Bright Zoom Today News ஜுலை 29 மாலை நேரச் செய்திகள்

Bright Zoom Today News

ஜுலை 29 மாலை நேரச் செய்திகள்

மறுதேர்வு முடிவுகள்... நாளை மறுநாள்... - மாலைச் செய்திகள்...!!

உலகச் செய்திகள்

இந்தியக் கடற்படை தீவிரம்:

இந்தியப் பெருங்கடல் மண்டலத்தில் சீனக் கப்பல்களின் மீதான கண்காணிப்பை இந்தியக் கடற்படை தீவிரப்படுத்தியுள்ளது.

தென்கொரிய போக்குவரத்து அமைச்சகம் தெரிவிப்பு:

டெஸ்லா நிறுவனம் தயாரித்துள்ள மின்சார வாகனங்களில், பயணிகளின் பாதுகாப்பு தொடர்பான பிரச்சனைகள் குறித்து ஆய்வு செய்து வருவதாக தென்கொரிய போக்குவரத்து அமைச்சகம் தெரிவித்துள்ளது.

மாநிலச் செய்திகள்

தேர்வு முடிவுகள்:

தமிழகத்தில் 11ஆம் வகுப்பு பொதுத்தேர்வு முடிவுகள் மற்றும் 12ஆம் வகுப்பு மறுதேர்வு முடிவுகள் வரும் 31ஆம் தேதி காலை 9.30 மணிக்கு வெளியிடப்பட இருப்பதாக அரசு தேர்வுகள் இயக்ககம் அறிவித்துள்ளது.

ரஃபேல் போர் விமானங்கள் தரையிறங்கியது:

நேற்று முன்தினம் பிரான்சில் புறப்பட்ட ரஃபேல் போர் விமானங்கள் யு.ஏ.இ. வழியாக ஹரியானா மாநிலம் அம்பாலா விமானத்தளத்தில் இன்று தரையிறங்கியது. ரஃபேல் விமானங்களுக்கு வாட்டர் சல்யூட் அடித்து வரவேற்பு அளிக்கப்பட்டது.

பள்ளிக்கல்வித்துறை அமைச்சர் தெரிவிப்பு:

அரசு பள்ளிகளில் மாணவர் சேர்க்கை தற்போதைக்கு இல்லை என்று தமிழக பள்ளிக்கல்வித்துறை அமைச்சர் செங்கோட்டையன் தெரிவித்துள்ளார்.

ரயில்வே அமைச்சகம் திட்டம்:

அடுத்த 2 அல்லது 3 ஆண்டுகளில் 44 புதிய 'வந்தே பாரத்" எக்ஸ்பிரஸை அறிமுகப்படுத்த ரயில்வே அமைச்சகம் திட்டமிட்டுள்ளது.

ஆரஞ்ச் எச்சரிக்கை:

கேரள மாநிலத்தில் பல இடங்களில் நேற்றிரவு முதல் பலத்த மழை பெய்து வருகிறது. இதனால் எர்ணாகுளம், கோட்டயம் உட்பட ஆறு மாவட்டங்களுக்கு ஆரஞ்ச் எச்சரிக்கை விடுக்கப்பட்டுள்ளது.

பஞ்சாப் மாநில அரசு முடிவு:

பஞ்சாப் மாநிலத்தில் 9 முதல் 12ஆம் வகுப்பு வரையிலான மாணவர்களுக்கு ஸ்மார்ட்போன்கள் வழங்க அம்மாநில அரசு முடிவு செய்துள்ளது.

பீகார் மாநிலத்தில் ஆகஸ்ட் 1ஆம் தேதி முதல்:

பீகார் மாநிலத்தில் ஆகஸ்ட் 1ஆம் தேதி முதல் 16 நாட்களுக்கு பொதுமுடக்கம் நீட்டிக்கப்படும் என அம்மாநில அரசு தெரிவித்துள்ளது.

மாவட்டச் செய்திகள்

தங்கத்தின் விலை:

சென்னையில் ஆபரணத் தங்கத்தின் விலை சவரனுக்கு ரூ.304 உயர்ந்து ரூ.40,600-க்கு விற்பனை செய்யப்படுகிறது. கிராமிற்கு ரூ.38 உயர்ந்து ரூ.5,075-க்கு விற்பனை செய்யப்படுகிறது.

விளையாட்டுச் செய்திகள்

ஓய்வு அறிவிப்பை வெளியிட்ட கிரிக்கெட் வீரர்:

இந்திய உள்ள ர் கிரிக்கெட்டின் மூத்த வீரர் ரஜத் பாட்டியா அனைத்து விதமான கிரிக்கெட் ஆட்டங்களிலிருந்தும் ஓய்வு அறிவிப்பை வெளியிட்டுள்ளார்.