Bright Zoom Today News ஆகஸ்ட் 27 மாலை நேரச் செய்திகள்

Bright Zoom Today News

ஆகஸ்ட் 27  மாலை நேரச் செய்திகள்

ஓணம் பண்டிகையை முன்னிட்டு வரும் 31ஆம் தேதி.. உள்ளூர் விடுமுறை அறிவிப்பு - செய்திகள்..!!

உலகச் செய்திகள்

திடீரென ராஜினாமா:

இந்தியாவை தொடர்ந்து அமெரிக்காவிலும் டிக்டாக் தடை செய்யப்படவுள்ள நிலையில், அந்நிறுவனத்தின் தலைமை நிர்வாக அதிகாரி கெவின் மேயர் தனது பதவியை திடீரென ராஜினாமா செய்வதாக அறிவித்துள்ளார்.

ஐ.நா. தெரிவிப்பு:

ஈராக் மற்றும் சிரியாவில் சுமார் 10,000க்கும் அதிகமான ஐஎஸ் தீவிரவாதிகள் செயல்பாட்டில் உள்ளனர் என்று ஐ.நா. தெரிவித்துள்ளது. 

மாநிலச் செய்திகள்

நீட் தேர்வுகளை ஆன்லைனில் நடத்த வேண்டும்:

நீட் தேர்வுகளை ஆன்லைனில் நடத்த வேண்டும் என்று பஞ்சாப் முதல்வர் அமரீந்தர் சிங் யோசனை தெரிவித்துள்ளார்.

முதல்வர் விளக்கம்:

தமிழகத்தில் இ-பாஸ் முறை இருந்தால்தான் யார் யார் எங்கு செல்கிறார்கள்? என்பதை கண்டறிய முடியும் என்று முதல்வர் பழனிசாமி விளக்கம் அளித்துள்ளார்.

கல்வி நிலையங்கள் திறக்கப்படாது:

ஒடிசாவில் அக்டோபர் மாதம் துர்க்கா பூஜை முடியும் வரை கல்வி நிலையங்கள் திறக்கப்படாது என முதல்வர் நவீன் பட்நாயக் அறிவித்துள்ளார்.

அடுத்த 48 மணி நேரத்தில்:

தென் தமிழகத்தில் நிலவும் கீழடுக்கு சுழற்சி மற்றும் வெப்பச்சலனம் காரணமாக அடுத்த 48 மணி நேரத்திற்கு சென்னை, திருவள்;ர், வேலூர், சேலம், தருமபுரி, கிருஷ்ணகிரி, திண்டுக்கல், தேனி, மதுரை, புதுக்கோட்டை, சிவகங்கை, விருதுநகர், தென்காசி, திருநெல்வேலி மற்றும் தூத்துக்குடி மாவட்டங்களில் ஓரிரு இடங்களில் இடியுடன் கூடிய லேசானது முதல் மிதமான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

ஆதார் ஆணையம் தெரிவிப்பு:

ஆன்லைனில் ஆதார் விவரங்களில் திருத்தங்கள் மேற்கொள்ள இனி ரூ.100 கட்டணமாக வசூலிக்கப்படும் என்று ஆதார் ஆணையம் தெரிவித்துள்ளது.

பா.ஜ.க முதலிடம்:

ஃபேஸ்புக்கிற்கு அதிக விளம்பரம் தரும் விளம்பரதாரர்களின் பட்டியலில் பா.ஜ.க முதலிடத்தில் உள்ளது.

நடமாடும் ரேஷன் கடைகள்:

அடுத்த மாதத்தில் தமிழகத்தில் நடமாடும் ரேஷன் கடைகள் தொடங்கப்படும் என கூட்டுறவுத்துறை அமைச்சர் செல்லூர் ராஜூ தெரிவித்துள்ளார். 

மாவட்டச் செய்திகள்

நீலகிரி மாவட்டத்திற்கும் உள்;ர் விடுமுறை:

ஓணம் பண்டிகையை முன்னிட்டு வரும் 31ஆம் தேதி, சென்னை மற்றும் கோவையை தொடர்ந்து நீலகிரி மாவட்டத்திற்கும் உள்;ர் விடுமுறை அறிவிக்கப்பட்டுள்ளது.

விரைவில் வணிக கப்பல் போக்குவரத்து:

கடலூர் துறைமுகத்தில் விரைவில் வணிக கப்பல் போக்குவரத்து தொடங்கப்படும் என கடலூர் ஆய்வு கூட்டத்தில் முதல்வர் பழனிசாமி உறுதியளித்துள்ளார்.

மீண்டும் உயர்வு:

சென்னையில் ஆபரணத் தங்கத்தின் விலை மீண்டும் உயர தொடங்கியுள்ளது. ஆபரணத் தங்கத்தின் விலை சவரனுக்கு ரூ.272 உயர்ந்து ரூ.39,496-க்கு விற்பனை செய்யப்படுகிறது. 

விளையாட்டுச் செய்திகள்

வேகப்பந்து வீச்சாளர் ஹாரி கர்னி விலகல்:

தோள்பட்டையில் காயம் ஏற்பட்டுள்ளதால் ஐ.பி.எல் போட்டியில் இருந்து கொல்கத்தா நைட்ரைடர்ஸ் அணி வேகப்பந்து வீச்சாளர் ஹாரி கர்னி விலகியுள்ளார்.