Bright Zoom Today News ஜுன் 25 மாலை நேரச் செய்திகள்

Bright Zoom Today News
ஜுன் 25 மாலை நேரச் செய்திகள்

ரூ.1,000 நிவாரணம் வழங்க... தமிழக அரசு அரசாணை வெளியீடு
 - செய்திகள் !

உலகச் செய்திகள்
மோட்டார் சைக்கிள்கள் பயன்பாட்டிற்;கு தடை:

ஆஸ்திரிய தலைநகரும், கேடிஎம் மோட்டார் சைக்கிள் தலைமையகம் அமைந்துள்ள பகுதியுமான வியன்னாவில் சுற்றுச்சூழலை பாதுகாக்கும் வகையில் மோட்டார் சைக்கிள்கள் பயன்பாட்டிற்கு தடை விதிக்க முடிவு செய்யப்பட்டுள்ளது.

மாநிலச் செய்திகள்
கனமழைக்கு வாய்ப்பு:

தமிழகத்தில் திருநெல்வேலி, தென்காசி, தேனி, கிருஷ்ணகிரி, தருமபுரி, சேலம், கடலூர், நாகை, தஞ்சாவூர், திருவாரூர் மற்றும் புதுக்கோட்டை ஆகிய மாவட்டங்களில் கனமழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

தமிழக அரசு அரசாணை வெளியீடு:

மதுரையில் 5,39,331 குடும்பங்களுக்கு தலா ரூ.1,000 நிவாரணம் வழங்க ரூ.53.93 கோடி நிதி ஒதுக்கீடு செய்யப்பட்டுள்ளதாக தமிழக அரசு அரசாணை வெளியிட்டுள்ளது.

சி.பி.எஸ்.இ அறிவிப்பு:

10 மற்றும் 12ஆம் வகுப்புகளுக்கு எஞ்சியுள்ள தேர்வுகளை ரத்து செய்வதாக சி.பி.எஸ்.இ அறிவித்துள்ளது.

இஸ்ரோ தலைவர் சிவன் தெரிவிப்பு:

ராக்கெட்டுகள், செயற்கைக்கோள்களை தயாரிப்பது மற்றும் ஏவுதல் போன்ற விண்வெளித்துறை செயல்பாடுகளில் இனி தனியார் துறை அனுமதிக்கப்படும் என இஸ்ரோ தலைவர் சிவன் தெரிவித்துள்ளார்.

ஐ.சி.எஸ்.இ. தேர்வுகள் ரத்து:

சி.பி.எஸ்.இ. பொது தேர்வுகளை தொடர்ந்து ஐ.சி.எஸ்.இ. தேர்வுகளும் ரத்து செய்யப்படுவதாக அறிவிக்கப்பட்டுள்ளது. சி.பி.எஸ்.இ. மாணவர்களின் தேர்ச்சி அடிப்படையில் தங்கள் மாணவர்களும் தேர்ச்சி பெறுவார்கள் என ஐ.சி.எஸ்.இ. அறிவித்துள்ளது.

நாளை காலை 7 மணி முதல் 11 மணி வரை:

தமிழகத்தில் நாளை காலை 7 மணி முதல் 11 மணி வரை மருந்து கடைகள் மூடப்படும் என மருந்து வணிகர்கள் சங்கம் அறிவித்துள்ளது.

பிரதமருக்கு முதல்வர் நாராயணசாமி கடிதம்:

பெட்ரோல், டீசல் விலை உயர்வை திரும்ப பெற வலியுறுத்தி பிரதமர் மோடிக்கு புதுச்சேரி முதல்வர் நாராயணசாமி கடிதம் எழுதியுள்ளார்.

3,000 பக்தர்களுக்கு அனுமதி:

திருப்பதி ஏழுமலையான் கோவிலில் நாளை முதல் நாளொன்றுக்கு மேலும் 3,000 பக்தர்களுக்கு அனுமதி அளிக்கப்படும் என தேவஸ்தானம் தெரிவித்துள்ளது.

ரத்தவங்கி செயலி அறிமுகம்:

செஞ்சிலுவை சங்கத்தின் இ-பிளட் சர்வீசஸ் செயலியை மத்திய சுகாதார அமைச்சர் ஹர்ஷ வர்தன் இன்று துவக்கி வைத்தார்.

ஹோட்டல் சங்கம் அதிரடி முடிவு:

டெல்லியில் இனிமேல் சீன நாட்டவருக்கு தங்கும் விடுதிகளில் அறை வழங்கப்பட மாட்டாது என டெல்லி ஹோட்டல் மற்றும் ரெஸ்டாரன்ட் உரிமையாளர்கள் சங்கம் அறிவித்துள்ளது.

மாவட்டச் செய்திகள்
தங்கம் விலை:

சென்னையில் ஆபரணத் தங்கத்தின் விலை சவரன் ரூ.384 குறைந்து ரூ.36,888-க்கு விற்பனையாகிறது.

சென்னை மாநகராட்சி ஆணையர் பேட்டி:

சென்னையில் வீடு வீடாக சென்று மக்கள் உடல்நிலையை ஆய்வு செய்வது தொடர்கிறது என மாநகராட்சி ஆணையர் பிரகாஷ் கூறியுள்ளார்.

விளையாட்டுச் செய்திகள்
லா லிகா கால்பந்து போட்டி:

லா லிகா கால்பந்து போட்டியில் பார்சிலோனா அணி 68 புள்ளிகள் பெற்று புள்ளிப்பட்டியலில் மீண்டும் முதலிடத்திற்கு முன்னேறியுள்ளது.