உலக வரலாற்றில் இன்று ( World History Today - 21-05-2018)

உலக வரலாற்றில் இன்று ( World History Today - 21-05-2018)

வரலாற்றில் நடந்த முக்கிய நிகழ்வுகள்.!

வரலாற்றில் இன்று !!

உலக கலாச்சார பன்முகத் தன்மையின் முன்னேற்ற தினம்..!!

கலாச்சாரம் என்பது பழங்கால வரலாற்றையும், பழக்கவழக்கங்களையும் அறிந்துக்கொள்ள நமக்கு உதவுகிறது. இதன்மூலம் ஒரு குழுவின், இனத்தின், நாட்டின் கலாச்சாரத்தை அறிந்துக்கொள்ள முடிகிறது.

ஐ.நா.பொதுச்சபை 2001ஆம் ஆண்டு நவம்பர் மாதத்தில் ஒரு தீர்மானத்தை கொண்டுவந்தது. அதன்மூலம் மே 21ஆம் தேதியை உலக கலாச்சார பன்முகத் தன்மையின் முன்னேற்ற தினமாக அறிவித்தது.

மேரி அன்னிங்

புதை படிம ஆராய்ச்சி என்ற புதிய அறிவியல் துறை உருவாக காரணமாக இருந்த தொல்பொருள் ஆய்வாளர் மேரி அன்னிங் 1799ஆம் ஆண்டு மே 21ஆம் தேதி இங்கிலாந்தின் டோர்செட் நகரில் பிறந்தார்.

இவர் சிறுவயதிலிருந்தே புதைபடிமங்களான சிப்பி, சங்குகளை சேகரிக்க, தந்தையுடன் செல்வார். அதனால் பண்டைய விலங்குகளின் எலும்புகள் உட்பட பல அரிய வகை தொல்படிமங்களை சேகரிப்பதில் மெல்ல மெல்ல மேரியும் திறமை பெற்றார்.

1823ல் முதன்முதலாக ப்ளிசியோசரஸ் என்ற அரிய விலங்கின் முழு எலும்புக்கூட்டை கண்டறிந்தார். அதன்பிறகு டிராகன் எலும்பு, ஸ்கொலராஜா என்ற அரிய வகை மீனின் எலும்புக்கூட்டையும் கண்டுபிடித்தார். பிரித்தானியாவில் அறிவியல் வளர்ச்சிக்கு பாடுபட்ட பத்து பெண்களின் பட்டியலில் இவரது பெயரும் சேர்க்கப்பட்டுள்ளது.

பழைய சரித்திரத்தை எதிர்வரும் சந்ததிகள் அறிந்துக்கொள்ள வழியமைத்து கொடுத்த சாதனை மங்கையான மேரி  47வது வயதில் (1847) மறைந்தார்.


 தீவிரவாத எதிர்ப்புத் தினம் : 

இந்திய முன்னாள் பிரதமர் ராஜீவ் காந்தி 1991ஆம் ஆண்டு மே 21ஆம் தேதி மறைந்தார். இவரின் மறைவை நினைவுகூறும் வகையில் தீவிரவாத எதிர்ப்புத் தினம் கடைபிடிக்கப்படுகிறது.


முக்கிய நிகழ்வுகள்:

.996 – புனித ரோமப் பேரரசின் மன்னனாக 16 வயது மூன்றாம் ஓட்டோ முடி சூடினான்.

1502 – போர்த்துக்கீச மாலுமி ஜொவாவோ டா நோவா புனித ஹெலெனா தீவைக் கண்டுபிடித்தார்.

1792 – ஜப்பானில் ஊன்சென் மலை வெடித்ததில் இடம்பெற்ற சூறாவளி மற்றும் சுனாமியினால் 14,300 பேர் கொல்லப்பட்டனர்.

1851 – கொலம்பியாவில் அடிமைத்தொழில் ஒழிக்கப்பட்டது.

1859 – பிக் பென் மணிக்கூடு முதன் முறையாக இயக்கப்பட்டது.

1864 – ரஷ்ய-கோக்கசஸ் போர் முடிவடைந்தது.

1871 – பிரெஞ்சு அரசுப் படைகள் பாரிஸ் கம்யூனைத் தாக்கினார். ஒரு வார முற்றுகையில் 20,000 கொம்ம்யூன் மக்கள் கொல்லப்பட்டு 38,000 பேர் கைது செய்யப்பட்டனர்.

