Bright Zoom Today News ஜுலை 06 காலை நேரச் செய்திகள்

Bright Zoom Today News
ஜுலை 06 காலை நேரச் செய்திகள்

தமிழகம் முழுவதும் தொடரும் தடை... தமிழக அரசு அறிவிப்பு - முக்கியச் செய்திகள் !

உலகச் செய்திகள்
3 மாதங்களுக்கு பிறகு மீண்டும் தொடங்கியது:

மேற்கு வங்கத்தின் பெட்ராபோல்-பெனாபோல் எல்லை வழியாக இந்தியாவிற்கும், வங்கதேசத்திற்கும் இடையிலான வர்த்தகம் 3 மாதங்களுக்கு பிறகு நேற்று மீண்டும் தொடங்கியது.

மாநிலச் செய்திகள்
தமிழகம் முழுவதும் தொடரும் தடைகள் - அரசு அறிவிப்பு:

தமிழகத்தின் பல்வேறு பகுதிகளில் இயல்பு வாழ்க்கை திரும்பிக் கொண்டிருந்தாலும் ரயில் போக்குவரத்து, மெட்ரோ, புறநகர் மின்சார ரயில்கள், பேருந்துகள், திரையரங்குகள், பள்ளிக் கல்லூரிகள் இயங்குவதற்கான தடைகள் நீட்டிக்கப்பட்டிருப்பதாக தமிழக அரசு தெரிவித்துள்ளது.

50 சதவீதம் அதிகரிக்க திட்டம்:

முகேஷ் அம்பானி தலைமையிலான ரிலையன்ஸ் இண்டஸ்ட்ரீஸ் நிறுவனம் அதன் விமான எரிபொருள் நிலையங்களை 50 சதவீதம் அதிகரிக்க திட்டமிட்டுள்ளது.

லேசான மழைக்கு வாய்ப்பு:

காற்றின் திசை மாறுபாடு காரணமாக வட தமிழகத்தில் சில இடங்களில் இன்று (ஜூலை 6) லேசான மழை பெய்யக்கூடும் என்று சென்னை வானிலை ஆய்வு மையம் தெரிவித்துள்ளது.

3 ஆண்டில் இருந்து 2 ஆண்டாக குறைப்பு:

எம்சிஏ படிப்பை 3 ஆண்டில் இருந்து 2 ஆண்டாக குறைத்து அகில இந்திய தொழில்நுட்ப கல்விக்கழகம் ஆணையிட்டுள்ளது.

12 நாட்களில் கட்டப்பட்ட மருத்துவமனை:

டெல்லியில் 1000 படுக்கைகளுடன் 12 நாட்களில் கட்டி முடிக்கப்பட்ட மருத்துவமனையை மத்திய மந்திரிகள் அமித்ஷா, ராஜ்நாத் சிங் உள்ளிட்டோர் நேற்று ஆய்வு செய்தனர்.

அவசர சட்டம் பிறப்பிப்பு:

கேரளாவில் பொது இடங்களில் முகக்கவசம் அணிவது ஓராண்டுக்கு கட்டாயமாக்கி அவசர சட்டம் பிறப்பிக்கப்பட்டுள்ளது.

இன்று திறப்பு:

தொல்லியல் துறை கட்டுப்பாட்டில் உள்ள அனைத்து சுற்றுலாத்தலங்களும் சுகாதார பாதுகாப்பு நெறிமுறைகளுடன் இன்று (திங்கட்கிழமை) திறக்கப்படுகிறது.

இணையதளத்தில் பதிவேற்றும் பணி தொடங்கியது:

எஸ்.எஸ்.எல்.சி. மாணவர்கள் காலாண்டு, அரையாண்டு தேர்வில் பெற்ற மதிப்பெண்கள் அரசு தேர்வுத்துறை இணையதளத்தில் பதிவேற்றம் செய்யும் பணி தொடங்கி இருக்கிறது.

மாவட்டச் செய்திகள்
இன்று முதல்...:

சென்னை, திருவள்;ர், காஞ்சிபுரம், செங்கல்பட்டு ஆகிய மாவட்டங்களில் கடந்த மாதம் 19ஆம் தேதி தொடங்கிய முழு பொதுமுடக்கம் நேற்று வரை நீடித்தது. இதையடுத்து, இன்று முதல் வாகனப் போக்குவரத்து, கடைகள் திறப்பு ஆகியவற்றில் பல்வேறு தளர்வுகள் அறிவிக்கப்பட்டுள்ளன.

பிரண்ட்ஸ் ஆப் போலீஸ் செயல்பட தடை:

சாத்தான்குளம் சம்பவத்தை தொடர்ந்து மதுரை மாவட்டத்தில் பிரண்ட்ஸ் ஆப் போலீஸ் செயல்பட தடைவிதித்து போலீஸ் சூப்பிரண்டு மணிவண்ணன் உத்தரவு பிறப்பித்துள்ளார்.

விளையாட்டுச் செய்திகள்
ஆயுட்கால தடை:

உள்ளூர் போட்டிகளில் முறைக்கேட்டில் ஈடுபட்ட கால்பந்து வீரர்கள், அலுவலர்கள், கிளப் உரிமையாளர்கள் என 45 பேருக்கு ஆர்மீனிய கால்பந்து சங்கம் அதிரடியாக ஆயுட்கால தடை விதித்துள்ளது.

சாம்பியன் பட்டம்:

ஜெர்மன் கோப்பை கால்பந்து தொடரில் பேயர்ன் மியூனிச் அணி பேயர் லெவர்குசன் அணியை 4-2 என்ற கோல் கணக்கில் போராடி 20வது முறையாக சாம்பியன் பட்டம் வென்று சாதனை படைத்துள்ளது.