Bright Zoom Today News ஜுலை 18 மாலை நேரச் செய்திகள்

Bright Zoom Today News
ஜுலை 18 மாலை நேரச் செய்திகள்

7 மாவட்டங்களில் கனமழைக்கு வாய்ப்பு.. வானிலை மையம்  - முக்கியச் செய்திகள் !

உலகச் செய்திகள்
ஒப்பந்தத்தில் கையெழுத்து:

அமெரிக்காவும், இந்தியாவும் அவசரகால கச்சா எண்ணெய் கையிருப்பிற்கான ஒப்பந்தத்தில் இன்று கையெழுத்திட்டன.

பழம்பெரும் தேவாலயத்தில் தீ விபத்து:

பிரான்ஸ் நாட்டின் நான்ட் நகரில், கி.பி 15ஆம் நூற்றாண்டில் கட்டப்பட்ட பழம்பெரும் தேவாலயத்தில் ஏற்பட்ட தீ விபத்தை, கடும் போராட்டத்திற்கு பின் தீயணைப்புத்துறை வீரர்கள் கட்டுப்படுத்தினர்.

இங்கிலாந்து பிரதமர் போரிஸ் ஜான்சன் நம்பிக்கை:

இங்கிலாந்தில் கிறிஸ்துமஸ் பண்டிக்கைக்கு முன் இயல்பு நிலை திரும்பும் என இங்கிலாந்து பிரதமர் போரிஸ் ஜான்சன் நம்பிக்கை தெரிவித்துள்ளார்.
மாநிலச் செய்திகள்
ரயில்வே துறை ரத்து செய்துள்ளது:

சரக்கு போக்குவரத்திற்கான ரயில்பாதையில் சிக்னல், தொலைத்தொடர்பு வசதிகளை செய்துதர சீன நிறுவனத்திற்கு வழங்கப்பட்ட ஒப்பந்தத்தை ரயில்வே துறை ரத்து செய்துள்ளது.

புதுச்சேரியில் மாணவர்களுக்கு 4 கிலோ அரிசி:

புதுச்சேரியில் 1 முதல் 5ஆம் வகுப்பு வரையிலான மாணவர்களுக்கு 4 கிலோ அரிசி, ரூ.250 பணமும், 6 முதல் 8ஆம் வகுப்பு வரையிலான மாணவர்களுக்கு 4 கிலோ அரிசி மற்றும் ரூ.330 பணமும் வழங்கப்படும் என அமைச்சர் கமலக்கண்ணன் அறிவித்துள்ளார்.

கனமழைக்கு வாய்ப்பு:

நீலகிரி, கோவை, தூத்துக்குடி, ராமநாதபுரம், சிவகங்கை, விருதுநகர் மற்றும் புதுக்கோட்டை ஆகிய மாவட்டங்களில் கனமழைக்கு வாய்ப்பு உள்ளது என சென்னை வானிலை ஆய்வு மையம் தெரிவித்துள்ளது.

காவல்துறை பரிந்துரை:

திருப்பதி ஏழுமலையான் கோவிலில் பக்தர்களின் தரிசனத்தை நிறுத்த வேண்டும் என காவல்துறை பரிந்துரைத்துள்ளது.

30ஆம் தேதி... தேர்வு முடிவுகள் வெளியீடு:

12ஆம் வகுப்பு தேர்வு எழுதாத மாணவர்களுக்கு வரும் 27ஆம் தேதி தேர்வு நடத்தப்பட்டு 30ஆம் தேதி தேர்வு முடிவுகள் வெளியிடப்படும் என்று தமிழக பள்ளிக்கல்வித் துறை அமைச்சர் செங்கோட்டையன் தெரிவித்துள்ளார்.

மத்திய கூட்டுறவு வங்கிகள் முற்றுகை:

ஜூலை 31ஆம் தேதியன்று மத்திய கூட்டுறவு வங்கிகள் முற்றுகையிடப்படும் என்று தமிழக காவிரி விவசாயிகள் சங்கத்தின் பொதுச் செயலாளர் பி.ஆர்.பாண்டியன் அறிவித்துள்ளார்.

மாவட்டச் செய்திகள்
வரும் 21ஆம் தேதி தி.மு.க சார்பில் போராட்டம் நடைபெறும்:

மின் கட்டண உயர்வை கண்டித்து வரும் 21ஆம் தேதி தி.மு.க சார்பில் போராட்டம் நடைபெறும் என மு.க.ஸ்டாலின் அறிவித்துள்ளார்.

மனித உரிமைகள் ஆணையம் தெரிவிப்பு:

சாத்தான்குளம் வழக்கில் 2 நாட்களில் விசாரணை அறிக்கை தாக்கல் செய்யப்படும் என்று மனித உரிமைகள் ஆணையம் தெரிவித்துள்ளது.

விளையாட்டுச் செய்திகள்
ராகுல் டிராவிட் தெரிவிப்பு:

இந்திய ஒருநாள் கிரிக்கெட் அணியில் இருந்து 2008ஆம் ஆண்டு தாம் நீக்கப்பட்டபோது கிரிக்கெட் வாழ்க்கை பாதுகாப்பற்றது போன்று உணர்ந்ததாக ராகுல் டிராவிட் தெரிவித்துள்ளார்.

நடுவர் தீர்ப்பாயம் உத்தரவு:

இந்திய கிரிக்கெட் வாரியம், டெக்கான் சார்ஜர்ஸ் நிறுவனத்திற்கு 4,800 கோடி ரூபாய் வழங்க வேண்டும் என்று நடுவர் தீர்ப்பாயம் உத்தரவிட்டுள்ளது.