைச்சகம் தெரிவித்துள்ளது.

10,000 பார்வையாளர்கள் வரை அனுமதி:

ஆஸ்திரேலியாவில் விளையாட்டு போட்டிகளை காண சிறிய அரங்குகளில் 10,000 பார்வையாளர்கள் வரை அனுமதிக்கப்படுவர் என்று பிரதமர் ஸ்காட் மோரிசன் அறிவித்துள்ளார்.

வருகிற 18ஆம் தேதி பேச்சுவார்த்தை:

வெட்டுக்கிளி பிரச்சனையை எதிர்கொள்வது தொடர்பாக இந்தியா-பாகிஸ்தான் இடையே வருகிற 18ஆம் தேதி பேச்சுவார்த்தை நடக்க இருக்கிறது. தொழிநுட்ப ரீதியான நடவடிக்கைகள் குறித்த பேச்சுக்கு வெளியுறவுத்துறை அமைச்சகம் திட்டமிட்டுள்ளது.

மாநிலச் செய்திகள்
அடுத்த 24 மணி நேரத்தில்:

தமிழகம், புதுச்சேரியில் தென்மேற்குப் பருவக்காற்றால் அடுத்த 24 மணி நேரத்தில் ஒருசில மாவட்டங்களில் மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

பள்ளிகளின் மீது நடவடிக்கை:

ஆன்லைன் வகுப்புகள் நடத்துவதற்கு கட்டணம் செலுத்த பெற்றோரை நிர்பந்திக்கக்கூடாது எனவும், கட்டணம் செலுத்த சொல்லி நிர்ப்பந்திக்கும் தனியார் பள்ளிகளின் மீது நடவடிக்கை எடுக்கப்படும் எனவும் தமிழ்நாடு மெட்ரிகுலேஷன் பள்ளிகள் இயக்குநர் கருப்பசாமி அதிரடி உத்தரவு பிறப்பித்துள்ளார்.

தமிழகத்தில் இன்று முதல்:

தமிழகத்தில் இன்று முதல் திருச்சி-செங்கல்பட்டு, அரக்கோணம்-கோவை ஆகிய இரண்டு வழித்தடங்களில் 3 சிறப்பு பயணிகள் ரயில்கள் இயக்கப்பட்டன.

உள்;ர் பக்தர்களுக்கு மட்டும் அனுமதி:

உத்தரகாண்ட் மாநிலத்தில் உள்ள புகழ்பெற்ற பத்ரிநாத் கோவிலில் உள்;ர் பக்தர்களுக்கு மட்டும் அனுமதி அளிக்கப்பட்டுள்ளது.

1,523 கோடி ரூபாய் திரட்ட திட்டம்:

பாரத ஸ்டேட் வங்கி, எஸ்பிஐ லைஃப் நிறுவனத்தில் அதற்குள்ள பங்குகளில் ஒருபகுதியை விற்று 1,523 கோடி ரூபாய் திரட்டத் திட்டமிட்டுள்ளது.

தமிழக சுகாதாரத்துறை செயலாளர் பீலா ராஜேஷ் மாற்றம்:

சுகாதாரத்துறை செயலாளர் பொறுப்பில் இருந்து பீலா ராஜேஷ் திடீரென மாற்றப்பட்டுள்ளார். அவருக்குப் பதிலாக வருவாய் நிர்வாக ஆணையர் ராதாகிருஷ்ணன் புதிய சுகாதாரத்துறை செயலாளராக நியமிக்கப்பட்டுள்ளார்.

முதல்வருடன் ஆலோசித்து முடிவு எடுக்கப்படும்:

கல்லூரி தேர்வுகளை ரத்து செய்வது குறித்து முதல்வருடன் ஆலோசித்து முடிவு எடுக்கப்படும் என உயர்கல்வித்துறை அமைச்சர் கே.பி.அன்பழகன் கூறியுள்ளார்.
மாவட்டச் செய்திகள்
ஒப்பந்த ஊழியர்கள் போராட்டம்:

3 மாதமாக ஊதியம் வழங்கப்படாததை கண்டித்து பெருந்துறை அரசு மருத்துவக் கல்லூரி மருத்துவமனையில் ஒப்பந்த ஊழியர்கள் இன்று போராட்டம் நடத்தினார்கள்.

விளையாட்டுச் செய்திகள்
பிசிசிஐ தெரிவிப்பு:

இலங்கை மற்றும் ஜிம்பாப்வே தொடர்களில் இந்திய அணி பங்கேற்காது என பிசிசிஐ தெரிவித்துள்ளது.