Bright Zoom Today News ஜுலை 20 காலை நேரச் செய்திகள்

Bright Zoom Today News
ஜுலை 20 காலை நேரச் செய்திகள்

கல்லூரிகளில் சேர...ஆன்லைனில் இன்று முதல் விண்ணப்பிக்கலாம்.. - செய்திகள்..!!

உலகச் செய்திகள்
ராணுவ அதிகாரிகளுடன் முக்கிய ஆலோசனை:

கொரிய தீபகற்பத்தில் தொடர்ந்து பதற்றம் நீடித்து வரும் நிலையில், வடகொரியா தலைவர் கிம் ஜாங் உன் அந்த நாட்டின் மூத்த ராணுவ அதிகாரிகளுடன் முக்கிய ஆலோசனை நடத்தியுள்ளார்.

ஐக்கிய அரபு அமீரகத்தின் முதல் விண்கலம்:

ஐக்கிய அரபு அமீரகத்தின் முதல் விண்கலம் தனது செவ்வாய் கிரகத்தை நோக்கிய பயணத்தை வெற்றிகரமாக தொடங்கியுள்ளது.

மாநிலச் செய்திகள்
இன்று முதல்:

அரசு மற்றும் தனியார் கலை, அறிவியல் மற்றும் பாலிடெக்னிக் கல்லூரிகளில் சேர இணையம் மூலம் விண்ணப்பிக்கும் பணி இன்று தொடங்குகிறது.

இன்று முக்கிய ஆலோசனை:

தேர்வு முடிவுகள், ஆன்லைன் வகுப்பு, பள்ளிகள் திறப்பு குறித்து பள்ளிக்கல்வி துறை அமைச்சர் செங்கோட்டையன் இன்று (ஜூலை 20) அதிகாரிகளுடன் ஆலோசனை நடத்தவுள்ளார்.

தமிழக முதல்வர்.. இன்று அடிக்கல் நாட்டவுள்ளார்:

கீழடியில் அமைக்கப்பட உள்ள அருங்காட்சியகத்திற்கு தமிழக முதலமைச்சர் எடப்பாடி பழனிசாமி இன்று காலை அடிக்கல் நாட்டவுள்ளார்.

மன அழுத்தத்தை குறைக்க பயிற்சி:

மன அழுத்தத்தை குறைக்க அனைத்து மாநகர காவல் ஆணையர்கள் மற்றும் மாவட்ட கண்காணிப்பாளர்களுக்கு 3 நாள் பயிற்சி அளிக்க காவலர் பயிற்சி கல்லூரி டி.ஜி.பி கரன் சின்ஹா உத்தரவிட்டுள்ளார்.

3 வாரங்களுக்கு மூடப்படுவதாக தெரிவிப்பு:

ஒடிசாவில் உள்ள இந்தியன் ஆயில் நிறுவனத்தின் எண்ணெய் சுத்திகரிப்பு நிலையம், பராமரிப்பு பணிகளுக்காக 3 வாரங்களுக்கு மூடப்படுவதாக தெரிவிக்கப்பட்டுள்ளது.

மாவட்டச் செய்திகள்
பொதுமக்கள் நீராட தடை:

ஆடி அமாவாசையையொட்டி ராமநாதபுரம் கடற்கரைகளில் தர்ப்பணம் கொடுக்க பொதுமக்கள் கூடுவதற்கு தடை விதிக்கப்பட்டுள்ளது. ராமேஸ்வரம், திருப்புல்லாணி, தேவப்பட்டினம், சாயல்குடி கடற்கரைகளில் பொதுமக்கள் நீராட தடை விதிக்கப்பட்டுள்ளது.

இன்று முதல் ஒரு வாரத்திற்கு கடைகள் அடைப்பு:

பட்டுக்கோட்டையில் இன்று முதல் ஒரு வாரத்திற்கு பால், மருந்து கடைகள் தவிர அனைத்து கடைகளும் அடைக்கப்படும் என்று வணிகர் சங்கம் கூறியுள்ளது.
விளையாட்டுச் செய்திகள்
பிசிசிஐ பொது மேலாளர்... பதவி விலகல்:

பிசிசிஐ தலைமை செயல் அதிகாரியாக இருந்த ராகுல் ஜோரி பதவி விலகியதை தொடர்ந்து, பொது மேலாளராக இருந்த சபா கரீமும் பதவி விலகியுள்ளார்.

பிசிசிஐ அறிவிப்பு:

நடப்பு முதல்தர கிரிக்கெட் சீசனில் ரஞ்சி டிராபி, யு-19 வினூ மன்கட் டிராபி மட்டுமே நடத்தப்படும். துலீப் டிராபி, தியோதர் டிராபி, விஜய் ஹசாரே டிராபி, சி.கே.நாயுடு யு-23 தொடர் கைவிடப்படுகிறது. சையது முஷ்டாக் அலி டி20 தொடரை நடத்துவது பற்றி பரிசீலித்து வருவதாக பிசிசிஐ அறிவித்துள்ளது.

உலக கோப்பை டி20 போட்டி:

உலக கோப்பை டி20 போட்டித் தொடரை ஒத்திவைப்பதற்கான முடிவை சர்வதேச கிரிக்கெட் கவுன்சில் (ஐசிசி) இன்று அறிவிக்கும் என எதிர்பார்ப்பதாக, பிசிசிஐ தரப்பில் தெரிவிக்கப்பட்டுள்ளது.