Bright Zoom Today News ஜுன் 23 காலை நேரச் செய்திகள்

Bright Zoom Today News
ஜுன் 23 காலை நேரச் செய்திகள்

அனைத்து மாவட்ட ஆட்சியர்களுடன்... நாளை காலை தமிழக முதல்வர் ஆலோசனை - செய்திகள் !

உலகச் செய்திகள்
7 ஆண்டுக்கு பிறகுதான் குடியுரிமை:

நேபாள நாட்டு ஆடவரை அயல்நாட்டு பெண் திருமணம் செய்து கொண்டால், அந்த அயல்நாட்டு பெண்ணுக்கு 7 ஆண்டுகளுக்கு பிறகே குடியுரிமை வழங்கப்படும் சட்டத்திருத்த மசோதா அந்நாட்டு நாடாளுமன்றத்தில் தாக்கல் செய்யப்பட்டுள்ளது.

செப்டம்பர் 6ஆம் தேதி பொதுத்தேர்தல்:

தென் அமெரிக்க நாடான பொலிவியாவில் செப்டம்பர் 6ஆம் தேதி பொதுத்தேர்தலை நடத்த இடைக்கால அதிபர் ஜூனைன் அனெஸ் ஒப்புதல் அளித்துள்ளார்.
மாநிலச் செய்திகள்
நாளை காலை 10 மணிக்கு:

தமிழக முதல்வர் பழனிசாமி அனைத்து மாவட்ட ஆட்சியர்களுடன் நாளை காலை 10 மணிக்கு காணொளி வாயிலாக அவசர ஆலோசனை நடத்தவுள்ளார்.

தமிழக அரசு உத்தரவு:

மாற்றுத் திறனாளிகளின் வீடுகளுக்கே சென்று ஆயிரம் ரூபாய் நிவாரணத் தொகையை வழங்க தமிழக அரசு உத்தரவிட்டுள்ளது.

கல்வித்துறை அதிகாரிகளுக்கு உத்தரவு:

பிளஸ்-2 பொதுத்தேர்வுக்கான மதிப்பெண் பட்டியல் தயாரிப்புப் பணிகள் தீவிரமாக மேற்கொள்ளப்பட்டு வரும் நிலையில் அந்தப் பணிகளை வரும் 30ஆம் தேதிக்குள் முடிக்க வேண்டும் என கல்வித்துறை அதிகாரிகளுக்கு உத்தரவிடப்பட்டுள்ளது.

தமிழக அரசு அரசாணை வெளியீடு:

தமிழகத்தில் விதிமீறல் கட்டிடங்களை வரன்முறை படுத்துவதற்கான சட்டம் இயற்றப்பட்டுள்ளது. வரன்முறை படுத்துவதற்கான கால அவகாசம் ஜூன் 21ஆம் தேதியுடன் நிறைவடைந்ததையடுத்து, கால அவகாசத்தை மேலும் ஓராண்டுக்கு நீட்டித்து தமிழக அரசு அரசாணை வெளியிட்டுள்ளது.

இந்திய வரலாற்றில் முதல்முறை:

இந்திய வரலாற்றில் முதல்முறையாக வானிலை எச்சரிக்கைகளை பெற கேரள அரசு, மூன்று தனியார் நிறுவனங்களுடன் ஒப்பந்தம் மேற்கொண்டுள்ளது.

ஜூன் 26ஆம் தேதி:

தமிழகத்தில் பல்வேறு இடங்களில் ஜூன் 26ஆம் தேதி பரவலாக மழை பெய்ய வாய்ப்பு உள்ளதாக வானிலை ஆய்வு மையம் தெரிவித்துள்ளது.

ஐசிஐசிஐ வங்கி அறிவிப்பு:

உலகம் முழுவதும் உள்ள அங்கீகாரம் பெற்ற கல்லூரி மற்றும் பல்கலைக்கழகங்களில் கல்வி பயில ஏதுவாக ரூ.1 கோடி வரையிலான கடனுக்கு உடனடி ஒப்புதல் வழங்குவதாக ஐசிஐசிஐ வங்கி அறிவித்துள்ளது.

தேசிய பேரிடர் நிவாரண நிதி:

தேசிய பேரிடர் நிவாரண நிதிக்கு தனிநபர்களும், நிறுவனங்களும் நன்கொடை வழங்க மத்திய நிதி அமைச்சகம் அனுமதி வழங்கி உள்ளது.

இன்று நேரில் ஆய்வு:

சீன எல்லையில் பதற்றம் நீடித்து வரும் நிலையில், இந்திய ராணுவ தளபதி இன்று நேரில் ஆய்வு நடத்த உள்ளார்.

மாவட்டச் செய்திகள்
இன்று முதல் ரத்து:

சென்னையில் இருந்து மதுரை செல்லும் 4 விமானங்கள் இன்று (ஜூன் 23) முதல் ரத்து செய்யப்பட்டுள்ளதாக தெரிவிக்கப்பட்டுள்ளது.

விளையாட்டுச் செய்திகள்
தமிழகத்தில் கைப்பந்து லீக் போட்டி நடத்தப்படும்:

தமிழகத்தில் கைப்பந்து லீக் போட்டி நடத்தப்படும் என்று தமிழ்நாடு கைப்பந்து சங்க பொதுச்செயலாளர் மார்ட்டின் சுதாகர் தெரிவித்துள்ளார்.