Bright Zoom Today News ஜுன் 16 மாலை நேரச் செய்திகள்

Bright Zoom Today News
ஜுன் 16 மாலை நேரச் செய்திகள்

நிவாரண பணம் வீடு தேடி... தமிழக முதல்வர் அறிவிப்பு - முக்கியச் செய்திகள்..!!

உலகச் செய்திகள்
எல்லை மோதல்:

லடாக் எல்லையில் ஏற்கனவே ஒப்புக்கொண்டபடி இந்தியா அங்கு தனது படைகளை கட்டுப்படுத்த வேண்டும் எனவும், எல்லையை கடந்து வந்து ஒருதலைப்பட்சமான நடவடிக்கைகளில் ஈடுபடக்கூடாது எனவும் சீனா கேட்டுக் கொண்டுள்ளது.

மாநிலச் செய்திகள்
மழைக்கு வாய்ப்பு:

தமிழகத்தில் அடுத்த 48 மணி நேரத்திற்கு மேற்கு தொடர்ச்சி மலையையொட்டிய மாவட்டங்களில் லேசான மழை பெய்யக்கூடும் என சென்னை வானிலை ஆய்வு மையம் தெரிவித்துள்ளது.

பாதுகாப்பு அமைச்சகம் தெரிவிப்பு:

லடாக் எல்லையில் உள்ள கால்வான் பள்ளத்தாக்கில் இந்திய-சீனா இடையே நடந்த மோதலில் இருதரப்பிலும் உயிரிழப்பு ஏற்பட்டுள்ளதாக பாதுகாப்பு அமைச்சகம் தெரிவித்துள்ளது. இந்திய ராணுவ அதிகாரி ஒருவரும், ராணுவ வீரர்கள் 2 பேரும் இந்த மோதலில் வீர மரணம் அடைந்துள்ளதாக, பாதுகாப்புத்துறை அமைச்சகம் கூறியுள்ளது.

முதல்வர் அறிவிப்பு:

தமிழகத்தில் மீண்டும் பொதுமுடக்கம் அமலுக்கு வர உள்ள சென்னை உள்ளிட்ட பகுதிகளில் நிவாரண பணம் நேரடியாக வீடுகளில் விநியோகிக்கப்படும் என முதலமைச்சர் தெரிவித்துள்ளார்.

இறுதி ஆண்டு தேர்வு ரத்து:

புதுச்சேரி பல்கலைக்கழக இறுதி ஆண்டு தேர்வு ரத்து செய்யப்டுவதாக அறிவிப்பு வெளியாகியுள்ளது. செய்முறை தேர்வுகள் மற்றும் உள்மதிப்பீட்டின் அடிப்படையில் மதிப்பெண்கள் வழங்கப்படும் என அறிவிக்கப்பட்டுள்ளது.

பிரதமர் மோடி இரங்கல் :

இந்திய-சீன எல்லையில் நடந்த தாக்குதலில் 3 இந்திய ராணுவ வீரர்கள் உயிரிழந்ததற்கு பிரதமர் மோடி இரங்கல் தெரிவித்துள்ளார்.

வாகன சோதனை தீவிரம்:

தமிழகத்தையொட்டிய கர்நாடக எல்லையில் வாகனங்களின் மீதான சோதனை மீண்டும் கடுமையாக்கப்பட்டுள்ளது.

முப்படை தளபதிகளுடன் ஆலோசனை:

சீன ராணுவத்தின் தாக்குதலில் இந்திய வீரர்கள் 3 பேர் பலியானதை தொடர்ந்து பாதுகாப்பு அமைச்சர் ராஜ்நாத்சிங், முப்படைகளின் தலைமை தளபதி மற்றும் முப்படை தளபதிகளுடன் ஆலோசனை நடத்தினார்.

பயணம் ரத்து:

லடாக்கில் ஏற்பட்ட பிரச்சனையால் ராணுவ தளபதி முகுந்த் நரவானேவின் பதான்கோட் பயணம் ரத்து செய்யப்பட்டது.

மாவட்டச் செய்திகள்
கல்லணையிலிருந்து நீர் திறப்பு:

தஞ்சை மாவட்டத்தில் குறுவை சாகுபடிக்காக காவிரி டெல்டா மாவட்டங்களுக்கு கல்லணையிலிருந்து நீர் திறக்கப்பட்டுள்ளது.

நாளை முதல்:

தென்காசியில் நாளை முதல் கடைகளில் விற்பனை நேரம் குறைக்கப்பட்டுள்ளது. காலை 7 மணி முதல் மாலை 6 மணி வரை கடைகள் திறந்திருக்கும் என வர்த்தக சங்கம் அறிவித்துள்ளது.

பக்தர்கள் கலந்து கொள்ள அனுமதி கிடையாது:

உலக பிரசித்தி பெற்ற சிதம்பரம் நடராஜர் கோவிலில் ஆனி திருமஞ்சன விழா வருகின்ற 19ஆம் தேதி கொடியேற்றத்துடன் தொடங்கவுள்ளது. இந்த விழாவில் பக்தர்கள் கலந்து கொள்ள அனுமதி கிடையாது என அறிவிக்கப்பட்டுள்ளது.
விளையாட்டுச் செய்திகள்
சிறந்த பந்து வீச்சாளர்:

சொந்த மண்ணில் விளையாடும்போது அஸ்வினை விட சிறந்த பந்து வீச்சாளர் யாரும் இல்லை என பாகிஸ்தான் முன்னாள் வீரர் சக்லைன் முஷ்டாக் தெரிவித்துள்ளார்.