Bright Zoom Today News ஜுலை 07 காலை நேரச் செய்திகள்

Bright Zoom Today News
ஜுலை 07 காலை நேரச் செய்திகள்

செமஸ்டர் தேர்வுகளை நடத்த மத்திய உள்துறை அமைச்சகம் அனுமதி - செய்திகள் !


உலகச் செய்திகள்
மூன்று மாதங்களுக்குப் பிறகு:

இலங்கையில் மூன்று மாதங்களுக்குப் பிறகு நேற்று (திங்கட்கிழமை) முதல் பள்ளிகள் மீண்டும் திறக்கப்பட்டுள்ளன.

சீனா மிகப் பெரிய சேதத்தை விளைவித்து விட்டது-அதிபர் டிரம்ப்:

அமெரிக்காவிற்கும், உலக நாடுகளுக்கும் சீனா மிகப் பெரிய சேதத்தை விளைவித்து விட்டதாக அமெரிக்க அதிபர் டொனால்டு டிரம்ப் குற்றம் சாட்டியுள்ளார்.

மாநிலச் செய்திகள்
மத்திய உள்துறை அமைச்சகம் அனுமதி:

நாடு முழுவதும் அனைத்து கல்லூரிகளிலும் செமஸ்டர் தேர்வு நடத்த, மத்திய உள்துறை அமைச்சகம் அனுமதி அளித்துள்ள நிலையில், இறுதியாண்டுத் தேர்வுகளை செப்டம்பர் மாதத்திற்குள் நடத்த வேண்டும் என யுஜிசி தெரிவித்துள்ளது.

அடுத்த ஆண்டு மார்ச் வரை:

பான் கார்டுடன் ஆதார் எண்ணை இணைப்பதற்கான கால அவகாசத்தை மத்திய அரசு அடுத்த ஆண்டு மார்ச் மாதம் வரை நீட்டித்துள்ளது.

வருகின்ற 31ஆம் தேதிக்குள் கையெழுத்தாக வாய்ப்பு:

மதுரையில் அமைய இருக்கும் எய்ம்ஸ் மருத்துவமனை தொடர்பான புரிந்துணர்வு ஒப்பந்தம் வருகின்ற 31ஆம் தேதிக்குள் கையெழுத்தாக வாய்ப்பு உள்ளதாக தமிழக சுகாதாரத்துறை செயலாளர் ராதாகிருஷ்ணன் தெரிவித்துள்ளார்.

இனி மாற்றம் செய்ய முடியாது:

இணையதளத்திலோ அல்லது சார்பதிவாளர் அலுவலகத்திலோ ஆவணப்பதிவிற்கான முன்பதிவு டோக்கனை இனி மாற்றம் செய்ய முடியாது, என தமிழக அரசு அறிவித்துள்ளது.

ஜூலை 19ஆம் தேதி வரை ரத்து:

சென்னை-கொல்கத்தா-சென்னை இடையேயான 10 விமான சேவைகள் வரும் ஜூலை 19ஆம் தேதி வரை ரத்து செய்யப்பட்டுள்ளது.

18 நிறுவனங்களின் உரிமம் ரத்து:

தமிழகம், கேரளாவில் 16 உர நிறுவனங்கள், இரு தேயிலை தொழிற்சாலை என 18 நிறுவனங்களின் உரிமம் ரத்து செய்யப்பட்டுள்ளது.

தவறு நேர்ந்தால் முறையீடு செய்யலாம்:

மின்சாரக் கட்டணத்தை அளவிடுவதில் தவறுகள் ஏதேனும் நேர்ந்தால் அதற்குரிய முறையீட்டை செய்யலாம் என்று மின்சாரத்துறை அமைச்சர் பி.தங்கமணி தெரிவித்துள்ளார்.

மாவட்டச் செய்திகள்
முதலமைச்சர் இன்று அடிக்கல் நாட்டுகிறார்:

அரியலூர் மாவட்டத்தில் புதிதாக அமையவுள்ள மருத்துவக்கல்லூரிக்கு முதலமைச்சர் எடப்பாடி பழனிசாமி இன்று (செவ்வாய்க்கிழமை) அடிக்கல் நாட்டுகிறார்.

பொதுப்பணித்துறை திட்டம்:

சென்னை மாநகரின் குடிநீர் விநியோகத்தை மேம்படுத்த திருத்தணி அருகில் 3 புதிய தடுப்பணைகளை கட்ட பொதுப்பணித்துறை திட்டமிட்டுள்ளது.

நாளை முதல்:

தேனி மாவட்டம் ஆண்டிப்பட்டியில் நாளை (ஜூலை 08) முதல் 10 நாட்களுக்கு முழு பொதுமுடக்கம் பிறப்பிக்கப்பட்டுள்ளது.

36 சதவீதம் குறைவு:

சென்னை உள்ளிட்ட 7 முக்கிய நகரங்களில் கடந்த 6 மாதங்களில் அலுவலகங்களுக்கு குத்தகை விடுவது 36 சதவீதம் குறைந்துள்ளது.

விளையாட்டுச் செய்திகள்
பார்முலா 1 கார் பந்தயம்:

ஆஸ்திரியா கிராண்ட் பிரீ பார்முலா 1 கார் பந்தயத்தின் முதல் சுற்றில், மெர்சிடிஸ் அணி வீரர் வால்டெரி போட்டாஸ் சாம்பியன் பட்டம் வென்றார்.