Bright Zoom Today News ஜுன் 29 மாலை நேரச் செய்திகள்

Bright Zoom Today News
ஜுன் 29 மாலை நேரச் செய்திகள்

இ-பாஸ் இல்லாமல்... தமிழகத்திற்குள் அனுமதி இல்லை - முக்கியச் செய்திகள் !

உலகச் செய்திகள்
டோக்கியோவில் ஆர்ப்பாட்டம்:

சீனாவில் அதிபர் ஷி ஜின் பிங்கை மாற்றி விட்டு, ஜனநாயக முறைப்படி புதிய தலைவரை தேர்ந்தெடுக்க வலியுறுத்தி மனித உரிமை அமைப்புகள் டோக்கியோவில் ஆர்ப்பாட்டம் நடத்தின.

மாநிலச் செய்திகள்
தமிழகத்திற்குள் அனுமதி இல்லை:

இ-பாஸ் இல்லாமல் கர்நாடகாவிலிருந்து நடந்து வருவோர் தமிழகத்திற்குள் அனுமதிக்கப்படமாட்டார்கள் என்று சிறப்பு அதிகாரி பீலா ராஜேஷ் தெரிவித்துள்ளார்.

மழை பெய்ய வாய்ப்பு:

தமிழகத்தில் வெப்பச்சலனம் மற்றும் வளிமண்டல மேலடுக்கு சுழற்சி காரணமாக சேலம், தருமபுரி, கிருஷ்ணகிரி, வேலூர், விழுப்புரம் மற்றும் திருவண்ணாமலை ஆகிய 6 மாவட்டங்களின் ஓரிரு இடங்களில் இடியுடன் கூடிய கனமழை பெய்யக்கூடும் என சென்னை வானிலை ஆய்வு மையம் தெரிவித்துள்ளது.

மீனவர்கள் மீன்பிடிக்க செல்ல வேண்டாம்:

தென்கிழக்கு, மத்திய கிழக்கு அரபிக்கடல், கேரளா, கர்நாடகா மற்றும் லட்சத்தீவு பகுதிகளில் சூறாவளி காற்று வீசும் என்றும், இந்த பகுதிகளில் மீனவர்கள் மீன்பிடிக்க செல்ல வேண்டாம் என்றும் சென்னை வானிலை ஆய்வு மையம் கூறியுள்ளது.

ஜூலை 31ஆம் தேதி வரை:

மேற்கு வங்கம், ஜார்க்கண்ட், மணிப்பூரில் பொதுமுடக்கம் நீட்டிக்கப்பட்டதை தொடர்ந்து மகாராஷ்டிராவில் ஜூலை 31ஆம் தேதி வரை பொதுமுடக்கம் நீட்டிக்கப்பட்டுள்ளது.

பீகார் மாநில அரசு அதிரடி நடவடிக்கை:

சீன நிறுவனங்களுடன் செய்யப்பட்ட ரூ.2,900 கோடி மதிப்பிலான ஒப்பந்தத்தை பீகார் மாநில அரசு ரத்து செய்து அறிவித்துள்ளது.

மத்திய அரசு அனுமதி:

மாதத்திற்கு 50 லட்சம் தனிநபர் பாதுகாப்பு கவசங்களை ஏற்றுமதி செய்ய மத்திய அரசு அனுமதி அளித்துள்ளது.

பிளாஸ்மா வங்கி தொடக்கம்:

டெல்லியில் முதன்முறையாக பிளாஸ்மா வங்கியை உருவாக்க உள்ளதாக முதல்வர் அரவிந்த் கெஜ்ரிவால் அறிவித்துள்ளார்.

மாவட்டச் செய்திகள்
ஆய்வு செய்ய உத்தரவு:

வேடந்தாங்கல் பறவைகள் சரணாலயத்தின் அருகே இயங்கும் மருந்து நிறுவனத்தால் நீர் நிலைகளில் மாசு ஏற்படுகிறதா? என ஆய்வு செய்து அறிக்கை தாக்கல் செய்ய குழு அமைத்து தென்மண்டல தேசிய பசுமை தீர்ப்பாயம் உத்தரவிட்டுள்ளது.

27 பேர் புதியதாக நியமனம்:

தூத்துக்குடி மாவட்டம், சாத்தான்குளம் காவல் நிலையத்திற்கு சிறப்பு உதவி ஆய்வாளர், தலைமைக் காவலர், காவலர்கள் உட்பட 27 பேரை நியமித்து எஸ்.பி உத்தரவிட்டுள்ளார்.

விளையாட்டுச் செய்திகள்
வெஸ்ட் இண்டீஸ் வீரர்கள் முடிவு:

இங்கிலாந்திற்கு எதிரான டெஸ்ட் தொடரின்போது இனவெறிக்கு எதிர்ப்பு தெரிவிக்கும் வகையில்  லோகோ அணிந்து விளையாட வெஸ்ட் இண்டீஸ் வீரர்கள் முடிவு செய்துள்ளனர்.