Bright Zoom Today News ஜுலை 02 காலை நேரச் செய்திகள்

Bright Zoom Today News
ஜுலை 02 காலை நேரச் செய்திகள்

ஆறு மாதங்களுக்கு நீட்டிப்பு... தமிழக அரசு உத்தரவு - முக்கியச் செய்திகள் !

உலகச் செய்திகள்
அமெரிக்கா வரவேற்பு:

சீனாவின் மொபைல் செயலிகளுக்கு தடை விதித்த இந்தியாவின் நடவடிக்கையை வரவேற்பதாக, அமெரிக்க வெளியுறவுத்துறை செயலர் மைக் பாம்பியோ தெரிவித்துள்ளார்.

போராட்டம் தீவிரம்:

ஹாங்காங்கில் சீனா அமல்படுத்தியுள்ள புதிய தேசிய பாதுகாப்பு சட்டத்தை எதிர்த்து போராட்டம் தீவிரமாகி உள்ளது.
மாநிலச் செய்திகள்
18 சதவீதம் கூடுதலாக மழை பெய்துள்ளது:

தென்மேற்கு பருவமழை ஜூன் மாதத்தில் இயல்பை விட 18 சதவீதம் கூடுதலாக பெய்துள்ளது. ஜூலையிலும் மழைப்பொழிவு சிறப்பாக இருக்கும் என இந்திய வானிலை ஆய்வு மையம் தெரிவித்துள்ளது.

தமிழக அரசு உத்தரவு:

மாநகராட்சி உள்ளிட்ட நகர்ப்புற உள்ளாட்சி அமைப்புகளை நிர்வகிக்கும் தனி அலுவலர்களின் பதவிக்காலத்தை, மேலும் ஆறு மாதங்களுக்கு நீட்டித்து தமிழக அரசு உத்தரவிட்டுள்ளது.

தமிழகம் முழுவதும்:

தமிழகம் முழுவதும் ஞாயிற்றுக்கிழமைகளில் டாஸ்மாக் கடைகளுக்கு விடுமுறை விடப்படுவதாக தமிழக அரசு அறிவித்துள்ளது.

ஜூலை 5ஆம் தேதி வரை:

பொதுமுடக்கம் காரணமாக அண்ணா பல்கலைக்கழகம் ஜூலை 5ஆம் தேதி வரை மூடப்படுவதாக பல்கலைக்கழக பதிவாளர் தெரிவித்துள்ளார்.

இன்று வெளியிடுவதாக அறிவிப்பு:

பல்கலைக்கழக மானியக்குழு, தேர்வுகளை நடத்துவதற்கான வழிகாட்டு நெறிமுறைகளை விரைவில் அறிவிக்கப்போவதாக தெரிவித்து இருந்தது. அதன் அடிப்படையில் உத்தரப்பிரதேசம் உள்ளிட்ட சில மாநிலங்கள் வழிகாட்டு நெறிமுறைகளை இன்று வெளியிடுவதாக அறிவித்துள்ளன.

கேரள அமைச்சரவை ஒப்புதல்:

பேருந்து கட்டணத்தை 25 சதவீதம் வரை உயர்த்த கேரள அமைச்சரவை ஒப்புதல் அளித்துள்ளது. அரசுப் பேருந்து கட்டணம் உயர்த்தப்படுவதால், தனியார் பேருந்து உரிமையாளர்களும் கட்டணத்தை உயர்த்த அரசிடம் அனுமதி கோரியுள்ளனர்.

இனிமேல் இ-பாஸ் தேவையில்லை:

மற்ற மாநிலங்களில் இருந்து கேரளாவிற்கு வரவும், கேரளாவிலிருந்து வெளியே செல்லவும் இனிமேல் இ-பாஸ் தேவையில்லை என கேரள அரசு அறிவித்துள்ளது.

மாவட்டச் செய்திகள்
நெல் பயிர் காப்பீடு திட்டம்:

நெல் பயிர் காப்பீடு திட்டத்தில் சேருமாறு, விவசாயிகளுக்கு கடலூர் மாவட்ட நல்லூர் வட்டார வேளாண்மை உதவி இயக்குநர் கீதா அழைப்பு விடுத்துள்ளார்.

இன்று பதவியேற்பு:

சென்னை மாநகர காவல் ஆணையராக மகேஷ்குமார் அகர்வால் இன்று பதவியேற்றுக் கொள்கிறார். அனைத்து பொறுப்புகளையும் ஏ.கே.விஸ்வநாதன் ஒப்படைத்து விடைபெறுகிறார்.

இனி வாரத்தில் 3 நாட்கள் மட்டுமே:

நாமக்கல் மண்டலத்தில் இனி வாரத்தில் 3 நாட்கள் மட்டுமே முட்டை விலை நிர்ணயம் செய்யப்படும் என்று தேசிய முட்டை ஒருங்கிணைப்புக் குழு தெரிவித்துள்ளது.

விளையாட்டுச் செய்திகள்
லா லிகா கால்பந்து சாம்பியன்ஷிப் தொடர்:

ஸ்பெயினில் நடக்கும் லா லிகா கால்பந்து சாம்பியன்ஷிப் தொடரில் பார்சிலோனா-அத்லெடிகோ மாட்ரிட் அணிகள் மோதிய லீக் ஆட்டம் 2-2 என்ற கோல் கணக்கில் டிராவில் முடிந்தது.

ஷசாங் மனோகர் நேற்று விலகல்:

ஐ.சி.சி. தலைவர் பதவி காலம் நிறைவடைந்ததை தொடர்ந்து, பதவியில் இருந்து ஷசாங் மனோகர் நேற்று விலகினார்.