Bright Zoom Today News ஆகஸ்ட் 03 மாலை நேரச் செய்திகள்

Bright Zoom Today News

ஆகஸ்ட் 03 மாலை நேரச் செய்திகள்

தமிழகத்தில் அடுத்த 24 மணி நேரத்தில்... 17 மாவட்டங்களில்... - செய்திகள்...!!

உலகச் செய்திகள்

இந்திய விமானப்படை முன்னாள் தளபதி தெரிவிப்பு:

ரபேல் போர் விமானங்களை இந்தியா வைத்திருப்பதால் பாகிஸ்தான் போர் விமானங்களை அதன் வான்பரப்பிலேயே தாக்கி அழிக்க முடியும் என இந்திய விமானப்படை முன்னாள் தளபதி பீரேந்தர் சிங் தனோவா தெரிவித்துள்ளார்.

சீனா அறிவிப்பு:

நியூசிலாந்துடனான குற்றவாளிகளை நாடு கடத்தும் ஒப்பந்தத்தை தற்காலிகமாக ரத்து செய்வதாக சீனா அறிவித்துள்ளது.

படகு போக்குவரத்து சேவை அறிமுகம்:

இங்கிலாந்தின் தேம்ஸ் நதியில், பயணிகளுக்கான படகு போக்குவரத்து சேவையை உபேர் நிறுவனம் அறிமுகப்படுத்தியுள்ளது.

மாநிலச் செய்திகள்

வடக்கு ரயில்வே தெரிவிப்பு:

ராமர் கோவில் மாதிரியை அடிப்படையாக வைத்து கட்டப்படும் அயோத்தி ரயில் நிலையத்தின் முதல் கட்ட பணிகள், அடுத்த ஆண்டு ஜுன் மாதத்தில் நிறைவு பெறும் என வடக்கு ரயில்வே தெரிவித்துள்ளது.

தமிழக அரசுக்கு சென்னை உயர்நீதிமன்றம் உத்தரவு:

மனநலம் பாதிக்கப்பட்டு தெருவில் சுற்றி திரிவோரை கண்டறிந்து காப்பகங்களில் சேர்க்க நடவடிக்கை எடுக்க வேண்டும் என தமிழக அரசுக்கு சென்னை உயர்நீதிமன்றம் உத்தரவிட்டுள்ளது.

அடுத்த 24 மணி நேரத்தில்:

அடுத்த 24 மணி நேரத்தில் தமிழகத்தில் 17 மாவட்டங்களில் மழைக்கு வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.

இந்திய வானிலை ஆய்வு மையம் எச்சரிக்கை:

கேரளாவில் இன்று முதல் வியாழக்கிழமை வரை கனமழை பெய்யக்கூடும் என்று இந்திய வானிலை ஆய்வு மையம் எச்சரிக்கை விடுத்துள்ளது.

முதல்வர் யோகி ஆதித்யநாத் ஆய்வு:

அயோத்தியில் ராமர் கோவில் கட்டுவதற்கான பூமி பூஜை ஏற்பாடுகளை உத்திரப்பிரதேச முதல்வர் யோகி ஆதித்யநாத் ஆய்வு செய்தார்.

இந்திய அளவில் முதலிடம்:

உலக அளவில் சிசிடிவி கேமராக்களை அதிகம் பயன்படுத்தும் முதல் 20 நகரங்களில் 16-வது இடத்திலும், இந்திய அளவில் முதலிடத்திலும் ஐதராபாத் நகரம் இருப்பதாக இங்கிலாந்தின் கம்பாரிடெக் எனும் நிறுவனம் வெளியிட்ட ஆய்வறிக்கையில் தெரிவிக்கப்பட்டுள்ளது.

சென்னை உயர்நீதிமன்றம் உத்தரவு:

ஆன்லைன் வகுப்புகளுக்கு விதிமுறைகள் வகுத்த தமிழக அரசின் அரசாணையை பள்ளிகள் பின்பற்ற வேண்டும் என்று சென்னை உயர்நீதிமன்றம் உத்தரவிட்டுள்ளது.

அனுமதி வழங்கப்படாது:

திரைப்பட படப்பிடிப்பு நடத்தவும், திரையரங்கை திறக்கவும் தற்போதைக்கு அனுமதி வழங்கப்படாது என்று தமிழக செய்தி மற்றும் விளம்பரத்துறை அமைச்சர் கடம்பூர் ராஜூ தெரிவித்துள்ளார்.

மாவட்டச் செய்திகள்

தங்கத்தின் விலை:

சென்னையில் 22 கேரட் ஆபரணத் தங்கத்தின் விலை சவரனுக்கு ரூ.24 உயர்ந்து ரூ.41,592-க்கு விற்பனை செய்யப்படுகிறது. சென்னையில் 22 கேரட் ஆபரணத் தங்கத்தின் விலை கிராமிற்கு ரூ.3 அதிகரித்து ரூ.5,199-க்கு விற்பனை செய்யப்படுகிறது.

விளையாட்டுச் செய்திகள்

பிசிசிஐ எச்சரிக்கை:

வயது குறித்த முறைக்கேட்டில் ஈடுபட்டிருக்கும் கிரிக்கெட் வீரர்கள் தானாக முன்வந்து குற்றத்தை ஒப்புக்கொண்டால் பொது மன்னிப்பு வழங்கப்படும் என்று பிசிசிஐ தெரிவித்துள்ளது.