Bright Zoom Today News ஜுலை 27 காலை நேரச் செய்திகள்

Bright Zoom Today News

ஜுலை 27 காலை நேரச் செய்திகள்

இன்று முதல்... இலவச முகக்கவசங்கள் வழங்கும் திட்டம் - முக்கியச் செய்திகள் !

உலகச் செய்திகள்

அணு ஆயுத ஏவுகணை:

ஒலியை விட 5 மடங்கு வேகமாக சென்று இலக்கை தாக்கி அழிக்கும் அணு ஆயுத ஏவுகணைகளை ரஷ்ய கடற்படை வசம் வழங்க உள்ளதாக அந்நாட்டு அதிபர் புதின் தெரிவித்துள்ளார்.

வெள்ள அபாயம்:

அமெரிக்காவின் டெக்சாஸ் மாகாணத்தில் இரு முறை கரையை கடந்துள்ள ஹன்னா புயல் காரணமாக, அங்கு வெள்ள அபாயம் ஏற்பட்டுள்ளது. 

மாநிலச் செய்திகள்

மறுவாய்ப்பு தேர்வு:

12ஆம் வகுப்பு பொதுத்தேர்வு எழுதாமல் விடுபட்ட மாணவர்களுக்கு மறுவாய்ப்பு தேர்வு இன்று தமிழகத்தில் நடைபெறுகிறது.

வானிலை ஆய்வு மையம் தெரிவிப்பு:

தமிழக கடலோர, உள்மாவட்டங்களில் இன்று மழைக்கு வாய்ப்புள்ளதாக, சென்னை வானிலை ஆய்வு மையம் தெரிவித்துள்ளது.

இலவச முகக்கவசங்கள் வழங்கும் திட்டம்:

தமிழகத்தில் நியாய விலைக்கடைகளில் இலவசமாக முகக்கவசங்கள் வழங்கும் திட்டத்தை தமிழக முதலமைச்சர் எடப்பாடி பழனிசாமி இன்று தொடங்கி வைக்கிறார்.

தமிழக அரசு உத்தரவு:

குறுவை சாகுபடியையொட்டி, டெல்டா மாவட்டங்களை சேர்ந்த மேலும் பல விவசாயிகளை பிரதமரின் பயிர் காப்பீட்டுத் திட்டத்தில் சேர்க்க தமிழக அரசு உத்தரவிட்டுள்ளது.

வரும் 29ஆம் தேதி ஆலோசனை:

தமிழகத்தில் வரும் 31ஆம் தேதியுடன் பொதுமுடக்கம் முடிவடைய உள்ள நிலையில், அனைத்து மாவட்ட கலெக்டர்களுடன் முதல்வர் எடப்பாடி பழனிசாமி வரும் 29ஆம் தேதி வீடியோ கான்பரன்சிங் மூலம் ஆலோசனை நடத்தவுள்ளார். 

மாவட்டச் செய்திகள்

பணிநியமன ஆணையை முதலமைச்சர் இன்று வழங்குகிறார்:

தூத்துக்குடி மாவட்டம் சாத்தான்குளம் ஜெயராஜ், பென்னிக்ஸ் குடும்பத்திற்கு அரசு பணிநியமன ஆணையை முதலமைச்சர் எடப்பாடி பழனிசாமி இன்று வழங்குகிறார்.

பிரதமர் மோடி பாராட்டு:

நாமக்கல் கிரீன்பார்க் சி.பி.எஸ்.இ. பள்ளியில் பிளஸ்-2 தேர்வு எழுதிய மாணவி கனிகா, நடந்து முடிந்த தேர்வில் 500-க்கு 490 மதிப்பெண்கள் பெற்று சாதனை படைத்தார். இந்த நிலையில் நேற்று வானொலியில் மனதின் குரல் நிகழ்ச்சியின் மூலம் நாட்டு மக்களுக்கு உரையாற்றிய பிரதமர் மோடி, லாரி டிரைவர் நடராஜனின் மகள் கனிகாவிற்கு பாராட்டு தெரிவித்தார்.

ரூ.500 அபராதம்:

கோவை மாநகராட்சி பகுதிகளில் எச்சில் துப்பினால் ரூ.500 அபராதம் விதிக்கப்படும் என்று கோவை மாநகராட்சி ஆணையர் கூறியுள்ளார். 

விளையாட்டுச் செய்திகள்

கடைசி டெஸ்ட்:

இங்கிலாந்திற்கு எதிரான கடைசி டெஸ்ட்டில் வெஸ்ட் இண்டீஸ் அணி 197 ரன்னில் ஆல் அவுட் ஆனது.