Bright Zoom today News ஜுலை 28 காலை நேரச் செய்திகள்

Bright Zoom today News

ஜுலை 28 காலை நேரச் செய்திகள்

விரைவில் வீடு தேடி வரும் அத்தியாவசிய பொருட்கள்... - செய்திகள்...!!

உலகச் செய்திகள்

வங்காளதேச வெளியுறவுத்துறை மந்திரி தெரிவிப்பு:

வங்காளதேசத்திற்கு 10 டீசல் என்ஜின்களை வழங்கிய இந்தியாவிற்கு நன்றி என அந்நாட்டு வெளியுறவுத்துறை மந்திரி ஏ.கே.அப்துல் மோமன் தெரிவித்துள்ளார்.

மாநிலச் செய்திகள்

புதிய செயலி அறிமுகம்:

வானிலை முன்னறிவிப்புகளை தெரிவிப்பதற்காக 'மௌசம்" என்ற புதிய செயலியை மத்திய அரசு அறிமுகப்படுத்தியுள்ளது.

கர்நாடகா முதல்-மந்திரி அறிவிப்பு:

ரூ.9 ஆயிரம் கோடியில் கிராமப்புற மக்களுக்கு சுத்தமான குடிநீர் வழங்கும் திட்டம் அமல்படுத்தப்படுவதாக கர்நாடகா முதல்-மந்திரி எடியூரப்பா அறிவித்துள்ளார்.

ரூ.2,368 கோடி மதிப்பிலான திட்டங்களுக்கு தமிழக முதல்வர் அடிக்கல் நாட்டினார்:

புதிய நிறுவனங்களின் ரூ.2,368 கோடி மதிப்பிலான திட்டங்களுக்கு முதல்வர் பழனிசாமி அடிக்கல் நாட்டியுள்ளார். 8 புதிய நிறுவன திட்டங்களின் மூலம் 24,870 பேருக்கு வேலைவாய்ப்பு கிடைக்கும் என தமிழக அரசு தகவல் தெரிவித்துள்ளது.

மத்திய தரக்கட்டுப்பாட்டு இயக்குநர் தெரிவிப்பு:

சீனாவில் இருந்து இறக்குமதி செய்யப்படும் 371 பொருட்களுக்கு தரக்கட்டுப்பாடுகளை விதிக்க உள்ளதாக, மத்திய தரக்கட்டுப்பாட்டு இயக்குநர் பிரமோத் குமார் திவாரி தெரிவித்துள்ளார்.

வீடு தேடி வரும் அத்தியாவசிய பொருட்கள்:

தமிழகத்தில் அனைத்து மாவட்டங்களிலும் 10 கோடி ரூபாய் மதிப்பீட்டில் நடமாடும் ரேஷன் கடைகளை விரைவில் அறிமுகப்படுத்த தமிழக அரசு திட்டமிட்டுள்ளது.

பருவத்தேர்வுகளுக்கான மதிப்பெண் கணக்கீடு அறிவிப்பு:

தமிழ்நாடு பல்கலைக்கழகத்திற்கு உட்பட்ட உறுப்பு கல்லூரிகளில் பருவத்தேர்வுகள் அனைத்தும் ரத்து செய்யப்பட்ட நிலையில், ரத்து செய்யப்பட்ட பருவத்தேர்வுகளுக்கான மதிப்பெண் கணக்கீடு முறை குறித்து உயர்கல்வித்துறை செயலாளர் அபூர்வா அறிவிப்பை வெளியிட்டுள்ளார்.

மத்திய அமைச்சர் தெரிவிப்பு:

தங்க நகைகளுக்கு ஹால்மார்க் கட்டாயம் என்ற நடைமுறையை செயல்படுத்துவது அடுத்த ஆண்டு ஜூன் 1ஆம் தேதிக்கு ஒத்திவைக்கப்பட்டுள்ளதாக மத்திய அமைச்சர் ராம்விலாஸ் பஸ்வான் தெரிவித்துள்ளார்.

மத்திய நிதியமைச்சகம் அறிவிப்பு:

2019-2020ஆம் நிதியாண்டில் ஜி.எஸ்.டி இழப்பீடாக 1 லட்சத்து 65 ஆயிரத்து 302 கோடி ரூபாயை விடுவித்துள்ளதாக மத்திய நிதியமைச்சகம் அறிவித்துள்ளது.

மாவட்டச் செய்திகள்

உச்சநீதிமன்றத்தில் இன்று விசாரணை:

சேலம்-சென்னை 8 வழிச்சாலை திட்டத்திற்கு விதிக்கப்பட்ட தடையை நீக்கக்கோரிய வழக்கு உச்சநீதிமன்றத்தில் இன்று விசாரணைக்கு வருகிறது.

சென்னை வானிலை ஆய்வு மையம் தெரிவிப்பு:

தமிழகத்தில் வெப்பச்சலனம் காரணமாக இன்று மழைக்கு வாய்ப்பிருப்பதாக சென்னை வானிலை ஆய்வு மையம் தெரிவித்துள்ளது.

விளையாட்டுச் செய்திகள்

மழையால் தடை:

இங்கிலாந்து-வெஸ்ட் இண்டீஸ் அணிகளுக்கு இடையிலான மான்செஸ்டர் டெஸ்டின் 4-வது நாள் ஆட்டம் மழையால் தடைபட்டது.

ஐக்கிய அரபு எமிரேட்ஸ் கிரிக்கெட் வாரியம் தெரிவிப்பு:

ஐபிஎல் டி20 தொடரை நடத்துவது பற்றி பிசிசிஐ எழுதிய ஒப்புதல் கடிதம் கிடைக்கப் பெற்றதாக ஐக்கிய அரபு எமிரேட்ஸ் கிரிக்கெட் வாரியம் தெரிவித்துள்ளது.