Bright Zoom Today News ஜுலை 14 காலை நேரச் செய்திகள்

Bright Zoom Today News
ஜுலை 14 காலை நேரச் செய்திகள்

தமிழகம் முழுவதும் வரும் 31ஆம் தேதி வரை தடை - முக்கியச் செய்திகள் !

உலகச் செய்திகள்
இன்று மீண்டும் பேச்சுவார்த்தை:

எல்லை பிரச்சனை தொடர்பாக இந்திய-சீன ராணுவ அதிகாரிகளிடையே இன்று (ஜூலை 14) மீண்டும் பேச்சுவார்த்தை நடக்கவுள்ளது.

சேனல்களுக்கு விதிக்கப்பட்டிருந்த தடை ஓரளவிற்கு நீக்கம்:

இந்திய செய்தி சேனல்களுக்கு விதிக்கப்பட்டிருந்த தடை ஓரளவிற்கு நீக்கப்பட்டுள்ளதாக நேபாள டிவி ஆப்ரேட்டர்கள் சங்க துணைத்தலைவர் துர்பா சர்மா கூறியுள்ளார்.

உலக சுகாதார நிறுவனம் எச்சரிக்கை:

உலக நாடுகள் முகக்கவசம் உள்ளிட்ட அடிப்படை சுகாதார நடவடிக்கைகளை கடைபிடிக்க தவறினால் உலகம் மேலும் மோசமடையும் என உலக சுகாதார நிறுவனம் எச்சரித்துள்ளது.

2வது முறை அதிபர்:

போலந்தில் நடைபெற்ற அதிபர் தேர்தலில், தற்போதைய அதிபர் ஆண்ட்ரேஜ் துடா தொடர்ந்து 2வது முறை அதிபராக தேர்ந்தெடுக்கப்பட்டுள்ளார்.

மாநிலச் செய்திகள்
வரும் 31ஆம் தேதி வரை:

தமிழகம் முழுவதும் வரும் 31ஆம் தேதி வரை அரசு மற்றும் தனியார் பேருந்து போக்குவரத்திற்கு தடை விதிக்கப்பட்டுள்ளதாக தமிழக அரசு அறிவித்துள்ளது.

பள்ளிக்கல்வித்துறை உத்தரவு:

அனைத்து கல்வி அலுவலகங்களிலும் ஐம்பது சதவீத ஊழியர்கள் தினசரி பணிக்கு வர வேண்டும் என, தமிழக பள்ளிக்கல்வித்துறை உத்தரவிட்டுள்ளது.

தமிழகத்தில் தொழில் தொடங்க அழைப்பு:

ஃபெட் எக்ஸ் (FEDeX) உட்பட உலகின் 2 முன்னணி லாஜிஸ்டிக்ஸ் நிறுவனங்களுக்கும், 3 பெட்ரோ கெமிக்கல் நிறுவனங்களுக்கும் தமிழகத்தில் தொழில் தொடங்க அழைப்பு விடுத்து தமிழக முதலமைச்சர் எடப்பாடி பழனிசாமி கடிதம் எழுதியுள்ளார்.

வரும் செப்டம்பர் வரை:

ஆந்திர மாநிலத்தில் வரும் செப்டம்பர் வரையில் அனைத்து பொது நுழைவுத்தேர்வுகளும் ஒத்திவைக்கப்படுவதாக மாநில கல்வித்துறை அமைச்சர் ஆதிமுலாப்பு சுரேஷ் தெரிவித்துள்ளார்.

தமிழக அமைச்சரவை கூட்டம் இன்று நடைபெறுகிறது:

தமிழக முதலமைச்சர் எடப்பாடி பழனிசாமி தலைமையில் தமிழக அமைச்சரவை கூட்டம் இன்று மாலை 5 மணிக்கு தலைமை செயலகத்தில் நடைபெறவுள்ளது.

மாவட்டச் செய்திகள்
பாடப்புத்தகங்கள் அனுப்பி வைப்பு:

திண்டுக்கல் மாவட்டம் முழுவதும் உள்ள அரசு, அரசு உதவிபெறும் மற்றும் தனியார் பள்ளிகள் என மொத்தம் 399 பள்ளிகளை சேர்ந்த எஸ்.எஸ்.எல்.சி. மற்றும் பிளஸ்-2 மாணவ-மாணவிகளுக்கு வழங்குவதற்காக பாடப்புத்தகங்கள் அனுப்பி வைக்கப்பட்டன.

கடன் உதவி பெற விண்ணப்பிக்கலாம்:

கடன் உதவி பெற பிற்படுத்தப்பட்டோர் மற்றும் சீர்மரபினர் விண்ணப்பிக்கலாம் என்று திருப்பூர் மாவட்ட கலெக்டர் விஜயகார்த்திகேயன் அறிவித்துள்ளார்.
விளையாட்டுச் செய்திகள்
பொதுச்செயலாளர் ராஜீவ் மேத்தா வலியுறுத்தல்:

தேசிய விளையாட்டு சங்கங்களின் நிர்வாக பொறுப்பில் பெண்களுக்கு உரிய பங்களிப்பு அளிக்க தேவையான திட்டங்களை அமல்படுத்த வேண்டும் என்று இந்திய ஒலிம்பிக் சங்க பொதுச்செயலாளர் ராஜீவ் மேத்தா வலியுறுத்தி உள்ளார்.

2 ஆண்டு தடை நீக்கம்:

சாம்பியன்ஸ் லீக் கால்பந்து போட்டியில் விளையாட மான்செஸ்டர் சிட்டி அணிக்கு விதிக்கப்பட்ட 2 ஆண்டு தடையை நீக்கம் செய்து உத்தரவிடப்பட்டுள்ளது.