1894 – 22 வயது பிரெஞ்சு கொடுங்கோலன் எமிலி ஹென்றி கழுத்து துண்டிக்கப்பட்டு மரண தண்டனைக்கு உள்ளாக்கப்பட்டான்.

1904 – பாரிசில் சர்வதேச உதைபந்தாட்ட கூட்டமைப்பு (FIFA) ஆரம்பிக்கப்பட்டது.

1917 – அட்லாண்டாவில் இடம்பெற்ற பெருந்தீயில் பெரும் அழிவு ஏற்பட்டது.

1941 – இரண்டாம் உலகப் போர்: பிரேசிலில் இருந்து 950 மைல் தூரத்தில் ரொபின் மூர் என்ற அமெரிக்க போர்க் கப்பல் ஜெர்மனியின் யூ-படகினால் மூழ்கடிக்கப்பட்டது.

1991 – முன்னாள் இந்தியப் பிரதமர் ராஜீவ் காந்தி சென்னைக்கருகில் மனிதக் குண்டுவெடிப்பொன்றில் கொல்லப்பட்டார்.

1991 – எதியோப்பியாவின் கம்யூனிச அரசுத் தலைவர் மெங்கிஸ்டு ஹைலி மரியாம் நாட்டில் இருந்து தப்பி வெளியேறினார். எதியோப்பிய உள்நாட்டுப் போர் முடிவுக்கு வந்தது.

1994 – யேமன் மக்களாட்சிக் குடியரசு யேமன் குடியரசில் இருந்து விலகியது.

1996 – தான்சானியாவில் பூக்கோவா என்ற என்ற பயணிகள் கப்பல் மூழ்கியதில் 1000 பேர் வரையில் கொல்லப்பட்டனர்.

1998 – 32 ஆண்டுகள் இந்தோனீசியாவை ஆண்ட சுகார்ட்டோ பதவி விலகினார்.

2003 – வடக்கு அல்ஜீரியாவில் நிகழ்ந்த நிலநடுக்கத்தில் 2,000 பேருக்கு மேல் கொல்லப்பட்டனர்.

2006 – மட்டக்களப்பு மாவட்டத் துணைத் தளபதி கேணல் ரமணன் நினைவு நாள்.

2006 – சுதுமலை புவனேசுவரியம்மை கொடியேற்றம்.

பிறப்புகள்

கிமு 427 – பிளாட்டோ, கிரேக்கத் தத்துவவியலாளர் (இ. கிமு 347)

1919 – எம். என். நம்பியார், நடிகர் (இ. 2008)

1921 – அந்திரே சாகரொவ், ரஷ்ய இயற்பியலாளர் (இ. 1989)

1954 – டி. பி. எஸ். ஜெயராஜ், ஊடகவியலாளர்

1960 – மோகன்லால், தென்னிந்திய நடிகர்

1972 – நொடோரியஸ் பி.ஐ.ஜி, அமெரிக்க ராப் இசைக் கலைஞர்

இறப்புகள்

1964 – ஜேம்ஸ் பிராங்க், செருமானிய இயற்பியலாளர், நோபல் பரிசு பெற்றவ செருமானிய இயற்பியலாளர் (பி. 1882)

1991 – ராஜீவ் காந்தி, முன்னாள் இந்தியப் பிரதமர் (பி. 1944)

2014 – ஆர். உமாநாத், இந்திய இடதுசாரி அரசியல்வாதி (பி. 1922)

சிறப்பு நாள்

சிலி – கடற்படையினர் நாள்
இந்தியா – பயங்கரவாதத்திற்கு எதிரான நாள்.

மே 21 கிரிகோரியன் ஆண்டின் 141 ஆம் நாளாகும்.

 நெட்டாண்டுகளில் 142 ஆம் நாள்.

 ஆண்டு முடிவிற்கு மேலும் 224 நாட்கள் உள்ளன.

இன்றைய சிந்தனை துளிகள் !!

கடினமான செயலின் சரியான பெயர்தான் சாதனை. சாதனையின் தவறான விளக்கம்தான் கடினம்.

சிறிதளவு ஊக்கம் ஒரு பெரிய சாதனையின் துவக்கமாகும். ஈட்டி முனையால் சாதிக்க முடியாததைக்கூட இதய கனிவால் சாதிக்க முடியும்.