Bright Zoom Today News ஜுலை 25 மாலை நேரச் செய்திகள்

Bright Zoom Today News
ஜுலை 25 மாலை நேரச் செய்திகள்

நியாய விலைக்கடைகளில் இலவச முகக்கவசம் - முக்கியச் செய்திகள் !

உலகச் செய்திகள்
அமெரிக்க போலீசார் சோதனை:

அமெரிக்க ஜனாதிபதி உத்தரவின்பேரில் சீன தூதரக கதவை உடைத்து அமெரிக்க போலீசார் உள்ளே புகுந்து ஆய்வு மேற்கொண்டனர்.

மாநிலச் செய்திகள்
மருத்துவமனைகளின் மீது கடும் நடவடிக்கை:

நோயாளிகளுக்கு 50மூ படுக்கை வசதி அளிக்காத தனியார் மருத்துவமனைகளின் மீது கடும் நடவடிக்கை எடுக்கப்படும் என்று கர்நாடக முதலமைச்சர் எடியூரப்பா எச்சரித்துள்ளார்.

இலவச முகக்கவசம்:

தமிழகத்தில் நியாய விலைக்கடைகளின் மூலம் இலவசமாக முகக்கவசம் வழங்கப்படும் என தமிழக உணவுத்துறை அமைச்சர் ஆர்.காமராஜ் தெரிவித்துள்ளார்.

புதிய தளபதி நியமனம்:

கட்டுப்பாட்டு எல்லைக்கோட்டு பகுதியில் பதற்றம் நிலவும் சூழலில், இந்திய விமானப்படையின் மேற்கு பிரிவின் புதிய தளபதியாக ஏர் மார்ஷல் விவேக் ராம் சவுத்ரி நியமிக்கப்பட்டுள்ளார்.

ஐக்கிய நாடுகள் சபையின் அறிக்கையில் எச்சரிக்கை:

கேரளா மற்றும் கர்நாடக மாநிலத்தில் குறிப்பிடத்தகுந்த அளவு எண்ணிக்கையில் ஐ.எஸ். தீவிரவாதிகளின் நடமாட்டம் இருக்கிறது என்று ஐக்கிய நாடுகள் சபையின் அறிக்கையில் எச்சரிக்கை விடுக்கப்பட்டுள்ளது.

காங்கிரஸ் எம்.எல்.ஏ-க்கள் கூட்டம்:

ராஜஸ்தான் முதல்வர் அசோக் கெலாட் தலைமையில் காங்கிரஸ் எம்.எல்.ஏ-க்கள் கூட்டம் இன்று நடைபெற்றது.

வரும் 29ஆம் தேதி வரை:

மேற்கு வங்கத்திற்கான விமான சேவைகளை வரும் 29ஆம் தேதி வரை நிறுத்தி வைக்க அம்மாநில முதல்-மந்திரி மம்தா பானர்ஜி உத்தரவிட்டுள்ளார்.

தமிழக அரசு உத்தரவு:

நியாய விலைக்கடை பணியாளர்களுக்கு பாதுகாப்பு முன்னெச்சரிக்கை நடவடிக்கைகளை மேற்கொள்ள தமிழக அரசு உத்தரவிட்டுள்ளது.

மாவட்டச் செய்திகள்
சென்னை வானிலை ஆய்வு மையம் தெரிவிப்பு:

வெப்பச்சலனம் காரணமாக நீலகிரி, கோவை மற்றும் தென் மாவட்டங்களில் இன்றும், நாளையும் லேசானது முதல் மிதமான மழைக்கு வாய்ப்புள்ளது என சென்னை வானிலை ஆய்வு மையம் தெரிவித்துள்ளது.

ஆண்டாள் கோவில் தங்க தேரோட்டம்:

ஆடிப்பூரத் திருவிழாவையொட்டி திருவில்லிபுத்தூர் ஆண்டாள் கோவில் தங்க தேரோட்டம், வரலாற்றில் முதல்முறையாக பக்தர்களின்றி கோவில் வளாகத்திற்குள் நேற்று நடைபெற்றது.

மீன் மார்க்கெட்டில் அலைமோதிய கூட்டம்:

நாளை தளர்வு இல்லாத பொதுமுடக்கம் அமல்படுத்தப்படுவதையொட்டி மதுரை நெல்பேட்டை மீன் மார்க்கெட்டில் இன்று கூட்டம் அலைமோதியது.

விளையாட்டுச் செய்திகள்
கடைசி டெஸ்ட்:

மான்செஸ்டரில் நேற்று தொடங்கிய வெஸ்ட் இண்டீஸ் அணிக்கு எதிரான கடைசி டெஸ்டில் இங்கிலாந்து முதல் நாள் ஆட்ட முடிவில் 4 விக்கெட் இழப்பிற்கு 258 ரன்கள் எடுத்துள்ளது.

மத்திய விளையாட்டுத் துறை அமைச்சர் கிரண் ரிஜிஜு நம்பிக்கை:

இந்தியாவில் வரும் செப்டம்பர்-அக்டோபரில் விளையாட்டு போட்டி தொடர்கள் நடைபெற வாய்ப்புள்ளதாக மத்திய விளையாட்டுத் துறை அமைச்சர் கிரண் ரிஜிஜு நம்பிக்கை தெரிவித்துள்ளார்.