Bright Zoom Today News ஜுன் 30 காலை நேரச் செய்திகள்

Bright Zoom Today News
ஜுன் 30 காலை நேரச் செய்திகள்

மத்திய அரசு தடை... ப்ளே ஸ்டோரில் இருந்து அதிரடி நீக்கம்... - முக்கியச் செய்திகள்...!!

உலகச் செய்திகள்
இன்று மீண்டும் பேச்சுவார்த்தை:

லடாக் மோதல் தொடர்பாக இந்தியா-சீனா ராணுவ அதிகாரிகள் இன்று (செவ்வாய்க்கிழமை) மீண்டும் பேச்சுவார்த்தை நடத்துகின்றனர். இதன் மூலம் எல்லையில் அமைதி திரும்புமா? என்ற எதிர்பார்ப்பு ஏற்பட்டு உள்ளது.

புதிய நீர் மின் திட்டம்:

இந்தியா-பூடான் இடையே, 600 மெகாவாட் திறனுள்ள புதிய நீர் மின் திட்டத்தை செயல்படுத்துவதற்கான ஒப்பந்தம் நேற்று கையெழுத்தானது.

மாநிலச் செய்திகள்
தமிழகத்தில் ஜூலை 31ஆம் தேதி வரை:

தமிழகத்தில் ஜூலை 31ஆம் தேதி வரை பொதுமுடக்க உத்தரவை நீட்டித்து முதல்வர் எடப்பாடி பழனிசாமி நேற்று உத்தரவு பிறப்பித்தார். ஏற்கனவே நடைமுறையில் உள்ள கட்டுப்பாடுகள் மற்றும் தளர்வுகளுடன் பொதுமுடக்கம் நீட்டிக்கப்பட்டுள்ளது.

மத்திய அரசு அதிரடி தடை:

டிக் டாக், ஹலோ, ஷேர் இட் உள்பட 59 சீன ஆப்-கள் கூகுளின் ப்ளே ஸ்டார் மற்றும் ஆப்பிள் ஸ்டோர்களில் இருந்து நீக்கப்பட்டுள்ளது. நேற்று மத்திய அரசு தடை விதித்ததை தொடர்ந்து நடவடிக்கை எடுக்கப்பட்டுள்ளது.

பல்வேறு இடங்களில் மழைக்கு வாய்ப்பு:

தமிழகம் மற்றும் புதுச்சேரியில் வெப்பச்சலனத்தினால் வட கடலோர மாவட்டங்கள் உள்ளிட்ட பல்வேறு இடங்களில் மழைக்கு வாய்ப்பு உள்ளதாக சென்னை வானிலை ஆய்வு மையம் கூறியுள்ளது.

ரயில்களை இயக்க வேண்டாம்:

தமிழ்நாடு உள்ளிட்ட 5 மாநிலங்களில் இருந்து மேற்குவங்கத்திற்கு சிறப்பு ரயில்களை இயக்க வேண்டாம் என்று அம்மாநில முதலமைச்சர் மம்தா பானர்ஜி மத்திய அரசை வலியுறுத்தியுள்ளார்.

ரயில்வே நிர்வாகம் தெரிவிப்பு:

புலம்பெயர் தொழிலாளர்களுக்காக இயக்கப்படும் ஷ்ராமிக் ரயில்களின் தேவை இனி இருக்காது என, ரயில்வே நிர்வாகம் தெரிவித்துள்ளது.

ரூ.5 கோடி நிதி ஒதுக்கீடு:

மறைந்த நடிகர் அம்பரீசுக்கு நினைவு மண்டபம் அமைக்க ரூ.5 கோடி நிதி ஒதுக்கப்படும் என்று கர்நாடக முதல்-மந்திரி எடியூரப்பா கூறியுள்ளார்.

தமிழக அரசு அறிவிப்பு:

அந்தந்த மாவட்டத்திற்குள் இ-பாஸ் இல்லாமல் செல்ல அனுமதி அளிக்கப்படும் என தமிழக அரசு அறிவித்துள்ளது. வெளிமாநிலங்களுக்கு சென்று வரவும், வெளிமாநிலங்களிலிருந்து தமிழ்நாட்டிற்குள் வரவும், மாவட்டங்களுக்கிடையே சென்று வரவும், இ-பாஸ் முறை தொடர்ந்து நடைமுறையில் இருக்கும் எனவும் கூறியுள்ளது.

இன்று (ஜூன் 30) மாலை 4 மணிக்கு :

பிரதமர் நரேந்திர மோடி நாட்டு மக்களுக்கு இன்று (ஜூன் 30) மாலை 4 மணிக்கு உரையாற்றவுள்ளார்.

மாவட்டச் செய்திகள்
ஜூலை 6ஆம் தேதி முதல்:

சென்னையில் ஜூலை 6ஆம் தேதி முதல் ஹோட்டல்களில் அமர்ந்து சாப்பிட அனுமதி வழங்கப்பட்டு உள்ளது.

பொறுப்பு அதிகாரி நியமனம்:

சாத்தான்குளம் காவல் நிலையத்திற்கு பொறுப்பு அதிகாரியாக செந்தூர்ராஜன் நியமிக்கப்பட்டுள்ளார்.

விளையாட்டுச் செய்திகள்
உயர்மட்ட நடுவர் குழுவில் சேர்ப்பு:

சர்வதேச கிரிக்கெட் கவுன்சிலின் (ஐ.சி.சி.) உயர்மட்ட நடுவர் குழுவில் இந்தியாவை சேர்ந்த நடுவர் நிதின் மேனன் சேர்க்கப்பட்டுள்ளார்.