Bright Zoom Today News ஜுன் 16 காலை நேரச் செய்திகள்

Bright Zoom Today News
ஜுன் 16 காலை நேரச் செய்திகள்

அனைத்து மாநில முதல்வர்களுடன்... இன்று பிரதமர் ஆலோசனை - முக்கியச் செய்திகள் !

உலகச் செய்திகள்
நேபாளம் ஒப்புதல்:

எல்லையில் கூடுதலாக 100 எல்லை பாதுகாப்பு புறக்காவல் நிலையங்களை அமைக்க நேபாளம் ஒப்புதல் அளித்து உள்ளது.

ஆஸ்கார் விருது வழங்கும் விழா தள்ளிவைப்பு:

அடுத்த ஆண்டு பிப்ரவரி மாதம் நடைபெற இருந்த ஆஸ்கர் நிகழ்ச்சிகள் இரண்டு மாதங்கள் தள்ளி வைக்கப்பட்டுள்ளது.

மாநிலச் செய்திகள்
ரூ.1000 நிவாரணம்:

அடையாள அட்டை வைத்திருக்கும் 13.35 லட்சம் மாற்றுத்திறனாளிகளுக்கு தலா ரூ.1000 நிவாரணம் வழங்கப்படும் என்று தமிழக முதல்வர் எடப்பாடி பழனிசாமி அறிவித்துள்ளார்.

பிரதமர் நரேந்திர மோடி ஆலோசனை:

அனைத்து மாநில முதல்வர்கள் மற்றும் துணை நிலை கவர்னர்களுடன் இன்றும் (ஜூன் 16), நாளையும் (ஜூன் 17) பிரதமர் நரேந்திர மோடி ஆலோசனை நடத்தவுள்ளார்.

வரும் 19ஆம் தேதி முதல்:

சமீபத்தில் துவங்கிய சின்னத்திரை படப்பிடிப்பு வரும் 19ஆம் தேதி முதல் மீண்டும் நிறுத்தி வைக்கப்படுவதாக, பெப்சி நிறுவனம் அறிவித்துள்ளது.

வரும் 21ஆம் தேதி... தரிசனம் ரத்து :

திருமலை ஏழுமலையான் கோவிலில் வரும் 21ஆம் தேதி சூரிய கிரகணம் அன்று, பக்தர்களுக்கு தரிசனம் ரத்து செய்யப்பட உள்ளதாக, தேவஸ்தானம் தெரிவித்துள்ளது.

தமிழக அரசு வெளியீடு:

கைத்தறி மற்றும் நெசவாளர்களுக்கு தலா ரூ.2,000 வழங்குவதற்கான அரசாணையை தமிழக அரசு வெளியிட்டது.

ஜூலை 1ஆம் தேதி முதல்:

மகாராஷ்டிராவில் ஜூலை 1ஆம் தேதி முதல் 9, 10 மற்றும் 12ஆம் வகுப்பு மாணவர்களுக்கு பள்ளிகள் தொடங்கப்படும் என மாநில அரசு அறிவித்துள்ளது.

ஸ்மார்ட் சிட்டி திட்டம்:

புதுச்சேரி ஸ்மார்ட் சிட்டி திட்டத்தின் கீழ் 11 திட்டப்பணிகளை 6 மாதத்திற்குள் முடிக்க வேண்டும் என்று அதிகாரிகளுக்கு அமைச்சர் நமச்சிவாயம் உத்தரவிட்டுள்ளார்.

அவசரகால கடன்... ரூ.3 லட்சம் கோடி:

பொது முடக்கத்தால் பாதிக்கப்பட்டுள்ள சிறு, குறு, நடுத்தர தொழில் நிறுவனங்களுக்கு அவசரகால கடனுதவியாக ரூ.3 லட்சம் கோடி கிடைப்பதை உறுதி செய்யுமாறு தனியார் வங்கிகளை மத்திய நிதியமைச்சர் நிர்மலா சீதாராமன் வலியுறுத்தியுள்ளார்.

ஆசிரியர்கள் ஆர்வம்:

பள்ளிக்கல்வித்துறை சார்பில் ஜூன் 22ஆம் தேதி முதல் 10 நாட்கள் இணைய வழியில் நடைபெறவுள்ள கணிதப் பயிற்சியில் பங்கேற்க அரசுப்பள்ளி ஆசிரியர்கள் ஆர்வமுடன் விண்ணப்பித்து வருகின்றனர்.

மாவட்டச் செய்திகள்
தெற்கு ரயில்வே அறிவிப்பு:

திருச்சி-செங்கல்பட்டு இடையிலான ரயில் சேவை நேரத்தில் மாற்றம் செய்து தெற்கு ரயில்வே அறிவிப்பு வெளியிட்டுள்ளது.

1,500 மருத்துவர்கள் அவசரமாக அழைப்பு:

மருத்துவர்களுக்கு பற்றாக்குறை ஏற்பட்டுள்ளதால், வெளிமாவட்டங்களில் இருந்து சென்னைக்கு 1,500 மருத்துவர்கள் அவசரமாக அழைக்கப்பட்டுள்ளனர்.
விளையாட்டுச் செய்திகள்
லா லிகா கால்பந்து போட்டி:

லா லிகா கால்பந்து போட்டியின் லீக் ஆட்டத்தில் ரியல் மாட்ரிட் அணி 3-1 என்ற கோல் கணக்கில் வெற்றி பெற்றது.

வாசிம் ஜாபர் வலியுறுத்தல்:

இந்த சீசனுக்கான துலீப், தியோதர் கோப்பை கிரிக்கெட் போட்டிகளை ரத்து செய்ய வேண்டும் என்று இந்திய கிரிக்கெட் அணியின் முன்னாள் வீரர் வாசிம் ஜாபர் வலியுறுத்தி உள்ளார்.